Finalerdiak: Bayern – Barça eta Borussia Dortmund – Real Madril
Real Madrilek eta Bartzelonak Bayern Munich eta Borussia Dortmund izango dituzte aurkari, hurrenez hurren, Txapeldunen Ligako finalerdietan. Zozketa Nyonen egin dute, Suitzan, UEFAren egoitza nagusian.
Norgehiagokez gain, final handian etxeko talde bezala nork jokatuko duen erabakitzeko ere zozketa egin dute, eta, emaitzaren arabera, Borussia eta Real Madrilen arteko partidako garaileari suertatu zaio.
Bayern Munich eta Bartzelonaren arteko joaneko partida apirilaren 23an jokatuko da Allianz Arena futbol zelaian. Itzulerakoa, berriz, maiatzaren 1ean izango da, Camp Nou zelaian.
Finalerdietako beste norgehiagokari dagokionez, Borussia Dortmundek eta Real Madrilek apirilaren 24an jokatuko dute joanekoa Dortmunden, eta itzulerakoa apirilaren 30ean, Bernabeu zelaian.
Finala Londreseko Wembley estadioan izango da, maiatzaren 25ean, larunbata. Partida horretan, Borussia eta Real Madrilen neurketako irabazlea arituko da etxeko talde bezala.
Bayern Munich-Bartzelona
Bayern sekulako denboraldia egiten ari da: Jupp Heynckesen esanetara, Bundesliga aise irabazi berri dute, Borussia Dortmund bigarren sailkatuari 20 puntuko aldea aterata.
Finalerdietako lehen partidari begira, alemaniarrek ezin izando dute Mario Mandzukic aurrelaria zelairatu, zigortuta dagoelako. Azken partidetan ikusitakoaren arabera, Claudio Pizarrok hartuko du ziurrenik Mandzukicen lekua.
Bi taldeek 2009an jokatu zuten aurrez aurre azken aldiz. Txapeldunen Ligako final-laurdenak ziren eta kataluniarrak aise nagusitu ziren etxean jokatutako joaneko partida (4-0), eta itzulerakoan bana berdindu zuten.
Borussia Dortmund – Real Madril
Real Madrilen aurkariari dagokionez, Borussia Dortmund bikain ari da Europan, nahiz eta Bundesligan Bayernen aurrean burua makurtu behar izan duen, azken bi urteetan jaun eta jabe izan ondoren.
Baina Txapeldunen Ligan ez du oraindik partidarik galdu, eta etxean jokatutako guztietan garaile atera da. Kontuan eduki behar da, gainera, sailkatze fasean "heriotzaren taldean" lehiatu behar izan duela, Real Madrilekin batera. Alemaniarrek talde beldurgarri horren lehen postuan amaitu zuten lehen fase hori.
Zure interesekoa izan daiteke
Atalanta, Galatasaray, Real Madril eta PSG ere final-zortzirenetan izango dira
Joaneko partidan jasotako 2-0ekoa irauli du Atalantak Borussia Dortmunden aurka (4-1). Madrilek Benfica kanporatu du, joanekoan 0-1 eta itzulerakoan 1-2 irabazita. PSGk bina berdindu du Monakon eta Galatasaray luzapenean sartutako bi golei esker sailkatu da, nahiz eta Turinen galdu eta ikaragarri sufritu (3-2).
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Bodø/Glimtek historia egin du, Inter Milan Txapeldunen Ligatik kanporatuta
Norvegiako taldeak 0-2 irabazi zion Inter Milani final-zortzirenetako play-offetako itzuliko partidan. Bayer Leverkusenek, Newcastlek eta Atletico Madrilek ere final-zortzirenetara aurrera egitea lortu dute.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Newcastlek ia erabakita utzi du kanporaketa eta Bodok eta Leverkusenek bereak bideratu dituzte
Ingalaterrako taldeak Qarabag gainditu du etxetik kanpo (1-6), norvegiarrek 3-1 irabazi diote Interri eta talde alemaniarrak 0-2 gainditu du Olinpiakos Grezian. Aitzitik, Brujasek eta Atletico Madrilek 3-3 berdindu dute Belgikan.
Errege Kopako finala apirilaren 18an jokatuko dute, larunbatez, 21:00etan, Cartujan
Espainiako Federazioak iragarri du txapelketako final handia apirilaren 18an jokatuko dutela, eta 21:00etan hasiko dela. Reala edo Athletic final horretan izango dira, eta sailkatzea lortzen duen euskal taldeak Bartzelona edo Atletico Madril izango du aurkari.
?fmt=webp-alpha&qlt=80)
Real Madrilek, Borussiak, PSGk eta Galatasarayk play offeko lehen neurketan garaipena lortu dute
Zuriek 0-1 irabazi diote Benficari Portugalen, talde alemaniarrak 2-0 gainditu du Atalanta etxean, Pariseko taldeak Monako menderatu du etxetik kanpo (2-3) eta turkiarrek Juventusen aurkako kanporaketa bideratu dute (5-2).
Atletico Madrilek Bartzelona jipoitu du Kopako finalerdietako joanekoan (4-0), eta oso gertu du finalera sailkatzea
Epaileak baliorik gabe utzi zuen Kataluniako taldeak bigarren zatian egindako gol bat, eta, partida amaitzeko minutu gutxiren faltan, txartel gorria atera zion Eric Garciari, Bartzelonako jokalariak Baenari sarrera gogorra egin ostean.
Athletic eta Realaren arteko Errege Kopako finalerdietako partidaren laburpena
Athleticek eta Realak Errege Kopako finalerdietako joaneko partida jokatu dute San Mamesen (0-1). Hemen laburpena.
Padilla: “Aurpegia eman dugu; seguru nago bueltako partida aurrera aterako dugula”
Athleticek galdu egin du Realaren aurka, San Mamesen jokatu den Kopako finalerdietarako joaneko partidan. Behin norgehiagoka amaituta, Padillarekin izan gara, eta azaldu digunez, bueltako partidan egoera irauli eta aukera aprobetxatuko dutelakoan daude jokalariak.