Frantzia nagusi izan da Poloniaren aurka (3-1), eta final-laurdenetarako txartela eskuratu du
Frantziak Qatarko Munduko Txapelketako final-laurdenetarako txartela eskuratu du igande honetan (abenduak 4), Poloniari 3 eta 1 irabazita. Poloniarrek agur esan diote txapelketari, final-zortzirenetan.
Lehen minutuetan, Frantzia izan da nagusi, eta abagune argiak izan ditu. Bosgarren minutuan Varanek egin duen errematea kanpora joan da; bost minutu geroago, Dembeleren jaurtiketa kornerrera desbideratu du Berezynskik; eta, 13. mintuan Szczesny atezainak saihestu du gola, Tchouameniren jaurtiketa geldituta.
Poloniak nola edo ahala eutsi die aurkariaren erasoko jokaldiei, eta gola sartzeko lehen aukera izan du 20. minutuan, kanpora joan den Lewandowskiren jaurtiketaren bitartez. Ondoren, parekotasuna izan da nagusi, baina 35. minutuan Mbappek jokaldi bikaina egin, jaurti, eta Szczesnyk erantzun bikaina eman dio aurrelariaren erremateari. Ia jarraian, Poloniak abagune hirukoitza izan du; Lloris atezainak Zielinskiren jaurtiketa desbideratu du, eta, ondoren, Tchouamenik baloia atepetik atera du birritan.
Bazirudien lehen zatia berdinketarekin amaituko zela, baina ez da hala izan, Frantziak gola sartu baitu 44. minutuan: Giroud izan da golegilea (1-0), Mbapperen pase bikaina baliatuta.
Bigarren zatian baloiaren jabe egin da Frantzia, baina kosta egin zaio abagune argiak sortzea. Lehena 65. minutuan izan du; Giroudek, ordea, kanpora bidali du errematea Dembeleren erdiraketaren ostean.
Polonia saiatu da erasora jotzen, nahiz eta ez duen izan gola sartzeko aukera argirik. Neurketako 75. minutuan Frantziako selekzioak kontraeraso azkarra antolatu du, eta Mbappek 2-0ekoa jarri du markagailuan, jaurtiketa bikainarekin Szczesny gaindituta.
Jada 90. minutua pasata, Mbappek frantziarren hirugarrena egin du (3-0), area ertzetik jaurtiketa bikaina atera, eta gol ikusgarria sartuta.
Norgehiagoka amaitzear zela, epaileak Poloniaren aldeko penaltia adierazi du, Upamecanok baloia eskuarekin jo duelako area barruan. Llorisek gelditu egin dio jaurtiketa Robert Lewandowskiri, baina atezaina aurreratuta egon da poloniarrak jaurtiketa egin duenean, eta errepikatu egin behar izan da. Bartzelona taldeko jokalariak berak hartu du jaurtitzeko ardura bigarren aukeran ere, eta Lewandowskik ohorearen gola sartu du Poloniarentzat (3-1).
Amaieran, Frantziarentzat garaipena eta final-laurdenetarako txartela.
Fitxa teknikoa:
3- Frantzia: Lloris; Kounde (Disasi, 92. min), Varane, Upamecano, Theo Hernandez; Tchouameni (Fofana, 66. min), Rabiot; Griezmann; Dembele (Coman, 76. min), Giroud (Thuram, 76. min) eta Mbappe.
1- Polonia: Szczesny; Cash, Glik, Kiwior (Bednarek, 87. min), Bereszynski; Krychowiak (Bielik, 71. min); Kaminski (Zalewski, 71. min), Zielinski, Szymanski (Milik, 64. min), Frankowski (Grosicki, 87. min) eta Lewandowski.
Golak: 1-0, 44. min: Giroud; 2-0, 74. min: Mbappe; 3-0, 91. min: Mbappé; 3-1, 99. min: Lewandowski (p).
Epailea: Jesus Valenzuela (VEN). Txartel horiak atera dizkie Tchouameni (37. min) Frantziako jokalariari eta Bereszynski (47. min) eta Cash (88. min) Poloniako futbolariei.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.
Reala nagusi izan da, eta lehen kolpea eman du San Mamesen (0-1)
Talde txuri-urdinak aurrea hartzeko aukera dezente izan dituu lehen zatian, baina ez du asmatu Padilla Athleticeko jokalari onenaren aurrean. Bigarren zatian, Turrientesek egin du Realaren gola, 62. minutuan.
Horrelakoa izan da Realari garaipena eman dion Turrientesen gola
Errege Kopako joaneko finalerdia jokatu da Athleticen eta Realaren artean, San Mamesen. Gol bat besterik ez dugu ikusi partidan, eta Turrientes izan da protagonista, Realari garaipena eman eta martxoaren 4an Donostian jokatuko den partidarako abantaila lortu baitu.
Zaleek harrera ezin hobea egin diete Athletic eta Realari, San Mamesera bidean zihoazela
Bi taldeetako zaleek azken unea ere baliatu dute jokalariak bultzatzeko; Athleticen autobusak harrera izan du San Mamesen, eta Realarenak hotelean hartu dute.