Herbehereak, final-laurdenetara Estatu Batuak garaituta (3-1)
Herbehereetako selekzioak Ameriketako Estatu Batuetakoa (AEB) gainditu du Munduko Txapelketako final-zortzirenetan (3-1). Depay, Blind eta Dumfriesek sartu dituzte golak herbeheretarrentzat, Wrightek amerikarrentzat. Estatubatuarren defentsaren hutsak ederki baliatu ditu Van Gaalek zuzentzen duen taldeak final-laurdenetarako txartela lortzeko.
Estatubatuarrak erasokor atera dira, eta 2. minutuan lehen abagune argia izan dute: Tyler Adamsen pasea Pulisici heldu zaio, aurrelariak jaurtiketa egin du, baina Noopert atezainak bikain erantzun dio.
10. minutuan, herbeheretarrek jositako lehen jokaldian iritsi da neurketako estreinako gola: Dumfries eskuin hegaleko jokalariak, erdiraketa egin, eta Depayk gola sartu du, erremate gurutzatu batekin (1-0).
Golak lasaitasuna eta sendotasuna eman dio Herbeheretako taldeari. Estatu Batuetako selekzioa, aldiz, itzali egin da erasoan. Amerikarrek izan duten aukera bakarra 42 minutuan iritsi da: Weahk area ertzean aldaratzea jaso, eta jaurtiketa bortitza atera du, baina Noopert atezainak geldiketa ona egin du.
Lehen zatiko luzapenean, ordea, herbeheretarrek bigarrena sartu dute: Dumfriesek erdiraketa egin du penalti puntura, eta Blindek ate barrura bidali du baloia (2-0). Horrela iritsi da norgehiagoka atsedenaldira.
Bigarren zatia bizi hasi da. Estatu Batuak erasora atera da aldeak murriztu nahian, baina herbeheretarren kontraerasoak min handia egin diote. Horrela, Memphis Depayk abagunea izan du 50. minutuan: Dumfriesen erdiraketa Depayk errematatu du, baina Turner atezainak gelditu du jaurtiketa.
74. minutuan Depayk aukera paregabea oparitu die estatubatuarrei, pase kaskarra eman, eta baloia Wrighti iritsi baitzaio area barnean, nahiz eta, azkenean, AEBko aurrelariak alferrik galdu duen abagunea. Hurrengo minutuan, ordea, asmatu egin du aurrelari estatubatuarrak, Pulisicek eskuinetik egindako erdiraketa erematatu eta baloia ate barrura sartuta (2-1).
Wrighten golak markagailua estutu du, baina emozioak ez du askorik iraun, 81. minutuan Dumfriesek lehia erabakita utzi baitu, eskuin oinarekin egindako jaurtiketarekin Turner gaindituta (3-1), Blinden erdiraketa jaso ostean.
Amaieran, herbeheretarrek lortu dute garaipena eta final-laurdenetarako txartela.
Fitxa teknikoa:
3 - Herbehereak: Andries Noppert, Jurrien Timber, Virgil Van Dijk, Nathan Aké (Weghorst, 94.min); Davy Klaasen (Koopmeiners, 46.min), Marten De Roon (Berswijn, 46.min) Frenkie De Jong; Daley Blind, Denzel Dumfries; Memphis Depay (Simons, 82.min) eta Cody Gakpo (De Ligt, 94.min).
1 - Estatu Batuak: Matt Turner; Sergiño Dest (Yedlin, 75.min), Walter Zimmerman, Tim Ream, Antonee Robinson (Morris, 92.min); Weston McKennie (Wright, 67.min), Tyler Adams, Yunus Musah; Tim Weah (Aaronson, 67.min), Jesús Ferreira (Reyna, 46.min) eta Christian Pulisic.
Golak: 1-0, 10.min: Depay. 2-0, 46+.min. Blind. 2-1, 76.min: Wright. 3-1, 81.min Dumfries.
Epailea: Wilton Sampaio (Brasil). Txartel horiak:Koopmeiners (60.min) eta De Jong (87.min)
Zure interesekoa izan daiteke
-1?fmt=webp-alpha&qlt=80)
Atletico Madril eta PSG sailkapenean aurrera doaz, joaneko partidetan Bartzelonari eta Liverpooli irabazita
Koltxoneroek mendean hartu dute Barça Nou Campen (0-2 ), Alvarezen eta Solothen golei esker. Frantziako taldeak beste horrenbeste egin du Liverpoolen kontra (2-0), baina etxean, Parisen, Doueren eta Kvaratskheliaren golei esker.
-4?fmt=webp-alpha&qlt=80)
Bayernek eta Arsenalek lehen kolpea eman dute etxetik kanpo, eta finalerdietara hurbildu dira
Alemaniako txapeldunak azken 25 urteetan lehen aldiz irabazi du Santiago Bernabeun (1-2), eta Ingalaterrako taldeak Lisboako Sporting mendean hartu du azken minutuetan (0-1).
Gennaro Gattusok Italiako hautatzaile kargua utzi du
Entrenatzaileak agur esan du ez duelako Italiako selekzioa Munduko Txapelketara sailkatzea lortu.
Peio Uralde: “Zalantzarik gabe, ni Realarekin joango naiz"
Hamabost egun falta dira Cartujako final handirako, eta 1987an Realak Atletico Madrilen aurka jokatutako finala ekarri dugu gogora. Peio Uralde Realean zein Atletico Madrilen aritutakoa da, eta ondo gogoan du Zaragozan jokatutako finala. Koltxoneroekin aritu zen orduan.
Italia Munduko Txapelketatik kanpo gelditu da; Bosnia-Herzegovina, Suedia, Turkia, Txekia, Kongoko Errepublika Demokratikoa eta Irak sailkatu egin dira
Italiako selekzioak Bosnia-Herzegovinaren aurka galdu du, penaltietan, eta, hirugarren aldiz jarraian, ez du sailkatzea lortu. Suediak Danimarka kanporatu du; Turkiak, Kosovo; Txekiak, Danimarka; Kongoko Errepublika Demokratikoak, Jamaika; eta Irakek, Bolivia.
Barçak, Bayernek eta Liverpoolek aurkariak jipoitu eta sailkapena lortu dute; Atleticok, ordea, gehiago sufritu du
Barçak jipoia eman dio Newcastleri (7-2) bigarren zatian, Alemaniako taldeak Atalanta 4-1 hartu du mendean, eta talde ingelesak 4-0 irabazi dio Galatasarayri.
Afrikako Futbol Konfederazioak finala galdutzat eman dio Senegali; Maroko da Afrika Kopako txapelduna
Marokok aurkeztutako helegiteei erantzun ondoren hartu du erabakia erakundeko Apelazio Batzordeak.
Sportingek kanporaketa irauli eta Bodoren ametsa zapuztu du, eta PSGk, Real Madrilek eta Arsenalek aurrera egin dute
Sportingek 5-0 irabazi dio Norvegiako taldeari, Lisboan. PSGk 0-3ko emaitzarekin aise irabazi dio Chelseari. Zuriek Cityren markagailua iraultzeko saiakera eragotzi dute Viniciusen bi golei esker (1-2), eta Arsenalek Leverkusen gainditu du etxean (2-0).
Real Madrilek, Bodo/Glimtek eta PSGk final-zortzirenetako kanporaketak bideratu dituzte
Madrilgo eta Norvegiako taldeek Manchester City eta Sporting Portugal 3-0 jipoitu dituzte, hurrenez hurren, eta egungo txapeldunak 5-2 irabazi dio Chelseari, Parisen. Bayer Leverkusenek eta Arsenalek, aldiz, bana berdindu dute.
Bayernek eta Atleticok kanporaketa bideratu dute, eta Galatasarayk aurrea hartu du
Turkiako taldeak ezustean harrapatu du Liverpool (1-0) kanporaketaren hasieran, Alemaniako taldeak Atalanta jipoitu dute Bergamon (1-6), koltxoneroek 5-2 irabazi diote Tottenhami eta Bartzelonak azken hatsean berdinketa (1-1) lortu du Newcastlen.