Bana bukatu dute Athleticek eta Realak San Mamesen
Reala Athletic baino hobea izan da lehenengo zatian, baina golik gabe bukatu dute biek. Lehenengo abagunea txuri-urdinena izan da, 6. minutuan, baita hurrengo gehienak ere. Athletic baino gorago, donostiarrak presioa egiten zelairatu dira. Derbiaren motibazioak aurreko partidetan baino irudi hobea emateko balio izan die Realeko jokalariei.
Erritmo bizia izan da, baina ez tentsioa. Kiroltasun handia egon da bi taldeen artean. Kolpe bakarra, Velak Gurpegiri buruz eman diona, nahi gabe. Gainerakoan, errespetuzko borroka zelaian.
Realak egin ditu aukera gehienak, Velaren urruneko jaurtiketen bidez, besteak beste. Gola lortzetik oso gertu egon da 28. minutuan, baina gora joan zaio gutxigatik, Iraizozen aurrean. Hobeto kokatuta egon da Reala, leku gehiago aurkitzen eta gutxiako eskaintzen. Gehiago iritsi da eta gehiago erdiratu du, baita jaurti ere, baina behin ere ez hiru zutoinen artean.
Athleticek arazoak izan ditu jokaldiak bukatzeko, eta akats gehiegi egin ditu. Baloia irabazteko borroka guztiak galdu ditu. Hala ere, abagune argiena Adurizena izan da, buruz, 13. minutuan. Rullik denboraldiko geldiketa egin du.
Bere tartea izan du Athleticek, eta arrisku gehiago sortu du, baina argitasun askorik gabe. Reala, baloiak galdu gabe, erosoago egon da lehenengo zatian. San Mames, hotz astearte gauean, golik gabe joan da atsedenaldira.
Penaltia eta kanporaketa
Gauzak aldatu egin dira bigarren zatian. Neurketako jokaldia 52. minutuan heldu da. Mikel Gonzalezek Adurizi egindako penalti bat adierazi du epaileak, eta txartel gorria erakutsi dio. Athleticeko aurrelari donostiarrak sarera bidali du baloia. Ondo dabil Athletic penalti jaurtiketetan denboraldi honetan.
Gertu egon da Aduriz bigarren gola egitetik, artazia eginez, baina gutxi iraun du etxekoen poza. De la Bellak, Ruben Pardoren pase bikain baten ostean, Iraizozen atean sartu du baloia, eta berdinketa jarri du markagailuan.
Azken hilabeteetako Realik onena erraz suspertu da, golari esker. Bat gehiagorekin aritu arren, Athleticek galduta jarraitu du zelaian, akats gehiegi eginda. Aurrean izan duen taldea ez da neurketa oparitzeko prest egon.
Goian bukatu dute Athleticekoek, baina ezintasuna nabaritu zaie. Realak ondo gorde du atea, baita kontraerasoak sortu ere. Zuri-gorriek ez dute nagusitasuna aprobetxatu, eta partidaren gidoi tristea jarraituz, zazpigarren posturako borrokan kale egin dute.
FITXA TEKNIKOA
Athletic: Iraizoz; Iraola, Gurpegui, Laporte, Balenziaga; San Jose, Beñat (Rico, 77. min); Susaeta (Viguera, 72. min), Aketxe (De Marcos, 62. min), Williams; eta Aduriz.
Reala: Rulli; Carlos Martínez, Mikel Gonzalez, Iñigo Martinez, De la Bella; Xabi Prieto, Bergara, Pardo, Chory Castro (Elustondo, 53. min); Zurutuza eta Vela (Canales, 77. min).
Golak: 1-0, 50. min: Aduriz, penaltiz. 1-1, 60. min: De la Bella.
Zure interesekoa izan daiteke
Rayo Vallecano-Real Oviedo partida martxoaren 4an jokatuko da, 19:00etan
Neurketa otsailaren 7an atzeratu zen, Vallecaseko futbol zelaiaren egoera txarrarengatik. Partida honek jaitsiera ekiditeko lehian eragin dezake.
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).