Alaves jaitsiera postuetatik aldendu da, Celtari irabazita
Alavesek 2-1 irabazi dio Celtari Mendizorrotzan eta hiru puntu hauei esker, jaitsiera postuak 5 puntura uzten ditu. Abelardok zuzentzen duen taldeak partida ona egin du, eta neurketa erabakita utzi du lehen zatian.
Arabako taldeak bizi ekin dio partidari eta baloiaren jabe izan da lehen minutuetan. Gainera, sortu duen lehen abagunean, 4. minutuan, Pedrazak 1-0ekoa sartu du Munirrengandik baloia jaso ostean. Maldan behera jarri zaio norgehiagoka Alavesi eta ondorengo minutuetan abagune askorik sortu ez duen arren, Celta kontrolpean izan du. Horrela, neurketa honetan izan duen bigarren abagunean, Munirrek 2-0ekoa sartu du. Partidako 16. minutua, eta Alaves bi goleko abantailarekin jarri da. Celta saiatu da atsedenaldia baino lehenago aldeak murrizten, baina ez dizkio arazo asko sortu talde babazorroaren defentsari. Atsedenaldira iritsi orduko, Radojak izan du abagune argi bat, baina Pacheco atezainak desbideratu du baloia, galiziarren gola eragotziz.
Bigarren zatian Celta izan da baloiaren jabe. Galiziako taldeak agindu du berdegunean, baina ez du abagune askorik sortu. Alaves sendo egon da atzean eta erasoan ezer gutxi egin duen arren, ez du gehiegi sufritu. Celtak 65. minutuan izan du abagune argiena, baina Sistok kanpora bidali du ate aurrean bakarrik egon ostean. Neurketako 84. minutuan Aspasek izan du aldeak murrizteko aukera; hala ere, Pachecok eragotzi du gola, aurrelari galiziarrak orpoz egin duen errematea geldituta. Celta ekinean ibili da golaren bila eta 2-1ekoa sartu du Aspasek, 91. minutuan. Talde bisitariari ez dio gehiagorako denborarik eman, eta Alavesek lortu du garaipena.
Fitxa teknikoa:
2 - Alaves: Pacheco; Martin Aguirregabiria, Laguardia, Ely, Alexis; Ibai Gomez (Hernan Perez, min. 88), Pina, Manu Garcia, Pedraza; Sobrino (Bojan, min. 74) eta Munir (Dani Torres, min. 81).
1 - Celta: Ruben Blanco; Jonny, Sergi Gomez, Roncaglia, Mazan (Jozabed, min. 57); Wass, Lobotka, Radoja (Emre Mor, min. 74), Brais Mendez (Pione Sisto, min. 57); Iago Aspas eta Maxi Gomez.
Golak: 1-0, min.4: Pedraza. 2-0, min.18: Munir. 2-1, min.91: Aspas.
Epailea: Martinez Munuera.
rtinez Munuera.Zure interesekoa izan daiteke
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Chacho Coudet: "Ez diot aurkariaren dinamikari erreparatzen, geureari begiratzen diot"
Babazorroek Real Madril hartuko dute igande honetan Mendizorrotzan, eta talde zuria bolada gorabeheratsu baten ostean helduko da Gasteizera. Prentsaurrekoan galdera asko izan dira Xabi Alonsok zuzentzen duen taldearen egoeraren inguruan, baina Chacho Coudetek bere taldean zentratu nahi izan du.
Jon Pacheco: ''Hiru puntu hauek oso garrantzitsuak dira etorkizunari begira''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Jon Pacheco atzelari nafarrak esan du partida berezia izan dela, aurrenekoz izan baitu Reala aurkari.
Victor Parada: ''Denboraldia markatu ahal duten partidetakoa zen; hiru puntuak atera behar genituen''
Alavesek 1-0 garaitu du Reala Mendizorrotzan jokatu duten euskal derbian. Partidaren amaieran, Victor Paradak bere taldearen garaipena nabarmendu du.
Eduardo Coudet: "Irabazteko beharra dugu"
Alavesek Ligako hiru porroten bolada txarra eteteko asmoz ekingo dio biharko hitzorduari. "Irabazteko beharra dugu. Erakutsitako maila onagatik bost puntu gehiago izatea mereziko genuke ", adierazi du Chacho Coudetek partidaren aurreko prentsaurrekoan.
''Amets askorekin etorri nintzen; nigan izan duten konfiantza bueltatu behar diet''
Nahuel Tenagliak kontratua berritu du Alavesekin 2029ra arte. Argentinarra oso eskertuta agertu da klubarekin, maitatua eta baloratua sentitzen dela adierazi du. (Bideoa gazteleraz)
Nahuel Tenagliak Alavesen jarraituko du datozen hiru denboraldietan
Tenaglia jokalari argentinarrak 130 norgehiagoka jokatu ditu, 2022ko otsailean Gasteizera iritsi zenez gero.
La Florida futbol-zelaian jokatutako Portugalete-Alaves (0-3) Errege Kopako partidaren laburpena
Alavesek Errege Kopako final-hamaseirenetako kanporaketarako txartela lortu du. Portugaletek, harmailak bete dituzten etxeko zaleen bultzadarekin, gasteiztarrei aurre egin die, baina ez da nahikoa izan. Eduardo Coudet entrenatzaile argentinarrak urte bat bete du gaur arabarren aulkian.
Alavesek Kopako final-hamaseirenetarako txartela lortu du lanak eman dizkion Portugaleteren aurka (0-3)
Coudeten jokalariek oso ondo hasi dute neurketa, 2. minutuan aurreratu baitira Carlos Vicenteren gol eder bati esker. Atsedenaldiaren ostean garaipena berretsi dute, Portugaletek bere atean sartutako gol bati esker. Toni Martinezek hirugarren gola egin du azken minutuetan.