Athleticek Betisekin galdu du partida kaskarra eginda, Nico Williamsen kaleratzeak baldintzatuta (3-1)
Lehen zati kaskarra jokatu dute bilbotarrek, erasoan arriskurik sortu gabe eta neurketari komeni zaion erritmo bizia ezarri ezinda. Valverderen taldea ohiko presioa egiten saiatu da, aurreko aldean, baina andaluziarrek ondo eutsi diete jokalari zeuri-gorriei.
Gauzak 13. minutuan okertzen hasi dira, Chimy Avilak Willian Joseren pasea aprobetxatuta egindako golarekin. Aurrelari argentinarrak andaluziarren elastikoa jantzita egin duen lehenengoa.
0 eta 2koa zoritxarreko jokaldi baten ondorioz iritsi da. Fekirrek pase bikaina eman dio Willian Joseri, honen jaurtiketa Unai Simonek urrundu du baina baloiak Yuriren gorputza jo du eta bilbotarren atean sartu da.
Ordura arte, Valverderen taldeak ez du erasoan ezertxo ere egin. 40. minutuan, bilbotarrak 10 jokalarirekin geratu dira epaileak Nico Williams kanpora bota duelako, bi txartel hori aterata. Lehenengoa, zorrotza, falta batengatik, eta bigarrena, jarraian, epaileari txalo egiteagatik lehenengo txartela erakusten ari zitzaionean. Jokalariaren hanka-sartzeak jokalari bat gutxiagorekin utzi du bere taldea, 0 eta 2 galtzen egon denean.
45.ean, andaluziarrak hirugarrena sartzear izan dira, baina Fornalsek gehiegi gurutzatu du jaurtiketa eta baloia kanpora joan da, gutxigatik. 49. minutuan, Valverdek Imanol zelairatu behar izan du Yuri Berchicheren ordez, zarauztarrak eskuineko izterrean min hartu duelako. Eta lehen zatiko azken jokaldian, bizkaitarrek gola egin dute: Berenguerrek kornerra atera du eta Guruzetak, buruarekin, baloia Rui Silvaren atean sartu du.
Bigarren zatian, Valverdek Iñaki Willimas zelairatu du Sanceten ordez. Athletic biziago aritu da erasoan, jokalari bat gutxiagorekin egon arren, eta Berenguerrek berdinketa gertu izan du, baina bere jaurtiketa kanpora joan da, gutxigatik.
Betisen hirugarrena
67. minutuan Betisek hirugarrena egin du. Eraso azkar batean, Johnny Cardosok Unai Simon gainditu du.
Betisek aukera gehiago izan ditu azken minutuetan, baina markagailua ez da aldatu. Hiru puntuak Sevillan geratu dira.
Fitxa teknikoa:
3 - Betis: Rui Silva; Aitor Ruibal (Bellerín, 72. min), Pezzella, Chadi Riad, Sabaly; Johnny Cardoso, Altimira (William Carvalho, 46. min); Fornals, Fekir (Assane Diao, 85. min), Chimy Avila (Rodri, 51. min); eta Willian Jose.
1 - Athletic: Unai Simon; De Marcos, Vivian, Paredes (Vesga, 72. min), Yuri (Imanol, +49. min); Beñat Prados (Dani Garcia, 60. min), Galarreta (Unai Gomez, 60. min); Nico Williams, Sancet (Iñaki Williams, 46. min), Berenguer; eta Guruzeta.
Golak: 1-0, M.13: Chimy Avila. 2-0, 37. min: Yuri, bere atean. 2-1, +52. min: Guruzeta. 3-1, 67. min: Johnny Cardoso.
Epailea: Guillermo Cuadra Fernandez (Balear Irletako batzordekoa). NicWilliams kanpora bota du, bi txartel hori aterata, 40 minutuan. Gainera, txartel horiak atera dizkie Betiseko Chimy Avila (30. min) eta Athleticeko Yuri (32. min), Berenguer (41. min), Vivian (47. min) eta Imanol jokalariei (58. min).
Zure interesekoa izan daiteke
Athleticek DUX Logroñori irabazi dio Las Gaunasen eta liga lehen zortzien artean amaitzea ziurtatu du (0-2)
Javi Lergak zuzentzen duen taldeak aurrea hartu du 15. minutuan, Ane Azkonak sartutako golari eskerz. Bigarren zatian, Maddi Torrek bigarren gola egin du 52. minutuan. Zuri-gorriek datorren denboraldian Erreginaren Kopako kanporaketa bat gutxiago jokatu beharko dute.
Naia Landaluzek 2028ra arte berritu du kontratua Athleticekin
Elastiko zuri-gorriarekin 100 partidatik gora jokatu dituen Orozkoko atzelariak beste bi denboraldiz luzatu du kontratua.
Valverde: “Hemen ikusi dut nire burua islatuta, aitortuta; klan bat gara eta hori da dagoena”
Larunbat honetan, Athleticek, Real Madrilen aurka neurtuko ditu, Valverderen azken partidan. Entrenatzaile zuri-gorria etxean egingo duen azken prentsaurrekoan agertu da eta partidaz, klubean izandako ibilbideaz eta Kopako garaipenaz hitz egin du bertan. (Bideoa gazteleraz).
Ane Azkonak Athleticen jarraituko du 2028ra arte
Aurrelari nafarrak hamar urte beteko ditu azaroan debuta egin zuenetik, eta bi denboraldiz luzatu du kontratua.
Athleticek bana egin du Celtarekin, aurtengo Ligan San Mamesen jokatu duen azken partidan
Swedbergek galiziarrak aurreratu ditu lehen zatian eta Iñaki Williamsek, berriz, berdinketa egin du bigarrenean. Valverderen eta Lekueren azken partida izan da Katedralean.
Valverde: "Iritsi gara lehen solairura, ea pixka bat gorago iritsi gaitezkeen"
Ernesto Valverdek, Athleticeko entrenatzaileak, "zapore onarekin" agur esan nahi duela azpimarratu du, Celtaren aurka garaipena eskuratuta; denboraldi "zail" baten ostean San Mamesen jokatuko duen azken partida izango baita.
Egiluzek min hartu du berriro eskuineko belaunean
Erdiko atzelariak haustura du berriro eskuin belauneko aurreko lotailu gurutzatuko plastian.
Dani Vivianek bihurdura bat dauka orkatilan, eta Celtaren aurkako partidarako baja izan daiteke
Athleticeko atzelaria, asteazkenean, Bartzelonan, Espanyolen aurka jokatutako partidaren atsedenaldian kendu behar izan zuen Ernesto Valverdek. Vivianek bere eskuineko orkatilaren kanpoko alboko lotailuan lesio bat du.
Yeray Alvarez: “Taldea minduta dago, baina aurrera begiratzea besterik ez zaigu geratzen"
Athleticek 2-0 galdu du Espanyolen aurka, eta horrek "inoren lurraldean" egotetik atera ditu, Yeray Alvarezek azaldu duenez. EA Sports Ligan bizi den egoera kontuan hartuta, atzelariak argi dauka: "Final bati bezala begiratu behar diogo Celtaren aurkako partidari".
Athleticek ez du bururik altxatzen eta enegarren porrota jaso du etxetik kanpo, Espanyolen aurka (2-0)
Lehen zatian, Athleticek ez ditu abaguneak aprobetxatu, eta Valverderen taldeak bizitasuna galdu du bigarren zatian. Pere Millaren eta Kike Garciaren golek erabaki dute norgehiagoka.