'Madril, Barça eta Athletic kenduta, guztiak desager litezke'
Espainiako futbol talde guztiek, Real Madril, Bartzelona eta Athletic kenduta, desagertzeko arriskua izan dezakete; izan ere, futbol ereduan gastuak diru-sarrerak baino handiagoak dira egun, Jose Maria Gay de Liebana ekonomialariak iragarri duenez.
Bartzelonako Unibertsitateko irakaslearen hitzetan, zenbait talde "lehertzeko arriskuan daude", edo gutxienez egoera ekonomiko "oso zailak" bizitzeko zorian. Espainian "futbola hiltzen" ari direla ohartarazi du.
Offside aldizkarian argitaratutako elkarrizketan, Espainiako futbol profesionalaren egoera aztertu du Gayk. Espainiako eredua Europako liga indartsuenekin (Alemania, Frantzia, Ingalaterra eta Italia) alderatu du.
Herrialde guztietan gastuak diru-sarrerak baino handiagoak dira. Ingalaterran 2.507 milioi euroko diru-sarrera dago, baina 2.849 milioi euro xahutzen dira; Alemanian 1.746 milioi euro sartu eta 1.889 gastatzen dira; Italian 1.569 milioi euroko diru-sarrera dago eta 2.212 milioi euro xahutzen dituzte taldeek; eta Frantzian 1.059 milioi euro sartu eta 1.308 gastatzen dira.
Espainiako eredua
Espainian egoera ez da oso bestelakoa, taldeek 1.669 milioi euroko diru-sarrera dute, baina 1.830 milioi euro xahutzen dituzte.
Gay de Liebanaren esanetan, Espainiako ereduaren arazoek telebistako diru-sarrerekin lotura dute; izan ere, klubek lortzen duten diruaren % 38 da.
Ingalaterran, Manchester Unitedek telebistako diru-sarreraren % 13,1 bereganatzen du eta gehien eskuratzen duen taldea da. Espainian, ostera, Real Madrilek (% 25,2) eta Bartzelonak (% 24,1) telebistako aurrekontuaren erdia jaten dute. Ondoren Valentziak % 6,5 bereganatzen du, 2010-2011 Ligako datuen arabera.
Zure interesekoa izan daiteke
Reala-Athletic Errege Kopako finalerdietako itzuliko partida, martxoaren 4an, EITBn
20:30etik aurrera, asteazkenean, martxoaren 4an, ETB1ek eta kirolakeitb.eus-ek Realak eta Athleticek Anoetan jokatuko duten neurketa erabakigarriaren gaineko guztia kontatuko dizute. Reala eta Athletic, nor baino nor gehiago, eta final handirako txartela jokoan.
Atletico, Leverkusen, Bodø/Glimt eta Newcastle, Txapeldunen Ligako final-zortzirenetara
Emaitza altuko markagailuek, Milaneko ezustekoak eta nagusitasunez ebatzitako kanporaketek erabaki dituzte final-zortzirenetarako sailkapenak.
Alejandra Estefaniari beste ebakuntza bat egin diote eskuineko belaunean
Erdilari zuri-gorriari artroskopia egin diote eskuin belaunean. Jokalaria larri lesionatu zen eskuin belaunean 2024ko irailean.
Pablo Ibañez: “Irabazteko eta aurrerapauso bat emateko gaitasuna dugun une garrantzitsuetan, ez dugu egiten”
Alavesek berdindu egin du Gironaren aurka Mendizorrotzan (2-2). Arabako taldeak ez du nahi zituen hiru puntuak eskuratzea lortu, beraz, Pablo Ibañezek esan digunez "garaipena laster heldu behar da". Martxoaren 27an Levanteren aurkako partidan hori izango da babazorroen helburua.
Lucas Boyek, bere bi golekin, puntu bat erreskatatu du Mendizorrotzan Gironaren aurka (2-2)
Coudeten taldea partida hasi eta berehala aurreratu da aurrelari argentinarraren gol bati esker, baina Gironak berdinketa lortu du lehen zatian eta markagailua irauli du atsedenaldiaren ostean. Neurketaren azken minutuetan binakoa egin du Boyek.
Sansek nagusitasunez irabazi dio Cadizi Nuevo Mirandillan (0-2)
Txuri-urdinen bigarren taldeak ondoz ondoko hirugarren garaipena lortu du Cadiz mendean hartuta. Donostiako taldeak sendotasuna eta eraginkortasuna erakutsi ditu, etxeko harmailetan atsekabea nagusitu den norgehiagokan.
Baskoniari omenaldia, Alaves-Girona partidaren hasieran
Alaves eta Gironaren arteko partida hasi baino lehen, Baskoniari omenaldia egin diote Mendizorrotzan, atzo, Valentzian, Saskibaloiko Errege Kopako finala irabazteagatik. Markus Howardek egin du ohorezko sakea, Tadas Sedekerskis kapitainak garaikurra zaleei eskaintzen zien bitartean.
Mallorcak Jagoba Arrasate kargugabetu du
Taldearen zuzendaritzak azaldu duenez, "klubak aro berri bat irekitzeko duen borondateari erantzuten dio erabakiak, egungo dinamikari buelta emateko eta aurretik den denboraldiari aurre egiteko".
Cultural Leonesak kargutik kendu du Ziganda
Entrenatzaile nafarrak agur esan dio Leoneko taldeari 20 jardunalditan sei garaipen eta zazpi berdinketa lortu ostean, azkena Leganesen zelaian (1-1).
?fmt=webp-alpha&qlt=80)
Unai Marrerok kontratua luzatu du 2030era arte
Azpeitiako atezainak txuri-urdinen atea defendatuko du lau denboraldi gehiagoz.