Bigarren garaipena jarraian, Isaken beste gol bati esker (0-1)
Alexander Isak suediarrak lehen zatian egindako golak garaipena eman dio Realari Coliseum Alfonso Perez zelaian Getaferen aurka jokatutako partidan. Madrildarrak jaitsiera postuetatik gertu daude orain, eta 449 minutuetan ez dute golik sartu.
Azken egunetan kili-kolo ibili den Mikel Oyarzabal eta David Silva hasieratik zelairatu ditu Imanol Alguacilek. Kanariarrak hilabete eta erdi zeraman hasierako hamaikakoan sartu barik, lesio baten ondorioz. Reala neurketa irabaztera atera da zelaira.
Lehen minutuetan, txuri-urdinak nagusi izan dira eta jokoaren kontrola izan dute, Asier Illarramendi zelai erdian ondo kokatuta. Getaferi kosta egin zaio erritmo horri jarraitzea, baina denborarekin lekua hartzen joan da eta arriskua sortu du donostiarren atearen inguruan, Allan Nyomen eta Marc Cucurellaren bitartez, gehien bat.
Partida 29. minutuan aldatu da; Joseba Zalduak eskuineko hegaletik erdiratu du baloia, Oyarzabalek bigarren zutoinera errematatu du eta Alex Isakek, berriz, ez du hutsik egin, langako errebotea ondo aprobetxatuz.
Gola kolpe gogorra izan da Getaferentzat, eta bigarrena hartzear ere izan dira atsedenaldiaren ostean, Januzajek egindako erdiraketak Mataren gorputzean jo duenean eta baloia ate barrura sartzear izan denean. David Soria azkar aritu da hanka sartu eta baloia desbideratzeko.
Getafe amaierara arte saiatu da, Take Kubok banakoa egiteko aukera argia izan du, baina asko kostatu zaie madrildarrei atera jaurtiketa garbiak egitea. Realak, berriz, aurkariaren egoeraz baliatuta, atzean sendo jarraitu du eta kontraerasoan bigarrena egiten saiatu da.
Emaitza honen ondorioz, Reala bosgarren da orain sailkapenean 38 punturekin, eta Getafek, berriz, 24rekin, hiru puntura ditu jaitsiera postuak.
Fitxa teknikoa
0 - Getafe: David Soria; Damián Suárez (Kubo, 59. min), Sofian, Cabaco, Olivera (Enes Unal, 74. min); Nyom, Maksimovic (Aleñá, 59. min), Arambarri, Cucurella; 'Cucho' Hernández (Portillo, 74. min) eta Mata (Ángel, 78. min).
1 - Reala: Remiro; Zaldua, Aritz, Zubeldia, Monreal; Illarramendi (Le Normand, 86. min), Merino, Silva (Guevara, 86. min); Isak (Carlos Fernández, 78. min), Januzaj (Portu, 74. min) eta Oyarzabal (Barrenetxea, 78. min).
Golak: 0-1, 29. min Isak.
Zure interesekoa izan daiteke
Realak Jon Martinen kontratua 2032ra arte luzatu duela iragarri du
20 urterekin, Lasarteko erdiko atzelaria ezinbestekoa da Matarazzorentzat Realaren atzealdean.
Harrera beroa egin diote Mikel Oyarzabali Zubietan
Estatu Batuetatik iritsi berritan, Zubietan izan da Mikel Oyarzabal. Entrenatzen zebiltzan taldekideek txalo artean hartu dute eibartarra Munduko Txapelketa irabazi duelako.
Gorka Carrerak 2031 arte luzatu du kontratua Realarekin
Errenteriako aurrelaria bigarren talde txuri-urdinaren golegile nagusia izan zen aurreko denboraldian. Gainera, lehenengo taldearekin lau partida jokatzea lortu zuen.
Gorrotxa: “Lehenengo jardunaldian taldearekin batera lehiatzea da asmoa”
Gorrotxak pubalgia du aurreko denboralditik. Hobetze aldera, “plan bat” egiten ari direla azaldu du eibartarrak eta “lehenengo jardunaldian taldearekin lehiatzea” da ideia. Datorren denboraldia polita bezain gogorra izango da Realarentzat, baina Europa tartean, gogotsu agertu da jokalaria.
Realak berdindu egin du denboraldiaurreko lehen partidan Racingen aurka (1-1)
Realak bana egin du Zubietan Racingen aurka jokatu duen denboraldiaurreko lehen partidan. Rino Matarazzok bi hamaikako probatu ahal izan ditu, bana zati bakoitzean. Oskarssonek gola sartu du donostiarrentzat 19. minutuan, eta Gabriel Gimenezek kantabriarrentzat 82.ean.
Luken Beitiak 2030ra arte berritu du bere kontratua Realarekin
Elgoibargo atzelaria funtsezko zutabea izan da Sanserentzat azken denboraldi hauetan eta denboraldiaurrea lehen taldearekin egiten ari da, Rino Matarazzoren aginduetara.
Barrene: “Helburua lehiaketa guztietan ahalik eta gorenen egotea da”
Ander Barrenetxeak eta Realak hainbat egun daramatzate denboraldi berria prestatzen. Donostiako erasotzaileak argi du taldearen helburua "lehiaketa guztietan ahalik eta gorenen egotea" izan behar dela. Zentzu horretan, Superkopa titulu berri bat lortzeko aukera egingarria dela adierazi du, eta aldi berean, taldea denboraldi honetan sistema berri batekin lehiatzea ez litzatekeela batere arraroa izango adierazi du. (Bideoa gazteleraz).
Reala denboraldi berria hasi da prestatzen Zubietan
Reala denboraldi berria hasi da prestatzen Zubietan. Azken egunetan osasun azterketak egin ondoren, Arturo Ruizek 26 jokalari izan ditu bere esanetara gaurko lehen entrenamenduan. Taldeak 6 fitxaketa iragarri ditu. Aurten Europan jokatzeko erronka izango dute aurrean.
Pablo Marinek gihar lesioa du
Jokalari errioxarrak eskuineko iskiotibialetan du lesioa. Hala, denboraldiaurrean lesioren bat duen lehenengo futbolaria da, talde txuri-urdinean.
Igor Zubeldia: “Txapelketa asko ditugu denboraldian zehar; helburua da denetan lehiakorrak izatea”
Atzelariak, Zubietan, asteartean, hedabideen aurrean hitz egin du. Zubeldiak, denboraldiaren gainean zer espero duen galdetu diotenean, zehaztu du asmoa duela “ahalik eta partida gehienetan eskuragarri izatea” Rino Matarazzo entrenatzailearentzat.