Athleticek Erreginaren Kopa eskuratzeko bidean urrats bat gehiago eman du, Madril 1-0 garaituta
Athletic Clubek 1-0 menderatu du Madril CFF taldea San Mamesen, 2023-24 denboraldiko Erreginaren Kopako final-zortzirenetako partidan, eta, horrenbestez, final-laurdenetarako txartela lortu du. Nahikarik lehen zatian egin du Bilboko taldeari garaipena eman dion partidako gol bakarra.
Lehoiek erabakitasunez egin dute jauzi berdegunera, helburu argia zutela, garaipena, eta 3. minutuan argi erakutsi dute, Nahikarik gola eginda. Aurrelariak zuri-gorrien kontraeraso bat burutu du, baloia sare barrura bidalita etxeko taldea aurretik jartzeko (1-0). Hurrengo minutuetan, etxekoek intentsitate berbera erakutsi dute, eta baloia kontrolatzen saiatu dira, markagailuan zuten abantaila handitzeko aukerak sortu nahirik.
Madrilgo taldeak, bestalde, aldea murrizteko aukera izan du 34. minutuan, baina Nanclares atezaina seguru aritu da, eta ondo gelditu du Kundananjiren jaurtiketa. Atsedenaldira arteko minutuetan, markagailuak ez du aldaketarik izan.
Bigarren zatian, Madrilek hainbat aldaketa egin ditu taldea indartu eta markagailua berdintzen saiatzeko, baina etxekoek ez dute amore eman, eta aldea handitzeko aukera bat edo beste izan dute; Landaluzeren burukada, adibidez, 77. minutuan.
Luzapeneko minutuetan izan dute bisitariek berdinketa lortzeko aukera argiena, baina lehoien defentsa sendoak atepean utzi du ezerezean aukera hori. Horrela, markagailuan bestelako aldaketarik izan gabe amaitu da partida, 1-0.
Zure interesekoa izan daiteke
Valverde: "Aukera ona da guretzat, aste honetako etsipena gorabehera"
Athleticeko entrenatzaileak EA Sports Ligako 27. jardunaldian Bartzelonaren aurka jokatuko duten partidari buruz hitz egin du. Zailtasunak zailtasun, norgehiagoka aldartea hobetzeko aukera bezala ikusten du. (Adierazpenak gaztelaniaz)
Valverde: "Kanporaketa irauli ahal izateko aukera gehiago sortzea falta izan zaigu"
Athleticeko entrenatzaileak onartu egin du Reala "defentsan sendo" aritu dela eta bere jokalariei "presioa gainditzea kosta" izan zaiela. Prestatzaile zuri-gorriaren ustez, "ez da finalerdia erabaki epaileak adierazitako penaltiagatik".
Padilla: "Dena eman dugu eta burua altxatzea bakarrik geratzen da"
Athleticeko atezainak Realaren aurka galdutako Errege Kopako itzuliko finalerdiaz hitz egin du.
Valverde: "Gure asmoa argia da, garaipena bilatzera goaz"
"Talde bakoitzak bere baliabideak ditu, estilo desberdinak ditugu", adierazi du Athleticen entrenatzaileak; Valverdek talde zuri-gorriak Realaren aurka asteazkenean jokatuko duen Errege Kopako partida izan du hizpide.
'Dos Hermanas Oscar de Marcos' Athleticen peñak beste final bat bizi nahi du Sevillan
Sevillako peñak 73 bazkide ditu eta erdiak, gutxi gorabehera, ez du inolako loturarik Euskal Herriarekin. Badakite finalerako sailkatzea zail dagoela, baina ez dute fedea galtzen. Sevillan jokatutako aurreko finaletan kaleak animatu zituzten euren txarangarekin, eta gabarra bat ere atera zuten Guadalquivirren.
Itxaso Uriarte, futbola utzita: "Nostalgia badaukat; nire kasuan, lana beti bertan egon da"
Uriartek ibilbide luzea eta bikaina burutu du goreneko mailan, Realean eta Athleticen. Berdegunean egindako lanaz gain, aldagelan ere izan da erreferentea, taldekide gazteagoentzat.
Julen Agirrezabalak min hartu du meniskoan
Errenteriako atezainak ez du jokatzen joan den urtarrilean giharretan min hartu zuenetik, baina beste gorabehera fisiko bat izan du orain, eta litekeena da denboraldi honetan gehiago ez jokatzea.
Jauregizar: "Partida oso zaila izango da, baina aurrera egiteko aukerak ikusten ditut"
Oviedon "susto handia" hartu zuela onartu du erdilari zuri-gorriak, baina adierazi du belauneko lesioa dagoeneko sendatu duela. Asteazken honetan Anoetan jokatuko den Kopako derbiari dagokionez, Bermeoko erdilariak uste du "guztia" utzi behar dutela zelaian. "Gogoz eta intentsitatez berdeguneratu behar gara, euren bila lehen minututik", erantsi du.
Williams: "Pena da lehen kolpea jaso beharra gure mailarik onena ateratzeko"
Iñaki Williams Athleticeko jokalariaren adierazpenak, EA Sports Ligako 26. jardunaldian Rayo Vallecanoren aurka 1-1 berdindu ondoren.
Unai Simonek bizirik mantendu du Athletic Vallecasen (1-1)
Ligan bosgarren partida jarraian puntuak gehitu ditu Athleticek. Valverderen taldeak puntu bat berreskuratu du Vallecasen, Iñaki Williamsen gol ikusgarri bati eta Unai Simonen geldiketa erabakigarriei esker, Jorge de Frutosen gol batek etxeko taldea aurretik jarri eta gero.