Realak Europako jipoia ahaztu nahi du; eta Alavesek, berriz, puntuak behar ditu
Realak eta Alavesek euskal derbia jokatuko dute igandean Reale Arenan. Bi taldeek jipoiak hartu dituzte jokatutako azken neurketetan; donostiarrek Europa Ligan eta arabarrek LaLigan.
Txuri-urdinek kolpea hartu zuten ostegunean Manchesterrekin 0 eta 4 galduta, baina LaLigako azken bi jardunaldietan garaile atera dira, Cadizen eta Getaferen aurka. Ondorioz, sailkapenean bosgarren dira eta datorren denboraldian Europan jokatzeko aukerei eusten diete.
Gasteiztarrek, berriz, 5 eta 1 galdu zuten Bartzelonarekin Camp Nou zelaian, baina Getaferen (0-0) eta Valladoliden (1-0) aurka hasitako bideari jarraitu nahi diote, golik jaso gabe. Hori behar-beharrezkoa izango dute jaitsiera postuetatik aldentzeko.
Abelardo Alavesen aulkira itzuli denetik, taldeak defentsan hobetu du eta ez dio erasoari uko egin, eta arriskua sortzen ari dira Lucas Perez eta Joselu Mato jokalariekin.
Ustezko hamaikakoak
Reala: Remiro, Gorosabel, Zubeldia, Le Normand, Monreal; Illarramendi, Silva, Merino; Oyarzabal, Januzaj eta Isak.
Alaves: Pacheco; Martín, Lejeune, Tachi o Laguardia, Duarte; Édgar Méndez, Manu García, Tomás Pina, Córdoba o Rioja; Lucas eta Joselu.
Epailea: Munuera Montero (Andaluziako Batzordekoa).
Estadioa: Reale Arena (igandean, 16:15ean).
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.