Athleticek azken minutuan lortu du garaipena Eibarren aurka
Athleticek 0-1 irabazi dio Eibarri Ipuruan jokatutako euskal derbia eta bertan lortutako hiru puntuei esker, zuri-gorriak Europako postuetara itzuli dira. Athletic seigarren da sailkapenan, 56 punturekin. Armaginak Europako ametsetik aldendu dira porrot honekin eta zortzigarren postuan jarraitzen dute, gaurko aurkariarengandik sei puntura.
Lehen zatia intentsitate askokoa izan da, baina ia abagunerik gabekoa. Antzerako baloi jabetza izan dute bi taldeek eta atezainek ez dute lanik izan. Eibarrek erdiraketa asko bidali ditu areara, baina ez du Athleticen defensa-lerroa arazoetan jarri. Zuri-gorriak baloi luzeen bitartez saiatu dira arriskua sortzen, baina ez dute lortu. Zortzigarren minutuan Eibarrek penaltia eskatu du San Josek area barruan baloia eskuz ukitu duelako; epaileak, ordea, ez du ezer adierazi.
Bigarren zatia hasi bezain laster, etxeko taldeak gola sartzeko abagune argia izan du: Enrich bakarrik geratu da Keparen aurrean eta atezainak armaginen gola eragotzi du, errematea desbideratuta. Norgehiagokako 55. minutuan Eibar jokalari bat gutxiagorekin geratu da Escalantek txartel gorria ikusi baitu Muniaini egindako sarrera itsusi batengatik. Ordutik aurrera Athletic izan da baloiaren jabe eta abaguneak sortzen hasi da. Raul Garciak zutoinera bidali du errematea 62. minutuan eta lau minutu beranduago Yoel atezainak Athleticen gola eragotzi du Muniani geldiketa ona eginda. Nafarroako jokalariak pasea emateko aukera izan du, baina jokaldia berak amaitzea erabaki du, eta gaizki atera zaio. Ondorengo minutuetan, ordea, Eibarrek ondo eutsi dio Athletici eta Valverdek zuzentzen duen taldeari asko kosta zaio gol-aukerak sortzea. Ematen izan du partida golik gabe berdinduta amaituko dela, baina 93. minutuan Raul Garciak 0-1ekoa sartu du. Beñatek falta jaurtiketa bikaina egin, Yoel atezainak erantzun ikusgarria eman dio baloia desbideratuta eta aldaratzean Raul Garciak garaipenaren gola sartu du.
Fitxa teknikoa:
0 - Eibar: Yoel; Capa, Ramis, Galvez, Antonio Luna (David Juncà, m. 41); Pedro Leon, Escalante, Dani Garcia, Inui (Christian Rivera, m. 58); Sergi Enrich (Adrian, m. 88), eta Kike Garcia.
1 - Athletic Club: Kepa; De Marcos, Yeray, Laporte, Balenziaga; Iturraspe (Beñat, m. 63), San Jose; Williams (Susaeta, m. 85), Raul Garcia, Muniain; eta Aduriz (Sabin Merino, m. 80).
Gola: 0-1. m. 94. Raul Garcia.
Epailea: Carlos del Cerro Grande.
Zure interesekoa izan daiteke
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.