Bilbao Athleticek abantaila hartu Huracanen aurkako lehian
Bilbao Athleticek 2-1 irabazi dio Huracan Valentziari Las Llanasen (Sestao) jokatu den Bigarren Mailara igotzeko playoffetako finalerdietako joaneko partida.
Zigandak zuzentzen duen taldea nagusi izan da lehen minututik, baina abagune asko, eta oso argiak huts egin ditu. Bigarren minutuan sartu du 1-0ekoa Guillermok. Ondoren, partidako abagune argienak zuri-gorrientzat izan dira, baina ez dira fin ibili aurkariaren ate aurrean. Horrenbestez, lehen zatia Bilbao Athleticen aldeko 1-0ekoarekin bukatu da.
Bigarren zatian ere Bilbao Athleticek agindu du berdegunean, eta Huracanek lehia gogortu du ostikoak emanez eta falta gogorrak eginda. Jokalari bat gutxiagorekin geratu da Valentziako taldea Javi Rubiok penaltia egin, eta txartel gorria ikusi baitu. Guillermok jaurti du penaltia, eta Paco atezainak gelditu egin du. Partida bikaina jokatu du Huracaneko atezainak.
Minutu batzuk beranduago, 72.ean, epaileak Huracan Valentziaren aldeko penaltia adierazi du, eta Omarrek banakoa (1-1) sartu du. Bilbao Athleticek bigarren golaren bila jo du azken minutuetan, eta saria jaso du 89. minutuan. Ramalhok ondo erdiratu du hegaletik, eta Guarrotxenak 2-1ekoa sartu du.
Azkenean, 2-1 irabazi du Bilbao Athleticek, eta abantaila txikiarekin ekingo dio Valentzian jokatuko den itzulerako partidari.
Fitxa teknikoa:
2.- Bilbao Athletic: Magunazelaia; Ramalho, Jon García, Albizua, Saborit; Eizmendi, Eguaras (Moran, 74. min), Eraso (Peña, 85. min), Aketxe; Goti (Guarrotxena, 82. min) eta Guillermo.
1.- Huracan Valentzia: Paco; Alexis, Tomas Ruso, Amarilla, Pomares; Morgado (David Fas, 82. min), San Julian, Pablo Vidal (Julia, 80. min), Omar; Javi Rubio eta Carreño (Fabiani, 60. min).
Golak: 1-0, 2. min: Guillermo. 1-1, 72. min: Omar, penaltiz. 2-1, 80. min: Guarrotxena.
Epailea: Lopez Puerta.
Zure interesekoa izan daiteke
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.