San Mamesek bere azken euskal derbia biziko du ostiralean
Ostiral honetan, 21:30ean jokatuko da Athleticen eta Realaren arteko euskal derbia San Mamesen. Katedralean jokatzen den azken derbia izango da, 66. euskal derbia.
Derbi ahaztezinak bizi izan dituzte bi taldeek San Mamesen. Lehena, 1929ko apirilaren 28an jokatu zen, eta Athleticek 4-1 irabazi zion Realari. Txuri-urdinak hasi ziren irabazten Cholinen eta Kirikiren golei esker, baina zuri-gorriek partida irauli zuten Unamunok sartutako bi golekin, eta Juaninek (penaltiz) eta Mandalunizek sartutako gol banarekin.
Athleticen aldeko emaitza esanguratsuena, 1934-1935. denboraldian eman zen. Talde bizkaitarrak 7-0 irabazi zion Realari Bataren (3), Elicesen (2), Mandalunizen eta Kareagaren golekin. Realak San Mamesen lortu duen emaitza deigarriena, 1987-1988. denboraldian etorri zen. Txuri-urdinek 1-4 irabazi zioten Athletici. Begiristain (2), Bakero eta Loren izan ziren golegileak. Athleticen gola Aiarzak sartu zuen.
Bilbon gehien gogoratzen den derbietako bat, 1984ko apirilaren 29an jokatu zena da. Athleticek 2-1 irabazi zion Realari Iñigo Liceranzuk bukerarako hamaika minutu falta zirenean sartutako golari esker, eta zuri-gorriak Ligako txapeldun izendatu ziren. Horixe izan zen talde bizkaitarrak lortu zuen azken titulua.
1975eko derbia ere ondo gogoratuko dute zale zuri-gorriek. Jaitsiera postuetatik gertu zeuden, eta azken-aurreko jardunaldia zen. Reala 0-1 irabazten hasi zen Gazteluren golari esker, baina Carlos Ruiz Athleticeko azken 'pitxitxiak' sartutako bi golei esker Athleticek derbia irabazi, eta mailari eutsi zion.
Reala ere jaitsiera jokoan zegoela iritsi zen San Mamesera 2001. urtean. Ekainaren 16an jokatu zen derbian, txuri-urdinak nagusitu ziren 1-3ko emaitzarekin. Golak Jankauskasek, De Pedrok eta Idiakezek sartu zituzten. Hauxe izan zen Realak San Mamesen lortu zuen azken garaipena.
Azken hamabi urteotan Realak Katedralean eskuratu duen emaitza onena, 2006-2007 denboraldian lortu zuen. Bana (1-1) amaitu zen partida Adurizen eta Xabi Prietoren golekin. Urte horretan Bigarren Mailara jaitsi zen Reala. Athleticek 3-0 irabazi zuen 2002-2003, 2004-2005 eta 2005-2006 denboraldietan; 2-1 nagusitu zen 2001-2002 eta 2010-2011 denboraldietan; 2-0 irabazi zuten zuri-gorriek 2011-2012 denboraldian.
Guztira 65 euskal derbi jokatu dira San Mamasen, eta horietatik: 37 irabazi ditu Athleticek, 11 garaipen lortu ditu Realak, eta 17 norgehiagoka berdinduta bukatu dira.
Zure interesekoa izan daiteke
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.
Realak beste garaipen bat eskuratu du Espanyol garaituta (2-1)
Realak beste garipen bat lortu du RCD Espanyioli 2-1 irabazita gaur arratsaldean Zubietan jokatu den F Moeve Ligako 21. jardunaldiko partidan. Txuri-urdinak jaun eta jabe izan dira hasieratik amaierara arte.