Inter Milan da Txapeldunen Ligako lehen finalista, Bartzelona 4-3 mendean hartuta
Inter Milanek Bartzelonari irabazi zion asteartean, 4-3, Txapeldunen Ligako finalaurrekoetako itzuliko neurketan; hortaz, maiatzaren 31ko finala jokatuko du talde italiarrak. Joanekoa bezain norgehiagoka eroa izan zen, eta luzapenera iritsi ziren. Inter fisikoki indartsuago zelairatu zen azken txanpa horretan, eta Giuseppe Meazzako giroak bultzatuta, Bartzelona menderatu zuen. Kataluniako taldeak aurkako bi eta hutsekoa irauli zuen arren, Interrek luzapena behartu zuen, amaierarako minutu eta erdi falta zela.
Lehen zatian, Hansi Flicken gizonak izan ziren nagusi, baina golak nerazzurren aldetik iritsi ziren, Interrek bi sartu baitzituen: Lautaro Martinezek lehena, Barçak galdutako baloi bat aprobetxatuta, eta Çalhanogluk bigarrena, VAR bidez atzemandako penalti baten ondorioz.
Bigarren zatian, Bartzelonak partida irauli eta hiru gol igo zituen markagailura. Eric Garciak egin zuen bat, Gerard Martinek egindako erdiraketa errematatuta. Binako berdinketa Dani Olmok eskuratu zuen, buruz, Gerard Martinen beste erdiraketa batera plantxa eginda sartu eta gero.
87. minutuan, Raphinak sinatu zuen kataluniarren hirugarrena. Bi eta hirukoarekin, Bartzelonak partida iraulita zuela zirudienean, Acerbi atzelariak Interren hirugarren gola sartu zuen. Horrenbestez, kanporaketa berdinduta zegoenez, luzapena jokatu behar izan zuten.
Lau eta hirukoa Davide Frattessirena izan zen, 99. minutuan. Nahiz eta Barça saiatu, emaitza horrekin amaitu zen itzulikoa. Interren aurkaria gaur gauean erabakiko da, PSGk eta Arsenalek Parisen duten hitzorduan. Frantziarrak joanekoan lortutako huts eta bateko aldeko emaitzarekin zelairatuko dira.
FITXA TEKNIKOA
-INTER MILAN, 4 - FC BARTZELONA, 3
INTER MILAN: Sommer; Bisseck (Darmian, 71. minutuan), Acerbi, Bastoni; Dumfries (De Vrij, 108. minutuan), Barella, Çalhanoglu (Zielinski, 79. minutuan), Mkhitaryan (Frattesi, 79. minutuan), Dimarco (Augusto, 55. minutuan); Lautaro Martinez (Taremi, 71. minutuan) eta Thuram.
BARTZELONA: Szczesny; Eric Garcia (Hector Fort, 98. minutuan), Cubarsi (Gavi, 106. minutuan), Iñigo Martinez (Araujo, 76. minutuan), Gerard Martin; De Jong, Pedri (Pau Victor, 106. minutuan); Lamine Yamal, Olmo (Fermin Lopez, 83. minutuan), Raphinha; eta Ferran Torres (Lewandowski, 90+1. minutuan).
-GOLAK:
1-0. 21. min, Lautaro Martinez.
2-0. 45+1. min, Çalhanoglu (p).
2-1. 54. min, Eric Garcia.
2-2. 60. min, Dani Olmo.
2-3. 87. min, Raphinha.
3-3. 90+3. min, Acerbi.
4-3. 99. min, Frattesi.
-EPAILEA: Szymon Marciniak (POL). Jokalari hauei atera zien txartel horia: Çalhanoglu (36. min), Mkhitaryan (68. min), Acerbi (90+5. min), Augusto (91. min), Bastoni (118. min), Inter Milanetik, eta Iñigo Martinezi (51. min) eta Pau Victorri (min.90+5) Bartzelonatik.
-ZELAIA: Giuseppe Meazza.
Zure interesekoa izan daiteke
Bayernek Real Madril kanporatu du azken minutuetan, eta Arsenal distirarik gabe sailkatu da
Bavariako taldeak 6-4ko emaitza lortu du kanporaketan, Allianz Arenan jokatutako itzulerako partidan 4-3 irabazi ostean. Bestalde, Artetaren taldeak hutsean berdindu du, etxean, Sportingen aurka, eta joaneko partidan sartutako gol bakarrarekin nahikoa izan du sailkatzeko.
Atletico eta PSG, finalerdietara Bartzelona eta Liverpool kanporatuta, hurrenez hurren
Koltxoneroek 1-2 galdu dute Metropolitanon jokatu den final-laurdenetako itzulerako partidan, baina kanporaketa 3-2 irabazi dute. Bestalde, paristarrek talde ingelesa 0-2 hartu dute mendean, Anfielden, eta Luis Enriqueren jokalariek, egungo txapeldunek, hirugarren urtez jarraian jokatuko dituzte finalerdiak.
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).