Berdinketa Euskal Selekzioaren eta Panamaren artean (0-0)
Euskal Selekzioak eta Panamak hutsean berdindu egin zuten Rommel Fernandez futbol-zelaian jokatutako neurketan.
Etxeko taldeak Jose Penedo, Felipe Baloy, Blas Perez eta Luis Tejada omentzeko erabili zituzten neurketaren lehen minutuak, selekzioarekin ez baitute gehiago jokatuko.
Bi selekzioek ez zuten joko onik erakutsi eta zelai erdian ibili zen baloia gora eta behera, ezkerrera eta eskumara, gol abagunerik gabe. Bigarren zatian baloi jabetza Julio Cesar Dely Valdesen taldeak izan zuen, baina markagailua ez zen mugitu. Javier Clementek ezin izan zuen garaipenarekin debuta egin.
0. Panama: Jaime Penedo (m.1 Jose Calderon); Kevin Galvan (m.82 Eric Davis), Fidel Escobar, Felipe Baloy (m.11. Roberto Chen) (m.81 Jean Carlos Vargas) , Adolfo Machado, Cesar Blackman (m.71 Valentin Pimentel); Leslie Heraldez (m.63 Adalberto Carrasquilla), Armando Cooper, Marcos Sanchez (m.60 Abdiel Arroyo); Blas Perez (m.10 Rolando Blackburn) eta Luis Tejada (m.10 Luis Zuñiga) (m.62 Jose Fajardo).
Entrenatzailea: Julio César Dely Valdés.
0. Euskal Selekzioa: Iago Herrerin; Mikel Balenziaga, Unai Bustinza, Iñigo Martinez (m.61 Daniel Vivian), Mikel San Jose; Gaizka Larrazabal (m.75 Jesus Areso), Manuel Garcia, Javier Areso, Aihen Muñoz (m.66 Iñigo Vicente); Aritz Elustondo eta Aritz Aduriz (m.55 Asier Villalibre).
Entrenatzailea: Javier Clemente.
Zure interesekoa izan daiteke
Realak sufritu du Eldan, baina Pablo Marinek azken hasperenean sartutako golari esker sailkatu da (1-2)
Sucicek aurretik jarri du talde txuri-urdina bigarren zatian, baina jarraian berdindu egin du Eldensek. Partida luzapenera bideratuta zegoela zirudienean, partidako jokaldirik onenean, Ansotegiren taldeak saria lortu du.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldeko entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren aurreko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek talde gasteiztarraren ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Sergio Franciscok agur esan dio Realari gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere baldintzarik gabeko babesa" emateagatik. Gainera, futbol profesionalean "erronka berriei" aurre egiteko prest agertu da.
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza krisian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan etxean.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.
Carlos Vicente: "Partidua irabaztekotan egon garela uste dut"
Alaveseko jokalariak EA Sports Ligako 16. jardunaldian Real Madrilen aurka jasotako porrotaz (1-2) hitz egin du. Taldeak azken unera arte borrokatu duela azpimarratu du, eta bere golaren ostean Mendizorrotzan partida irabazteko aukerak izan dituztela adierazi du.