PSGk Arsenal kanporatu du, eta Txapeldunen Ligako finala jokatuko du bigarrenez
Paris Saint-Germainek 2-1 irabazi zion Arsenali asteazken honetan, Txapeldunen Ligako finalaurrekoetako itzuliko neurketan, Fabian Ruizek eta Achraf Hakimik sartutako golei esker. Hala, Europako lehiaketa goreneko finalerako txartela eskuratu zuen, bigarren aldiz, 2020ko finala jokatu ostean.
Joanekoan bat eta hutseko garaipena lortuta, Ingalaterrako taldeak egindako partida hasiera onari aurre egin behar izan zion PSGk. Hala eta guztiz ere, Luis Enriqueren gizonek egin zuten norgehiagokako lehen gola, 27. minutuan, Fabian Ruizek, hain zuzen ere. Emaitza horrekin joan ziren aldageletara.
Bigarren zatian, Luis Enriqueren gizonak hobeto sartu ziren partidan, eta defentsa ere zaindu zuten. Arsenalek, geldikako jokaldietan estutzeaz gain, Sakaren abilezia bilatu zuen, nahiz eta guztiz ondo ez egon, lesioa osatu berritan. Aukera bat izan zuen arren, Donnarummak bikain eutsi zion. Arsenaltarrek berdinketarako aukera izan zuten, penaltiz, baina David Rayak gelditu zuen Vitinharen jaurtiketa.
Ondoren, Achraf Hakimik sartu zuen PSGren bigarrena, 72. minutuan. Handik 4 minutura Bukayo Sakak Arsenalentzat aldea murriztea lortu zuen. Txapeldunan Ligako bigarren finala nahi zuen Artetaren taldeak, baina motz geratu zen.
Horrenbestez, PSG eta Inter Milan izango dira aurrez aurre aurtengo finalean. Hitzordua maiatzaren 31n izango da, Munichen, 21:00etatik aurrera. Irabaziz gero, Milango taldeak txapelketa honetan eskuratzen duen laugarren garaikurra izango litzateke; lehena, ordea, PSGrentzat.
FITXA TEKNIKOA
-Emaitza: PARIS SAINT-GERMAIN, 2 - ARSENAL, 1. (1-0, atsedenean).
-Hamaikakoak:
PSG: Donnarumma; Hakimi, Marquinhos, Pacho, Nuno Mendes (Ramos, 88. min); Joao Neves, Vitinha, Fabian, Barcola (Dembélé, 70. min), Kvaratskhelia eta Doué (Lucas, 74. min).
ARSENAL: Raya; Timber (White, 83. min), Saliba, Kiwior, Lewis-Skelly (Calafiori, 68. min); Thomas, Odegaard, Rice, Saka, Martinelli (Trossard, 69. min) eta Mikel Merino.
-GOLAK:
1 - 0, 27. min, Fabian.
2 - 0, 72. min, Hakimi.
2 - 1, 76. min, Saka.
-Epailea: Felix Zwayer (ALE). PSGko Mendesi (18. min) eta Kvaratskheliari txartel horia atera zien (86. min). Riceri (26. min), Lewis-Skellyri (56. min), Calafioriri (86. min) eta Sakari (87. min), Arsenaletik.
-ESTADIOA: Printzeen Parkea.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).