Bartzelonak errepasoa eman dio Real Madrili Bernabeun (0-4)
Bartzelonak Real Madril jipoitu du Santiago Bernabeun eta dagoeneko sei puntuko aldea ateratzen die madrildarrei Ligako sailkapenean. Ondorioz, madrildarrak nahiko egoera txarrean dira, sailkapeneko diferentziagatik eta neurketan emandako itxura kaskarragatik.
Luis Enriquek, gainera, Messi berriro jartzeko aprobetxatu du neurketa. Argentinarra ez da hasierako hamaikakoan izan, geroago zelairatu da, 0-3koarekin, neurketa erabakita zegoenean.
Zelaian, kataluniarrak argi nagusitu dira, erdiko aldean jaun eta jabe izan baitira. Madrilek bi jokalari eta erdi bakarrik izan ditu hor, eta ezer gutxi egin ahal izan dute Busquets, Iniesta, Rakitic eta Sergi Robertoren aurrean. Egoera horretan, Bartzelonak eroso jokatu du, eta partida eta baloia nahieran kontrolatu ditu.
Rafa Benitezen taldea Claudio Bravoren inguruetara iristen saiatu da, kontraerasoan gehienetan, Kroosek eta Modricek ezin izan dutelako fundamentuzko jokorik sortu. Ez da orekarik egon Santiago Bernabeun.
Bartzelonaren jokoak partida hoztu egin du, eta Real Madril lokartzea lortu du. Zer egin behar zuten argi eta garbi zuten Luis Enriqueren gizonek, eta Real Madrilen defentsaren hutsek gauzak espero baino errazago jarri dizkiete. Merezita irabazi dute norgehiagoka.
Fitxa teknikoa:
0 - Real Madril: Keylor Navas; Danilo, Varane, Sergio Ramos, Marcelo (Carvajal, 59. min), Kroos, Modric, James (Isco, 55. min), Bale, Benzema eta Cristiano Ronaldo.
4 - Barcelona: Claudio Bravo; Dani Alves, Piqué, Mascherano (Mathieu, 27. min), Jordi Alba, Sergi Roberto, Rakitic (Messi, 56. min), Sergio Busquets, Iniesta (Munir, 77. min), Neymar eta Luis Suárez.
Golak: 0-1, 11. min: Luis Suárez. 0-2, 39. min: Neymar. 0-3, 53. min: Iniesta. 0-4, 74. min: Luis Suárez.
Zure interesekoa izan daiteke
Alavesek Sevilla hartuko du lehen mailako taldeen arteko lehia bakarrean, eta Osasunak Huescan lortu beharko du sailkapena
Babazorroek Sevilla hartuko dute Mendizorrotzan, Ligan Real Madril atakan jarri ostean. Bestalde, Osasuna Kopan aurrera egiteko ilusioarekin iritsiko da Huescara, nahiz eta Alavesen aurkako larunbateko derbiari begira egon.
Realak sufritu egin du Eldan, baina Pablo Marinek azken hasperenean sartutako golari esker sailkatu egin da (1-2)
Sucicek aurretik jarri du talde txuri-urdina bigarren zatian, baina jarraian berdindu du Eldensek. Partida luzapenera bidera zihoala zirudienean, partidako jokaldirik onenean, Ansotegiren taldeak saria lortu du.
Eibarrek ezin izan du Elxen aurka (0-1), eta Errege Kopatik kanpo gelditu da
Adam Boayar Elxeko jokalariak egin du, 27. minutuan, final hamaseirenetako kanporaketan erabakigarria izan den gola, Ipuruan. 71. minutuan, Dituro atezainak penalti bat gelditu dio Jose Corpasi.
Alessio Lisci, Kopako Huesca-Osasuna kanporaketaz: “Alavesen aurkako partida ere izango dugu kontuan”
Errege Kopako final hamaseirenetan, Osasunak Huescaren kontra jokatuko du, Alcorazen, asteazkenean. Alessio Lisci Nafarroako taldeko entrenatzaileak onartu du larunbatean izango den Osasuna-Alaves derbiak eragina izango duela hamaikakoan, baina zehaztu ere zehaztu du: “Aterako dugun taldeak aurrera egiteko ahalmen osoa izango du”.
Coudet: "Sevilla talde ona da, oso talde fisikoa; partida gogorra izango da"
"Talde bezala hazten jarraitu behar dugu", adierazi du entrenatzaile babazorroak Sevillaren aurka Mendizorrotzan jokatu behar duten partidaren aurreko prentsaurrekoan. "Sentsazio gehiago eta hobeak ditugu, puntuak baino", gaineratu du Coudetek talde gasteiztarraren ibilbideari buruz. "Aurrekoan galtzea tokatu zitzaigun, baina neurketa bikaina jokatu genuen", gogorarazi du.
Sergio Franciscok agur esan dio Realari, gutun hunkigarri batean: "Betiko eramango dut guztion maitasuna"
Txuri-urdinen entrenatzaile ohiak eskerrak eman dizkie zaleei "une zailenetan ere babes leiala" emateagatik. Gainera, futbol profesionalean "erronka berriei" aurre egiteko prest agertu da.
Ansotegiren Real berriak Eldenseri egingo dio bisita eta Eibarrek Elx hartuko du Ipuruan
Talde txuri-urdina emaitza-krisialdian murgilduta iritsiko Eldara, eta Jon Ansotegik Sergio Franciscoren tokia hartu berritan. Bestalde, armaginek, jaitsiera postuetan, bi partida erabakigarri jokatuko dituzte aste honetan, etxean.
“Merkatura joateko dirua daukagu”, ohartarazi du Braulio Vazquezek
Taldea neguko merkatuan berrindartzeko lanean ari dela baieztatu du Osasunako kirol zuzendariak, hala ere, gaur egungo merkatuaren konplexutasuna onartu du.
Yurik giharretako lesioa du, eta Egiluz korrika hasi da ia bost hilabete geroago
Zarautzeko hegalekoak lesioa du "eskuin hankako muskulaturan", eta, ondorioz, Athletici urtea amaitzeko geratzen zaizkion bi partidetan ez du jokatzerik izango. Bestalde, erdiko atzelari bizkaitarra bakarrik aritu da lanean, abuztuaren 6an ebakuntza egin ondoren.
Alavesek galdu egin du Real Madrilen aurka (1-2)
Mbappek lehen gola sartu eta Carlos Vicentek partida berdindu du, baina Rodrygoren golak garaipena eman dio talde zuriari.