Bera Berak eta Beti Onakek Erregina Kopako final historikoa jokatuko dute igandean
Super Amara Bera Berak eta Beti Onakek Erregina Kopako finala jokatuko dute, finalerdietan Porriño eta Granollers kanporatuta.
Gipuzkoako taldeak txarto hasi du partida, eta egoera iraultzea lortu du, Porriñok maila ona eman duen arren (24-26).
Malena Vallesen zuzendaritzapean, Porriñok ondo hasi du neurketa. Bera Bera 3-4 aurreratu da 12. minutuan, baina Porriño berehala jarri da berriro aurretik, eta finalerdia kontrolpean izan du hurrengo minutuetan (7-4, 11-10).
Lehen zatiaren amaieran, Imanol Alvarezen taldeak aurrerapausoa eman du, baina Ana Belen Palominok atepean egindako lan bikainak Donostiako taldeak norgehiagoka berdintzea galarazi du. Horrela, 13-12ko emaitzarekin iritsi dira bi taldeak atsedenaldira.
Bigarren zatian, Bera Berak aurkariaren defentsa zulatzeko modua aurkitu du. Elba Alvarezen jokoa erabakigarria izan da, eta bere taldea 16-18 jarri da aurretik bigarren zatiko lan erdietan.
Galiziako taldeak ez du amore eman, eta azkenera arte saiatu da, baina Bera Berak ondo eutsi dio bere aldeari, eta finalerako txartela lortu du, 24-26 irabazita.
Fitxa teknikoa
24 - Conservas Orbe Zendal BM Porriño (13+11): Palomino (Rosalez), Zhukova (1), Sanmartín (3), Valles (1), Casasola (2), Buforn (3) eta Barros (6); Bono (6, 1 p), Campo (1), Benaches (1), Aroa Fernandez, Bengoetxea, Moreno eta Laguna.
26 - Super Amara Bera Bera (12+14): Prades (Kostic), Etxeberria (1), Arrojeria (2), Arroyo (1), Gavilan (1), Louis (1) eta Elba Alvarez (6, 1 p); Karsten (5, 4 p), Ogonovszky, Erauskin (3), Menendez, Zabala, Laura Hernández (1), Lyndie Tchaptchet (2) eta Rodrigues (3).
Partzialak: 3-0, 3-2, 7-4, 8-5, 11-10, 13-12 (atsedenaldia); 15-13, 16-15, 16-18, 19-21, 21-23 eta 24-26 (amaiera).
Beti Onaken garaipen epikoa
Replasa Beti Onakek balentria egin du Erregina Kopako finalerako sailkatuta. Final-laurdenetan ligako liderra kanporatu zuen Nafarroako taldeak, eta finalerdietan Granollers etxeko taldearekin beste horrenbeste egin du, azken segundoan 19-20 irabazita.
Norgehiagoka oso parekatua izan da, eta bi taldeek huts ugari egin dituzte. Azken zatian, urduritasuna izan da nagusi, eta azken minutuetan erabaki da dena (16-16, 53. minutuan). Azken minutura ere, berdinduta iritsi dira. Nerea Canvasek aurretik jarri du Atarrabiako taldea zazpi metroko puntutik egindako jaurtiketa batekin.
Partida amaitzeko 10 segundo falta zirenean, Porriñok markagailua berdindu du, Ester Somazak egindako golari esker, eta azken segundoan Maria Grasielik egindako golak finalerako txartela eman dio Beti Onaki.
Fitxa teknikoa
19 - KH-7 BM Granollers (9+10): Mera, Carla Gonzalez (2), Polonio (2), Guarieiro (1), Nuez, Tort eta Vila (1); Capdevila (6, 1 p), Kofler, Somaza (6), Belen Rodriguez (1), Juan, Milagros, Portillo eta Jallow.
20 - Replasa Beti-Onak (8+12): Encinas (Luzuriaga), Canas (6, 4 p), Brasil (4, 1 p), Fonkeng, Fernandez-Agusti (3), Estitxu Rodriguez (1) eta Zamora; Mallo, Hernandez (1), Ayelen (2), Arruabarrena, Sans (1), Gutierrez (2), Urbitarte eta Lovera.
Partzialak: 3-2, 5-4, 7-6, 8-7, 9-7, 9-8 (atsedenaldia); 11-11, 12-12, 13-13, 15-15, 17-17 eta 19-20 (amaiera).
Zure interesekoa izan daiteke
Jon Begiristain, Bera Beraren entrenaitzailea: "Buru-belarri lan egingo dut, emandako konfiantza bueltatzeko"
Jon Begiristain Bera Beraren bigarren entrenatzaileak hartuko du lehen entrenatzaile lana datorren denboralditik aurrera. Hedabideen aurrean hitz egin du, erabakiaren inguruan hausnartzeko.
Jon Begiristain izango da Bera Beraren entrenatzailea datozen bi denboraldietan
Imanol Alvarez ordezkatuko du, hark erabaki baitu denboraldi honen amaieran taldearen zuzendaritza uztea. Begiristain Alvarezen laguntzaile aritu izan da 2023-24 denboralditik.
Imanol Alvarez: "Aldatzeko momentua dela sentitu dut"
Imanol Alvarez Super Amara Bera Bera entrenatzaileak prentsaurrekoa egin du astelehen eguerdian, denboraldi bukaeran taldea uzteko hartutako erabakia azaltzeko. Zehaztu duenez, proiektu berriei ekiteko unea dela sentitu du.
Imanol Alvarezek ez du Bera Bera entrenatzen jarraituko datorren denboraldian
Tati Garmendia klubeko presidenteak ohar baten bidez jakinarazi duenez, Alvarez ez da taldeko entrenatzailea izango datorren denboraldian, eta astelehen honetan Gipuzkoako hiriburuan emango duen prentsaurrekoan azalduko du bere erabakia.
Maitane Etxeberria kapitainak Super Amara Bera Berarekin berritu du
Gipuzkoar jokalaria bere hamahirugarren denboraldia jokatzen ari da Donostiako taldean; Bera Beran 400. partida jokatzear dago.
Laura Hernandezek Bera Bera taldea utziko du 2025-2026 denboraldiaren amaieran
2020-2021 denboralditik darama Hernandezek Donostiako taldean; orain arte, 192 partidu jokatu ditu Bera Berarekin, eta 513 gol sartu.
Lyndie Tchaptchetek ez du Super Amara Bera Beran jarraituko 2026-27 denboraldian
Nazioarteko pibote nafarrak, Donostian arrakastaz betetako bi denboraldiren ostean, Txapeldunen Ligan helburu handiak dituen klub baten eskaintza onartu du.
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Imanol Alvarez: ''Defentsan egongo da gakoetako bat''
Super Amara Bera Berak Dijoni egingo dio bisita igandean, Europa Ligan aritzeko pasea lortzeko. Donostiako taldea 3 goleko errentarekin abiatuko da. Kruijswijk min hartuta dago, eta zalantzan dago parte hartzeko moduan izango den. Imanol Alvarezen ustez, defentsan egongo da gakoetako bat.
Anne Erauskin, Bera Berako jokalaria: ''Gakoa lasaitasuna mantentzea izango da''
Hiru goleko aldeari eutsi nahi dio Dijonen Super Amara Bera Berak, joaneko partidako abantaila aprobetxatzeko. Anne Erauskin jokalariak partidako gakoei buruz hitz egin du.