Bidasoak Montpellierren galdu du, eta final-laurdenetarako sailkapena zaildu zaio (38-33)
Talde gipuzkoarrak barkatu egin dio talde frantziarrari lehen zatian, eta bigarrenean baloi gehiegi galdu ditu. Frantziako taldeak kontraerasoa baliatu du partida erabakitzeko.
Bi taldeetako jokalariek elkar agurtu dute partidaren amaieran. Irudia: EITB
Irudek Bidasoa Irunek 38-33 galdu du Montpellier Handballen etxean Europako Ligan, eta nabarmen okertu zaizkio txapelketan aurrera jarraitzeko aukerak. Talde gipuzkoarrak barkatu egin dio lehen zatian Frantziako taldeari, eta bigarren zatian baloi gehiegi galdu ditu. Montpellierrek kontraerasoa baliatu du neurketa erabakitzeko.
Egokitu zaien multzoa, Kiel eta Flensburg jokalari direla, Europako Ligako multzorik gogorrena da, beraz, alemaniarrak jokoan ondo badabiltza, Bidasoa eta Montpellier Handball zuzenean lehiatuko dira hirugarren postua lortzeko, final-laurdenetarako txartela eskuratzeko aukera ematen duena. Horregatik, emaitza eta markagailua garrantzitsuak ziren Artalekun jokatuko den itzulerako partidari begira.
Bidasoak bikain ekin dio norgehiagokari defentsan, baina, hala ere, ez du abantaila esanguratsurik lortu markagailuan, ate aurrean egindako hutsengatik. Irundarrek gehiegi barkatu dute, eta gol bat, bi edo hiru goleko aldeko errentak baino ez dituzte erdietsi, lehen 15 minutuetan. Ondoren, norgehiagoka aldatu egin da, eta Montpellierrek estu hartu ditu Alex Mozasen mutilak. Dena dela, talde gipuzkoarrak Frantziako taldeari eutsi dio atsedenaldira berdinketarekin joateko (17-17).
Aldageletatik bueltan, talde frantziarra indartsuago atera da kantxara, eta lau golerainoko errenta lortu du bigarren zatiko lehen minutuetan. Une horietan Bidasoak sufritzen jakin izan du, Montpellierri markagailuan ihes egiten ez uzteko, baina ezin izan dute neurketa berdindu, ezta aurrea hartu. ere Azken txanpan, Mozasen jokalariek frantziarren defentsaren aurka talka egin dute, eta Montpellierrek ederki aprobetxatu ditu kontraeraso ugariak partida guztiz desorekatzeko (38-33).
- Fitxa teknikoa:
38 - Montpelier: Desbonnet, Bolzinger- porteros- Villeminot (5), Moraes, Thurin (7, 3 pen.), Lenne (6), Agustin Casado (2), Richert (4), Guigon, Porte (1), David Balaguer (10), Prida, Dubois (2), Calbry, Prat (1), Plantin.
33 - Bidasoa: Leo Maciel, Skrzyniarz- Xabi Gonzalez (2), Piotr (7), Esteban Salinas (3), Nevado (3), Dariel Garcia (6, 5 de pen.), Furundarena, Valles (1), Gorka Nieto (5), Barreto, Jevtic (3), Mujika (3), Cavero, Raix, Arruti.
Markagailua bost minuturo: 4-3; 6-7; 7-10; 10-11; 13-13; 17-17- atsedenaldia- 22-20; 27-24; 28-26; 30-27; 34-29; 38-33.
Epailek: Sami Kinnari eta Johan Skogberg (Finlandia). Casado, Dariel Garcia eta Jevtic egotzi dituzte.
Nabarmentzekoa: Montpelierreko FDI Stadiumean jokatutako Europako Ligako final-zortzirenetako faseko lehen partida, 2.800 zale ingururen aurrean.
Zure interesekoa izan daiteke
Xavi Tuak kontratua luzatu du 2027ra arte
Jokalari kataluniarrak 25 partida jokatu eta 64 gol sartu ditu, taldeari ekarpen nabarmena eginez.
Niko Mindegia, Bidasoa Irunen fitxaketa berria
Jokalari nafarrak taldea indartuko du, 2026-27 datorren denboraldiari begira.
Bidasoa Irunek Leo Maciel berritu du 2027ra arte eta Nacho Vallesen irteera iragarri du
Talde gipuzkoarrak atezainari eta lehen lerroari eragiten dieten bi aldaketa baieztatu ditu azken egunotan bere jokalarien artean. Berrikuntza eta baja garrantzitsuak izango ditu datorren denboraldiari begira.
Bidasoak agur esan dio Europako Ligari, Montpellierren aurka Artalekun beste porrot bat jasota (34-36)
Mozasen mutilek lehen zati bikaina egin dute eta talde frantziarrari eustea lortu dute atsedenaldira 18nako berdinketarekin joateko. Aldageletatik bueltan, ordea, berriz ere energia falta izan da, nahiz eta partida amaierara berdintzeko aukerekin iritsi.
Unai Barretok lesio larria du ezker belaunean
Jokalariari probak egin dizkiote THW Kielen aurkako partidan ezker belaunean izandako bihurrituaren ondorioz. Proba horiek baieztatu dute aurreko lotailu gurutzatua osorik hautsi duela, eta bi meniskoetan hausturak dituela.
Bidasoa EHF Ligatik kanpo geratu da, Wolffen emanaldi bikainaren eta Montpellierren garaipenaren ostean
Talde irundarrak 27-20 galdu du THW Kielen kantxan multzoko liderraren aurka. Montpellierrek, bere aldetik, Flensburg menderatu du etxean. Horrenbestez, Europako Ligako final-laurdenetara sailkatzeko aukerarik gabe geratu da Bidasoa.
Bidasoak EHF Europako Ligan jarraitzeko aukerak izatea bilatuko du Kielen, asteartean
Euskal taldeak Alemanian Kielen aurka galtzen badu, txapelketan jarraitzeko aukerarik gabe gera liteke, Montpellierrek Flensburgen aurka irabazten badu; Bidasoak garaipena lortuko balu edo Flensburgek Montpellier menderatuko balu, hilaren 10ean jokatuko den Bidasoa-Montepllier partidaren menpe geratuko litzateke sailkapena.
Bidasoak Kieli eutsi dio Artalekun, baina azken minutuetan energia falta izan zaio (32-37)
Bidasoak izarrez betetako Alemaniako taldea izan du aurrean, baina ez dira kikildu. Kiel indartsuak garaipena lortu du, baina Irudek Bidasoa-Irun gertu egon da neurketako fase askotan, 50. minutuan hiru golera izan da.
Gorka Nieto: "Edozein eskubaloi jokalarik pentsatu izan du, txikitan, Kielen kontra jokatu nahi duela"
Bidasoa-Irunek Kieleren aurka jokatuko du, astearte honetan, EHF Europako Ligako partidan, 20:45ean hasita. Nietok partida berezia izango dela nabarmendu du, eta taldeak horrelako norgehiagokak "disfrutatu eta konpetitu" nahi dituela azpimarratu. EITBk zuzenean emanen du partida, ETB4n, telebistaz, eta kirolakeitb.eus euskarriaren bitartez.