Athleticen eta Realaren arteko finala publiko barik jokatuko da
Athleticek eta Realak apirilaren 3an jokatuko duten 2019-2020ko Kopa finala publiko barik jokatuko dela konfirmatu du Espainiako Futbol Federazioak. Erabakia, koronabirusaren inguruko neurriak eragiten dituzten murrizketengatik hartu dute.
Federazioa datozen orduetan batzartuko da bi euskal klubekin, eta erabakiaren berri emandako oharrean azaldu duenez, "egun bizi dugun egoera epidemikoak eta mugikortasuna murrizten duten neurriek, bai Andaluzia osoan eta bai Sevillan, ezinezkoa egiten dute probintzian bizi ez diren zaleek partida ikustera joatea".
"Bi klubei erabakiaren berri eman diegu, eta haiek Federazioak hartutako edozein erabaki onartuko dutela esan dute. Kontuan izan dugu, bereziki, bi taldeetako zaleek ezin dute Cartujako zelaira joan, eta Andaluziako Juntako Osasun eta Familia Kontseilaritzak eta Espainiako Futbol Federazioak elkarlanean adostutako erabakia da", azaldu dute Federaziotik.
Espainiako Gobernuak asteazkenean, Carolina Darias Osasun ministroaren bidez, publikoa egotea ez zuela "egokia eta komenigarria" ikusten adierazi ostean hartu dute erabakia. Izan ere, San Joseko zubiari eta Aste Santuari begira "pertsonen pilaketa" eragingo luketeen ekitaldirik ez egitearen alde agertu dira, itxialdi perimetralekin eta mugikortasun zein harreman sozialak mugatzen dituzten murrizketekin jarraitzearekin batera.
Ostegun honetan, Iñigo Urkullu lehendakaria ere gaiaren inguruan aritu da. Esan duenez, Kopako partida baino garrantzitsuagoa da birusaren aurkako partida, eta publikoa egotearen auka agertu da.
CONTENIDO NO ENCONTRADO
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.