Athleticek azken bost urteotako hirugarren finalerako sailkatu nahi du, San Mamesen, Atletico Madril aurkari
Athleticek 2023-24 Errege Kopako finalerako sailkatzea lortu nahi du ostegunean, San Mamesen, 21:30etik aurrera, Atletico Madril aurkari, finalerdietako itzuliko partidan. Talde zuri-gorriak helburu hori gauzatuz gero, azken bost denboraldietan hirugarrenez eskuratuko luke finalerako txartela, seigarren aldiz azken hamasei denboraldiak kontuan izanik. Ernesto Valverderen gizonek gol bateko aldea dute finalerdietako itzuliko partida honi begira, Madrilen jokatutako joaneko neurketan 0-1 irabazi baitzuten. Yuri Berchiche, ia ziur, Athleticen, eta Antoine Griezmann, baieztatuta, Atletico Madrilen, ezingo dira zelairatu, lesioak tarteko, eta aurreikuspena da giro ikusgarria izatea San Mamesen eta Bilbo osoan. EITBk zuzenean emango du norgehiagoka, eitb.eus-en eta ETB1en bidez, eta, halaber, aurreko saio bat ere emango du, 20:55etik, eta partida osteko beste saio berezi bat, norgehiagoka bukatuta.
Testuinguru horretan, talde zuri-gorriak finalerako sailkatzea erdiestea du helburu; aurreko bi denboraldietan ezin izan zuen hori lortu, finalaurrekoetan Valentziak (2021-22an) eta Osasunak (2022-23an) txapelketatik at utzi baitzuten Athletic. 2009an, 24 urte hori lortu gabe eman ondoren, Bilboko taldeak Kopako finala jokatu ahal izan zuen, eta ordutik beste lau aldiz izan da finalean (2012an, 2015ean, 2020an, 2021ean jokatutako finalean, eta 2021ean). Bizkaiko klubak ezin izan du final horietako bat ere irabazi, eta orain, Atletico Madril kanporatzekotan, Mallorca izango luke aurkari; azken talde hori finalean da jada, asteartean Reala penalti jaurtiketetan mendean hartuta.
Ernesto Valverde Athleticeko entrenatzaileak ezingo du, ezustekorik egon ezean, Yuri Berchiche zelairatu, ezta Ander Herrera ere; bi jokalari horiek minduta daude. Oso ziurrenik, Julen Agirrezabala izango da atepean; Errenteriako atezaina Kopako norgehiagoka guztietan izan da titular, eta bikain aritu da, gainera. Pentsatzeko modukoa da Iñigo Lekue ere izatea hasierako hamaikakoan, atzealdeko hegalen batean. Zelai erdian, baliteke Iñigo Ruiz de Galarreta eta Beñat Prados irtetea hasieratik; Mikel Vesga ere egon liteke eibartarrarekin batera, euskarri lanetan. Erasoan, aurreikuspena da Valverdek Oihan Sancet, Iñaki eta Nico Williams eta Gorka Guruzeta zelairatzea, alegia, hasierako hamaikakoetan ateratzen den ohiko laukotea, baina ez litzateke harrigarria izango Alex Berenguerrek ere izatea titular gisa irteteko aukera; izan ere, barañaindarra sasoi puntu onean dabil. Yeray ere zalantza da; Valverdek talde osoa sartu du, deialdian.
Atletico Madrilen aldetik, oso nabarmentzekoa da Antoine Griezmann ez dela izango; aurrelari frantziarra Diego Simeonek entrenatzen duen taldeko jokalaririk arriskutsuena da. Angel Correak ordezkatuko du hasierako hamaikakoan; Correak, azken hiru partida ofizialetan, hiru gol sartu ditu. Alvaro Morata ere irten liteke titular, eta Memphis Depayk, ziur aski, aulkian ekingo dio norgehiagokari. Marcos Llorente ere egon liteke aurrealdean, baina aukera handiagoa dago hori eskuin hegalean izateko. Jose Maria Gimenez, Thomas Lemar eta Cesar Azpilicueta, hirurak lesionatuta, baja dira.
Ostegunean San Mamesen denboraldian hirugarren aldiz arituko dira nor baino nor gehiago Athletic eta Atletico Madril. Aurreneko biak Atletico Madrilek irabazi ditu, 2-0 EA Sports Ligan, Bilbon, abenduan, eta 0-1 joaneko norgehiagokan, duela hiru aste. Valverderen gizonek bederatzi garaipen jarraian daramatzate etxeko talde gisa, Ligako eta Kopako partidak zenbatuta, baina Atletico Madrilek emaitza onak lortu izan ditu San Mamesen Simeonek entrenatzen duenetik: hamahiru norgehiagokatan, sei aldiz irabazi du.
Athletic-Atletico Madril, Kopako finalaurrekoetako itzuliko partida (San Mames, ostegunean, 21:30ean)
Hauek izan litezke hasierako hamaikakoak:
Athletic: Agirrezabala; De Marcos, Vivian, Paredes, Lekue; Ruiz de Galarreta, Prados ala Vesga; Iñaki Williams, Sancet, Nico Williams; eta Guruzeta.
Atletico Madril: Oblak; Llorente, Savic, Witsel, Hermoso, Lino; De Paul, Koke, Barrios; Correa eta Morata.
Epailea: Juan Martinez Munuera (Valentziako Batzordea); VAR epailea: Eduardo Prieto Iglesias (Nafarroako Batzordea).
Zure interesekoa izan daiteke
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.
Williams: "Pena da lehen kolpea jaso beharra gure mailarik onena ateratzeko"
Iñaki Williams Athleticeko jokalariaren adierazpenak, EA Sports Ligako 26. jardunaldian Rayo Vallecanoren aurka 1-1 berdindu ondoren.
Unai Simonek bizirik mantendu du Athletic Vallecasen (1-1)
Ligan bosgarren partida jarraian puntuak gehitu ditu Athleticek. Valverderen taldeak puntu bat berreskuratu du Vallecasen, Iñaki Williamsen gol ikusgarri bati eta Unai Simonen geldiketa erabakigarriei esker, Jorge de Frutosen gol batek etxeko taldea aurretik jarri eta gero.