Golik gabeko berdinketa Athleticen eta Realaren arteko derbi aspergarrian
Athelticen eta Realaren arteko derbia San Mamesen golik gabe bukatu da. Aukera eta futbol gutxi, eta erritmo txikia izan du. Irabazitako puntu bana ez zaie askotarako balio, eta hurrengo jardunaldian jarri beharko dute arreta bi taldeek.
Realak baloiaren jabetzarekin hasi du neurketa, eta Athletic ordu laurdenera esnatu den arren, lehenengo zatia kanpokoentzat izan da. Sakontasun txikia izan du, baina baita nagusitasuna ere.
Oyarzabalek lehenengo aukera argia izan du, baina kanpora joan zaio gurutzatutako jaurtiketa, 20. minutuan. Hurrengoa Illarramendirena izan da, eta zutoinetik gertu igaro da.
Jarraian, zurigorriek erantzuna eman dute. Mikel Ricoren erdiraketa, area barrutik, Realaren atetik igaro da, inork harrapatu gabe. Lehenago, Athleticek Llorenteren eskua area barruan adierazteko eskatu dio epaileari, baina ez du ikusi.
Erritmorik gabe joan da neurketa, lehen zatiko azken txanpara heldu den arte. Realak baloia izan du eta nagusi izan da Athleticen aurrean, baina zurigorriek ez dute arazo handirik izan defendatzeko, aukera handirik sortu gabe.
Bina abagune talde bakoitzarentzat, eta azkena, arriskutsuena, Athleticena izan da. Atsedenaldia baino lehen, San Josek jaurti du Mikel Ricoren pasearen ostean, baina kanpora joan da.
Bigarren zatian, aldatu egin da gidoia. Athletic hobeto zelairatu da, neurketa piztuz. Baina gutxi iran du horrela.
Zurigorrien aukerak momentu honetan heldu dira. 52.ean, Rullik kornerrera bidali du Raul Garciaren jaurtiketa bat, eta 56.ean, Adurizek bere aukera bakarra izan du, buruz.
Realak baloia berreskuratu duenean, erritmoa ere jaitsi du, bere interesen alde. 63. minutuan, Januzajek sarera bidali du jaurtiketa, Laporteren akats baten ostean.
Canalesek izan du azkena, 76.ean. Kanpora errematatu du Januzajen erdiraketa, belgikarraren jokaldi baten ostean. Derbiak berdin jarraitu du. Biek beldur handiegia izan diote galtzeari. Iago Herrerinek Xabi Prietoren azken abagunea urrundu du.
FITXA TEKNIKOA
Athletic: Iago Herrerin; Lekue, Unai Nuñez, Laporte, Balenziaga (Saborit, m.70); De Marcos (Williams, m.66), San Jose, Mikel Rico, Susaeta; Raúl García (Cordoba, 80) eta Aduriz.
Reala: Rulli; Odriozola, Llorente, Martinez, De la Bella; Illarramendi, Prieto, Zurutuza; Oyarzabal (Canales, m.70) Januzaj (Carlos Vela, m.85) eta Willian Jose.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari ebakuntza egin diote berriro eskuineko belaunean
Erdilari zuri-gorriari artroskopia egin diote eskuin belaunean. Jokalariak larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.