Athleticek puntu bat lortu du Son Moixen (0-0)
Athleticek eta Mallorcak bana berdindu dute ostiral honetan Son Moixen jokatutako partidan. Neurketa zoratu egin da erabat azken ordu laurdenean, talde biek izan baitute penaltiz gola erdiesteko parada. Alabaina, ez Abdon Pratsek, etxekoen alde (kanpora bota du), ez Aritz Adurizek, zuri-gorrien alde (atezainak geratu dio), ez dira hamaika metroetatik gola gauzatzeko gai izan.
Mallorcaren aldeko penaltia Yurik area barruan Kubo japoniar gazteari egindako falta argi baten ostean heldu da (81. minutua). Athleticena, berriz, Babak eskuz jotako baloi batengatik etorri da (95. minutua).
Talde biek ia arlo guztietan berdindu dute, baita zutoinetara bidalitako baloietan ere, hantxe amaitu baitute Salva Sevillaren eta Gaizka Larrazabalen jaurtiketek (azken honena langaren aurka, hain zuzen ere).
Partidako azken jokaldian, Alex Alegriak etxekoen aldeko gola sartu du buruz, geldikako baloi baten ostean, baina jokoz kanpo zegoen, eta hala adierazi du epaileak.
Horrenbestez, Ligako laugarren jardunaldian izandako berdinketa honekin, Athleticek neurketarik galdu gabe jarraitzen eta 8 puntu ditu dagoeneko. Mallorcak, berriz, Realaren eta Valentziaren aurka galdutako bi partiden bolada txarra eten du.
Fitxa teknikoa:
0-Mallorca: Reina, Joan Sastre, Valjent, Raillo, Rahman, Febas (Alex Alegria, 83. min), Baba, Salva Sevilla, Dani Rodriguez (Kubo, 62. min), Lago Junior eta Budimir (Abdon Prats, 74. min).
0-Athletic Club: Unai Simon, Capa, Yeray, Iñigo Martinez, Yuri, Dani Garcia, Unai Lopez (Beñat, 51. min), Muniain, Raul Garcia, Cordoba (Aduriz, 57. min) eta Williams (Gaizka Larrazabal, 84. min).
Zure interesekoa izan daiteke
Julen Agirrezabala, Racing Santanderrera
Athleticek diru kopuru bat jasoko du 25 urteko atezainaren fitxaketarengatik, eta aldagai ekonomikoak gordeko ditu helburuen, etorkizuneko salmentaren ehunekoaren eta lehentasunez erosteko eskubidearen arabera. Agirrezabalak, 25 urtekoa bera, 65 partida ofizial jokatu ditu Athleticekin, tartean 2023-2024 denboraldiko Errege Kopako guztiak; orduan, euskal taldeak titulua irabazi zuen, eta errenteriarra giltzarria izan zen horretarako.
-6?fmt=webp-alpha&qlt=80)
Nico Williams, Unai Simon eta Aymeric Laporte Lezamara itzuli dira oporraldiaren ostean
Nico Williams, Unai Simon eta Aymeric Laporte entrenamenduetara itzuli dira AEBetako, Mexikoko eta Kanadako Munduko Txapelketa irabazi ostean.
Athleticek 3-1 galdu du denboraldiaurreko azken-aurreko partida Marseillan
Athleticek 3-1 galdu du denboraldiaurreko azken-aurreko partida, Olympique Marseillaren aurka. Stade Velodromen jokatu dute partida, eta Angel Gomes, Igor Paixao eta Tadjidine Mmadi izan dira etxeko taldearen golegileak. Zuri-gorrien gola, berriz, Oihan Sancetek egin du.
Leire Bañosek eskuin belauneko lotailu gurutzatua hautsi du
Irungo erdilariak min hartu zuen iragan larunbatean Luancon, Deportivo Abancaren aurka, denboraldiaurreko lehen norgehiagokan. Berdegunea utzi zuen neurketa hasi eta bi minutura.
Mikel Vesgak Athletic utzi eta Almerian jokatuko du datozen hiru denboraldietan
Gasteiztar erdilariak 9 denboraldi eman ditu Bizkaiko klubean, eta Lehen Mailara itzultzeko helburua duen Andaluziako taldean arituko da hemendik aurrera.
Athleticek Burgos gainditu du (0-3)
Athleticek sendo irabazi dio Burgosi Plantion, denboraldiaurreko seigarren partidan. Aresok arratsaldeko lehena egin du hasi eta gutxira. Robert Navarrok bigarrena egin du, eta Iñaki Williamsek hirugarrena azken txanpan. Formatu berezia izan du, ordu erdiko lau denbora jokatu baitira.
Peio Canales: “Orain beste jokalari bat bueltatzen da Athleticera”
Peio Canalesek onartzen du urte bikaina eman duela Racingen utzita, eta bertan asko hazi dela. Athleticen garrantzitsua izan nahi du Terzicen aginduetara, berarekin zelaian egin behar duenaren inguruan hainbat elkarrizketa izan baititu. Taldearen helburua oso argia da: goiko postuetan egotea.
Elene Guturbayk 2029ra arte berritu du kontratua Athleticekin
Deustuko erdilariak hiru denboraldiz luzatu du klubarekin duen lotura. Duela gutxi 19 urtez azpiko Europako txapelketa irabazi zuen.
Athleticek Racing hartu du mendean, Laredon, denboraldiaurreko bosgarren neurketan (0-3)
Gorka Guruzetak Athletic aurreratu du markagailuan, lehen zatian. Atsedenaldiaren ostean, Oihan Sancetek egin du zuri-gorrien bigarren gola, eta hirugarrena Johanekok sartu du azken minutuetan. Horrela, Edin Terzicen taldeak porrotik gabe jarraitzen du denboraldiaurrean.
Athleticek bere munduko hiru txapeldunak eta De la Fuente omenduko ditu
Espainiako selekzioko hiru jokalari zuri-gorriek parte-hartze garrantzitsua izan zuten Munduko Kopako finalean, eta horiei Luis de la Fuente hautatzailea gehitu behar zaie, Athleticeko jokalari gisa aritutakoa.