Super Amara Bera Berak mendean hartu du Valladolid final-laurdenetako lehen partidan (27-34)
Titulurako play-offetako joaneko partidan, Super Amara Bera Berak lehen bi puntuak lortu ditu Caja Rural Aula Valladolid mendean hartuta, lehen zati bikainari esker (10-17). Bigarren zatian, berriz, etxeko taldearen erantzunari eutsi dio garaipena lortzeko (27-34).
Bera Berak beste martxa batekin ekin dio neurketari Huerta del Reyra egin duen bisitan, Esther Arrojeria jokalariaren eskutik; izan ere, erdiko jokalariak markatutako erritmoari Boada, Lyndie Tchaptchet eta Carmen Arroyo taldekideek lagundu diote, eta bisitariek partidaren ekimena hartu dute.
Caja Rural Aula Valladolidi asko kostatu zaio partidan sartzea, bisitariak oso sendo eta hutsik gabe aritu baitira kontraerasorako trantsizio azkarretan. Lehen partzialaren erdia gaindituta, Super Amara Bera Berak gero eta gehiago handitu ditu aurkariarekiko aldeak, atsedenaldira zazpi goleko abantailarekin joateko.
Valladolidek dinamika aldatu du bigarren zatian, eta Amaia Gonzalez de Garibay eta Jimena Laguna izan dira Pucelako taldearen erreakzioa gidatu dutenak. Gaztelakoek lehen zatiko golen erdiak egin dituzte lau minutuan (15-19), baina orduan Super Amara Bera Berak, Esther Arrojeria jokalari bikainaren eskutik, gola sartu du Donosiako taldeari arnasa emateko.
Une horretan, lehia ireki egin da, eta bi taldeetako jokalariek distira egiteko tartea aurkitu dute. Amaia Gonzalez de Garibayk eta Irene Botellak Valladolideko taldearen erreakzioa bultzatu dute. Bisitarien aldetik, Esther Arrojeria sendo batek ez du maila jaitsi Super Amara Bera Berarentzat ukitzen zuen guztia gol bihurtzeko (11 gol). Arrojeriaren erakustaldia izan da Gipuzkoako taldearen garaipena gidatu duen itsasargia.
Zure interesekoa izan daiteke
Bera Bera Europa Ligatik kanporatu dute; Beti-Onakek, berriz, aurrera egin du Europako Kopan
Bera Bera eta Dijonen arteko kanporaketa penaltietan erabaki da (30-26). Beti-Onakek, ostera, kanporaketako bi partidak irabazi dizkio Yellow Winterthur taldeari, eta Europako Kopako final-zortzirenetan izango da.
Imanol Alvarez: ''Defentsan egongo da gakoetako bat''
Super Amara Bera Berak Dijoni egingo dio bisita igandean, Europa Ligan aritzeko pasea lortzeko. Donostiako taldea 3 goleko errentarekin abiatuko da. Kruijswijk min hartuta dago, eta zalantzan dago parte hartzeko moduan izango den. Imanol Alvarezen ustez, defentsan egongo da gakoetako bat.
Anne Erauskin, Bera Berako jokalaria: ''Gakoa lasaitasuna mantentzea izango da''
Hiru goleko aldeari eutsi nahi dio Dijonen Super Amara Bera Berak, joaneko partidako abantaila aprobetxatzeko. Anne Erauskin jokalariak partidako gakoei buruz hitz egin du.
Bera Berak Beti Onak menderatu du derbian (27-30)
Nafarroako taldeak bigarren zati ona egin zuen arren, Donostiakoak izan ziren nagusi, hiru goleko aldeaz, Atarrabian jokatutako partidan.
Bera Berak lehen kolpea eman du Dijonen aurkako kanporaketan (22-19)
Donostiako taldeak 22-19 irabazi dio Dijon talde indartsuari, eta hiru goleko errenta izango du Frantzian jokatuko den itzuliko partida erabakigarrian.
Imanol Alvarez: ''Bi borrokaldi izango direla kontuan hartuta lehiatu behar dugu''
Super Amara Bera Berak Dijon Frantziako talde indartsuaren aurka jokatuko du larunbatean, etxean, EHF Europa Ligako multzoen fasera sailkatzeko kanporaketako joaneko partida. Imanol Alvarezek adierazi du haiek direla, a priori, faboritoak.
Maitane Etxeberria: ''Defentsarekin eta kontraerasora igota min egin dezakegula uste dut''
Super Amara Bera Berak Dijonen bisita hartuko du Gascan, larunbat honetan, EHF Ligako kanporaketetako joaneko partidan. Maitane Etxeberriak neurketa nola ikusten duen azaldu du elkarrizketa honetan.
Bera Berak Iberiar Superkopa irabaziz ekin dio denboraldi berriari
Euskal taldeak ezin hobeto ekin dio 2025-26 denboraldiari; astelehen arratsaldean aurkezpena egin du, Donostian.
Bera Berak erakustaldia emanda irabazi du Iberiar Superkopa
Donostiako taldea hasieratik bukaeraraino izan nagusi, eta 38-21 garaitu du Benfica, Anaitasunan jokatutako finalean, Iberiar Superkopa hirugarren urtez jarraian bereganatzeko.
Bera Berak gaur jokatuko du Iberiar Superkopako finala, Benficaren aurka
Finala Anaitasuna pabiloian jokatuko dute, 20:00etan, eta neurketa zuzenean emango dugu ETB4n eta eitb.eus atarian.