Beti-Onakek eta Zuazok aurrera egin dute Kopan, Morvedre eta Zonzamas mendean hartuta hurrenez hurren
Replasa Beti-Onak eta Zuazo Barakaldo taldeak garaile atera dira eskubaloiko Erreginaren Kopako lehen kanporaketan eta hurrengo kanporaketara pasa dira. Beti-Onak taldeak Morvedre garaitu du bigarren zati ikusgarri bati esker (19-25). Bestalde, Zuazok azken unera arte borrokatu behar izan du Zonzamasi 28-29 irabazteko.
Beti-Onak izan da jokatu duen lehen taldea, Valentzian, Morvedreren etxean. Etxekoak izan dira markagailua ireki dutenak eta nafarrei hasieratik korrontearen kontra joatea egokitu zaie. Partidako lehen minutuetan bi taldeak oso geldo aritu dira erasoan eta kosta egin zaie golak sartzea, defentsako lan ona azpimarratuz. Izan ere, lehen 20 minutuetan Beti-Onakek bi gol baino ez ditu sartu, eta aurkariak, aldiz, sei.
Hortik aurrera, hobeto aritu dira eta gehiago aurkitu dute atea, baina Morvedrek kontrolpean izan du jokoa denbora guztian, eta hiru goleko aldearekin joan dira atsedenaldira (9-6).
Aldageletatik bueltan gidoia oso bestelakoa izan da. Beti-Onak hobeto zelairatu da eta 0-4ko partzialarekin markagailua berdindu du (10-10) ondoren aurretik jarri eta erritmoa ezartzeko.
Nafarrek bi goleko aldea mantendu dute bigarren zatian. Abantaila hori laukoa ere izan da amaierarako bost minuturen faltan. Ordurako, Beti-Onakek kontrolpean zuen partida.
Azkenean, lehen zati txar bati buelta ematea lortu dute, bigarrenean 19 gol sartuta, eta garaipena lortu dute 19-25eko emaitzarekin, beraz, hurrengo kanporaketan egongo dira.
Bestalde, Zuazo Barakaldok ere hurrengo kanporaketarako txartela lortu du, Zonzamas gol bakar batez gaindituta.
Partida oso parekatua izan da, eta ordu laurdenetik aurrera etxekoek beste pauso bat eman dute eta aurretik jarri dira (12-10). Hala ere, talde bizkaitarrak ez die ihes egiten utzi eta aurkariaren zelatan jarraitu dute, atsedenaldira gol bakarra azpitik iritsiz (15-14).
Bigarren zatian, partidaren gidoia ez da aldatu. Zonzamasek markagailuan agintzen jarraitu du eta Zuazori korrontearen kontra joatea egokitu zaio. Baina, amaierarako bost minuturen faltan, euskaldunek 26na berdintzea lortu dute.
Azken minutuetan aurrea hartzea lortu dute eta azkenean gol bategatik gailendu dira, 28-29.
Zure interesekoa izan daiteke
Alex Raix, Bidasoa Irungo jokalariak, belauneko lesio larri bat sufritu du
Frantziarrak belauneko aurreko lotailu gurutzatua hautsi du eta hilabete asko beharko ditu errekuperatzeko. Denboraldi honetarako taldearen berritasunetako bat zen, Piotr Mielzcarski poloniarrak alde egin ondoren.
Jon Ander Iribar Bidasoa Irunera itzuli da
Jokalaria BM Zaragozan zegoen utzita eta Alex Mozasen taldeak berreskuratze-klausula aktibatu du, Aragoiko klubarekin zuen akordioan aurreikusita zegoena.
Portok ez dio aukerarik eman Bidasoa Iruni kontsolazio finalean (32-25)
Portugalgo taldeak atsedenaldia heldu baino lehen bideratu du garaipena, eta bigarren zatiaren hasieran erabakita utzi du partida.
Bera Berak ezin izan du Espainiako Superkopa irabazi, finalean galdu egin baitu Rocasaren aurka
Finala oso parekatua izan da, baina Bera Berak 25-23 galdu du azkenean. Carmen Arroyok lesio larria izan du, eta negarrez erretiratu da.
Bidasoa Irunek ezin izan du garaipena eskuratu Sporting Portugalen aurka (29-31)
Alex Mozasen taldeak lehen zati bikaina egin du, baina brontzea lortzeko borrokatu beharko du Iberiar Superkopan, finalerdietan galdu ostean bigarren zatian hobea izan den Lisboako taldearen aurka.
Bera Bera, Espainiako Superkopan, eta Bidasoa, Iberiar Superkopan, denboraldiko lehen tituluaren bila, Vigon
Jon Begiristainen taldeak Rocasa izango du aurkari, partida bakarrean, larunbatean, 18:15ean; Alex Mozasen jokalariak, ordea, ostiralean arituko dira Sporting Lisboaren aurka, finalerdietan, eta larunbatean berriro jokatuko dute, Bartzelonaren edo Portoren kontra, finalean edo brontzea lortzeko partidan.
Miguel Etxeberria: “Hobetzeko aukera duen talde polit eta orekatua daukagu”
Replasa Beti-Onakek hainbat baja izan ditu aurtengo denboraldirako taldeari dagokionez. Hala ere, “helburuak betetzeko asmoa” dutela azaldu du Miguel Etxeberriak, baita “aurreko denboraldietan egindakoa berregin eta gainditzekoa” ere.
Maitane Etxeberria: “Helburuak ez dira aldatu; prest gaude datorrenari aurre egiteko”
Super Amara Bera Berak denboraldi honetako taldearen aurkezpena egin du Donostiako Aquariumean. Aldaketa nabarmenena entrenatzailearena izan da, Jon Begiristainena.
Niko Mindegia, Bidasoan ere borrokarako prest
Niko Mindegiak, Bidasoako 38 urteko jokalariak, ibilbide luze eta oparoa du eskubaloian. Badaki irungo taldean jokatzea ez dela edonolakoa, Europa mailan ere ezaguna da taldea. Gauzak horrela, gazteen artean bada ere borrokarako prest jarraitzen du nafarrak.
Super Amara Bera Berak ekipazio berriak aurkeztu ditu
Super Amara Bera Berak aro berri bat hasi du. Talde donostiarrak hurrengo denboraldian erabiliko dituen ekipazioak aukeztu ditu. Ekitaldian, Maitane Etxeberria kapitainak, Anne Erauskin jokalariak eta Jon Begiristain entrenatzaile berriak hurrengo urteari buruz hitz egin dute.