Athleticek berdindu egin du Getaferekin San Mamesen (0-0)
Athleticek berdindu egin du Getaferekin, golik gabe (0-0), larunbatean, apirilaren 1ean, San Mamesen jokatutako Santander Ligako 27. jardunaldiko partida. Beraz, puntu bana eraman du talde bakoitzak. Neurketaren amaieran Oihan Sancetek jakinarzi du Athleticekin kontratua berritu duela 2032ra arte.
Ernesto Valverde Athleticeko entrenatzaileak atsedena eman die hasierako hamaikaoan ohikoak diren Iñigo Martinez, Vesga, Sancet eta Nico Williams jokalariei astearteko Errege Kopako Osasunaren aurkako itzuliko neurketari begira. Hala ere, ondo ekin dio lehiari talde zuri-gorriak. Hainbat korner behartu ditu lehen minutuetan, eta halako baten, 15. minutuan, gola sartzeko aukera argia izan du; Yuriren errematea, ordea, David Soriak desbideratu du, eta jarraian Guruzetak egindako jaurtiketari ere erantzun bikaina eman dio Getafe taldeko atezainak.
Madrilgo taldearen erantzuna minutu batzuk geroago iritsi da Alderetek buruz egindako errematearekin, baina Julen Agirrezabala atezainak saihestu du gola, erantzun bikaina emanda. Ondoren, Athleticek erasora jo du, nahiz eta ezin izan duen abagune argirik sortu. Atsedenaldira iritsi aurretik Maksimovicen errematea kanpora joan da, gutxigatik.
Bigarren zatiaren hasieran bi taldeetako bat ere ez da egin baloiaren jabe. Talde bisitaria gola sartzen saiatu da Mayoralen eta Munirren bidez, baina alferrik. Athleticek ere azkar erantzun du; Berenguerren eta Zarragaren saiakerek, aldiz, ez dute arrakastarik izan. Ondoren, Valverdek aldaketa hirukoitza egin du; Vesga, Sancet eta Nico zelairatu ditu.
Aldaketek Athleticek erasokorrago jokatzea eragin dute. Azken txanpan, Athleticek gertu izan du gola, nahiz eta ezin izan duen aurkariaren atea zulatu. Abagune argiena Yerayk izan du, baina talde zuri-gorriko erdiko defentsak txilenaz egindako errematea kanpora joan da. Bestalde, Getafek azken aukera bat izan du, baina Domingos Duartek ez du lortu Julen Agirrezabalak babestutako atea zulatzea.
Norgehiagoka berdinduta amaitu da (0-0), eta epaileak bukaera adierazi ostean Oihan Sancetek mikrofonoa hartu, eta iragarri du kontratua berritu duela 2032ra arte.
Fitxa teknikoa:
0 - Athletic Club: Agirrezabala; De Marcos (Capa, 82. min), Vivian, Yeray, Yuri; Dani Garcia (Vesga, 59. min), Zarraga (Sancet, 59. min); Iñaki Williams, Muniain, Bernguer (Nico Williams, 59. min); eta Guruzeta (Raul Garcia, 69. min).
0 - Getafe: Soria; Damian (Portu, 72. min), Djene, Duarte, Alderete, Juan Iglesias; Maksimovic (Algobia, 72. min), Milla (Gonzalo Villar, 85. min); Munir (Aleña, 72. min), Borja Mayoral eta Enes Ünal (Latasa, 82. min).
Epailea: Javier Iglesias Villanueva. Ez du txartel horirik atera.
Zure interesekoa izan daiteke
Iñaki Williamsek eta Unai Simonek klubarekin duten arazoaz hitz egin dute
Iñaki Williams eta Unai Simon Athletic Clubeko jokalariek jokalarien eta klubaren arteko egungo egoeraz hitz egin dute, eta atsekabea "jokalariena bakarrik ez" dela eta "elkarrizketa bat egiteke" dutela azpimarratu dute.
Iñaki Williams: “Hau da jarraitu beharreko bidea"
Athletic Clubeko jokalariak Celtaren aurkako garaipenari buruz hitz egin du (0-2) EA Sports Ligako 3. jardunaldian. Pozik agertu da taldeak egindako partida onagatik, batez ere lehen zatian.
Athleticek mamuak uxatu ditu Celtari irabazita (0-2)
Lehen zati ikusgarriarekin, eta Berenguer eta Navarroren golekin, 'lehoiak' aurkaria baino askoz gehiago izan dira eta denboraldiko lehen garaipena lortu dute.
Athleticek dotore ekin dio Ligari, Badalona garaituta (3-1)
Athletic 3-1 nagusitu da igande honetan Badalonaren aurka Lezaman jokatu den F Moeve Ligako lehen jardunaldiko partidan. Victor Marin bikain estreinatu da zuri-gorrien aulkian. Pinedok, Azkonak eta Amezketak egin dituzte etxekoen golak.
Terzicek ez du “distrakziorik" nahi jokalariek klubarekin duten gatazkagatik
Edin Terzic Athleticeko entrenatzaileak azpimarratu du ez duela "zelaian distrakziorik" nahi Celtaren aurka, bere futbolariek klubeko agintariekin duten gatazkaren ondorioz, osteguneko Bartzelonaren aurkako partidaren ondoren jakin zena.
Athleticeko jokalariak ez ziren hedabideen aurrean agertu Bartzelonan “klubeko barne arazo batengatik"
Athleticeko agintariek klubeko langileei (lehen taldeko kideei, besteak beste) San Mameseko partidetarako gonbidapenak kentzea erabaki ondoren gertatu zen. Ligak Athletic zigortuko du, jokalariak prentsaren aurrean agertzera behartuta baitaude.
Athletic esku-hutsik irten da Camp Noutik (2-0)
Bigarren porrota jaso du Edin Terzicen taldeak bi jardunalditan, gaurkoan Bartzelonaren aurka galduta. Raphinha eta Fermin izan dira golegileak, nahiz eta Unai Simonek lan bikaina egin duen bilbotarren aldetik.
Athletic ez dago ados Apelazioarekin, Yuriren aldeko errekurtsoa ezesteagatik
Klubak gogorarazi du joan den asteartean argitaratutako Epaileen Batzorde Teknikoaren analisiak ondorioztatu zuela jokalaria kanporatzeko ekintza "txartelik gabeko jaurtiketa libre zuzenarekin" konpondu behar zela.
Edin Terzic: “Talde askok sufritzen dute Camp Noun”
Athleticen entrenatzaile alemaniarrak Bartzelonaren partidaren aurkako atarian hitz egin du eta taldea nola iritsiko den aztertu du. Yuri, Vivian, Egiluz eta Prados gabe arituko dira Camp Noun.
Beñat Gerenabarrena, debuta egin ostean: “Txikitatik amestu dudan gauza bat da; pena emaitza ez dela nahi genuena izan”
Erdilari lekeitiarra hasierako hamaikakoan aritu da, Peio Canalesekin batera, 2026-2027 denboraldiko EA Sports Ligan Athleticek jokatu duen lehen partidan. Gerenabarrena ondo ibili da, baina Athleticek 1-3 galdu du Sevillaren aurka, San Mamesen, lehen minutuetatik hamar jokalarirekin jokatu eta gero.