Athleticek eta Alavesek garaipen premiarekin jokatuko dute derbia San Mamesen
Athleticek eta Alavesek Santander Ligako 30. jardunaldiko partida jokatuko dute larunbat honetan, 16:15ean, San Mamesen. Zuri-gorriek garaipena lortu nahi dute Realaren aurkako Kopako finaleko porrota eta txuri-urdinen kontra Ligan asteazkenean lortutako berdinketa atzean uzteko. Bestalde, Arabako taldeak hiru puntuak behar ditu jaitsiera postuetatik irteteko, Javier Calleja entrenatzailearen debutean.
Aldaketak espero dira Athleticen hamaikakoan. Bilboko taldean, Yeray Alvarez eta Yuri Berchiche min hartuta daude, eta ez dute jokatuko; Nuñezek eta Balenziagak beteko dituzte haien hutsuneak. Gainera, Capa, Vesga, Unai Lopez eta Villalibre jokariek hasieratik jokatzea espero da. Hamaikakoan sartzeko aukerak dituzte Morcillo, Sancet eta Ibai Gomez futbolariek ere.
Alavesen, Javier Calleja entrenatzaileak lehenengoz zuzenduko du talde gasteiztarra. Lucas Perezek hasieratik jokatuko du; galiziarrak uste baino gutxiago jokatu zuen Machin entrenatzailearekin, eta are gutxiago Abelardorekin. Javi Lopezek jokatuko du defentsako ezker hegalean, eta Jota Peleteiro edo Luis Rioja egongo dira zelai erdiko eskuin hegalean. Bestalde, Callejak, Rodrigo Battaglia, Tomas Pina, Pere Pons eta Manu Garcia jokalarien artetik erabaki beharko du zein bi futbolari ariko diren zelai erdian.
Ustezko hamaikakoak:
Athletic Club: Unai Simon; Capa, Nuñez, Iñigo Martinez, Balenziaga; De Marcos, Unai Lopez, Vesga, Lekue; Raul Garcia eta Villalibre.
Alaves: Pacheco; Ximo, Lejeune, Laguardia, Javi Lopez; Battaglia, Pere Pons, Jota edo Luis Rioja, Edgar Mendez; Lucas eta Joselu.
Epailea: Melero Lopez.
VAReko epailea: Figueroa Vazquez.
Zelaia: San Mames.
Ordua: 16:15ean.
Zure interesekoa izan daiteke
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza krisian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan etxean.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.
Aitor Paredes: "Partida honetatik gauza asko ikasi eta hobetu behar ditugu"
Athleticek porrota jaso du Celtaren aurka (2-0), Balaidosen. Zuri-gorriek partida irabazi behar zuten goiko postuetan geratu nahi bazuten, baina ez dute lortu. Aitor Paredesek kontatu diguna, bideo honetan.
Oviedok Luis Carrion kargutik kendu du, Sevillako jipoiaren ondoren
Carrion urrian itzuli zen Oviedora, Veljko Paunovicen ordez.
Athleticek estropezu egin du Balaidosen (2-0)
Swedberg eta El-Abdellaouiren golek eta Nico Williamsek huts egindako penaltiak Athletic porrotera eraman dute.
Txuri-urdinen erakustaldia Zubietan Deportivoren aurka (3-0)
Realak 3-0 irabazi dio Deportivori Zubietan jokatu den F Moeve Ligako 14. jardunaldiko partida. Txuri-urdinak nagusi izan dira hasieratik, jokoan zein aukeretan. Lucia Pardoren, Emma Ramirezen eta Klara Cahynovaren golek, etxeko taldearen nagusitasuna islatzeaz gain, 3 puntuak etxean geratzea ekarri dute.
Sanse jaitsieratik atera da Deportivo jipoituta (0-3)
Etxetik kanpo lortutako lehen garaipenean, talde txuri-urdinak partida osoa jokatu du azken postuetatik ateratzeko.