Portugalek mendean hartu du Suitza (6-1) eta Maroko izango du aurkari final-laurdenetan
Portugalek mendean hartu du Suitza 6-1eko emaitzarekin Qatarko Munduko Txapelketako final-zortzirenetako partidan. Final-laurdenetan Maroko izango dute aurkari portugaldarrek.
Erakustaldia eman du Portugalek. Gonçalo Ramos izan da neurketako izarra, hiru gol (ht-trick) sartuta. Ramosek hasieratik jokatu du hamaikakoan Cristiano Ronaldo ordezkatuta. Ronaldok aulkian ekin dio lehiari, eta 74. minutuan zelairatu da.
Hasieratik amaieraraino nagusi izan dira portugaldarrak. Gonçalo Ramosek sartu du 1-0ekoa 17. minutuan, eta Pepek jarri du 2-0ekoa markagailuan, 33. minutuan. Atsedenaldira gol gehiagoko errentarekin joateko aukera izan du Portugalgo selekzioak, baina barkatu egin du aurkariaren ate aurrean.
Atsedenaldiaren otean, ez da partidaren gidoia aldatu, eta Portugalek neurketa erabakita utzi du Gonçalo Ramosek (3-0) eta Raphael Guerrerirok (4-0) sartutako golei esker, 51. eta 55. minutuetan hurrenez hurren.
Akanjik Suitzaren desabantaila murriztu du 4 eta 1ekoa markagailuratuta, bigarren zatiko lehen ordu laurdena bete baino lehenago. Hala ere, Portugal ez da urduri jarri, nagusi izaten jarraitu du, eta Gonçalo Ramosek norgehiagokako bere hirugarren gola sartu du (5-1), 67. minutuan.
Luzapenean, Leaok biribildu du Portugalen erakustaldia (6-1).
Fitxa teknikoa:
6 - Portugal: Diogo Costa; Dalot, Pepe, Ruben Dias, Raphael Guerreiro; Otavio (Vitinha, 73. min), William Carvalho, Bernardo Silva (Ruben Neves, 81. min); Bruno Fernandes (Rafa Leao, 87. min); Gonçalo Ramos (Cristiano Ronaldo, 74. min) eta João Felix (Ricardo Horta, 73. min).
1 - Suitza: Sommer; Fernandes, Schär (Comert, 46. min), Akanji, Rodriguez; Freuler (Zakaria, 54. min), Xhaka; Shaqiri, Sow (Seferovic, 54. min), Vargas (Okafor, 66. min); eta Embolo (Jashari, 89. min).
Golak 1-0, 17. min: Gonçalo Ramos. 2-0, 33. min: Pepe. 3-0, 51. min: Gonçalo Ramos. 4-0, 55. min: Raphael Guerreiro. 4-1, 58. min: Akanji. 5-1, 67. min: Gonçalo Ramos. 6-1, 92. min: Rafa Leao.
Epailea: Cesar Ramos (Mexiko). Txartel horiak atera dizkie Schar (43. min) eta Comert (59. min) Suitzako jokalariei.
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.