Atletismoa

2024/02/18 - 20:41

Asier Martinez, Espainiako txapeldun 60 metroko hesidun proban

Nafarrak hirugarrenez irabazi du txapelketa. 7.53ko denbora egin du, proba hasieratik amaierara arte kontrolatuta. Bigarren Enrique Llopis izan da, 7.58ko denborarekin, eta hirugarren Carlos Oses, 7.71ko denborarekin.

2024/02/15 - 20:49

''Kirol Mitoak ''erakusketak ikusgarri jarraitzen du Gasteizko Europako Biltzar Jauregian

Gasteizko Europako Biltzar Jauregia kirolzaleentzako topagune bilakatu da, izan ere, bertan kirol munduko 200 objektu interesgarri daude ikusgai. Erakusketa otsailaren 25era arte egongo da zabalik.

2024/02/15 - 15:40

Teresa Errandonea hesi lasterkariak atletismoa utziko du, 29 urte dituela

Atleta irundarrak, 100 metroko hesidun proban eta, pista estalian, 60 metroko hesidun proban Espainiako txapelduna izandakoa bera, ostegunean iragarri du erabakia. Basque Teamek bekatutakoa, Tokioko Olinpiar Jokoetan lehiatu zuen, 2021ean, eta Munduko eta Europako Txapelketa batzuetan ere izan da.

2024/02/12 - 10:10

Kelvin Kiptum hil da, maratoiko munduko errekorduna

Kenyako atleta gaztea (24 urte) auto-istripu batean hil da bart. Berarekin batera autoan zihoazen beste pertsona ere zendu dira: bere entrenatzailea eta haiekin batera zegoen emakumezko bat ere.

2024/02/04 - 14:50

Adel Mechaal eta Irene Sanchez-Escribano nagusi 10K Gimnastika Ulian

Mechaal, 27 minutu eta 55 segundoko markarekin, Oukhelfenen Espainiako errekorretik 11 segundora geratu da, eta Sanchez-Escribanok marka pertsonala egin du, 32 minutu eta 10 segundoko denborarekin.

2024/01/31 - 20:33

Ulia Gimnastika zuzenean ikusgai, igandean, ETB4n eta eitb.eus-en

Ulia Gimnastika hamar kilometroko proba zuzenean jarraitu ahal izango da igandean ETB4n eta eitb.eus-en 11:55etatik aurrera. Euskadiko lasterketa zaharrenaren 93. edizioa izango da.

2024/01/30 - 13:09

Asier Martinez irabaziz itzuli da pistara Val-de-Reuilen, bere marka onena lortuta

Atleta nafarra nagusi izan zen 60 metroko hesidun proban, 7,49 segundoko markarekin, orain arte lortutako onena. Urtebete egin du kanpoan lehiatu gabe, 2023ko otsailean Parisen izan zenetik.

2024/01/29 - 17:41

Asier Martinezek bere marka pertsonalik onena lortu du 60 metroko hesidun proban, 7.49 denborarekin

Asier Martinez nafarra pista estaliko L'Eureko (Val-de-Reuil, Frantzia) mitinean itzuli zen nazioarteko txapelketa batera, azken aldiz egin eta urtebetera. Garaipena lortu zuen 60 metroko hesidun proban, bere marka pertsonala onduta (7.49). Espainiako errekorretik ehunen batera geratu zen.

2024/01/09 - 11:44

Chebet eta Aregawi, Elgoibarko Muguerza Memorialeko garaileak

Batetik, Aregawik helmugatik hiru kilometrora eman du azken erasoa, El Bakkali, Rodrigue Kwizera eta Kipkurui atzetik zituela. Bestetik, Beatrice Chebetek bi segundo atera dizkio Edina Jebito keniarrari.

2024/01/03 - 16:57

Elgoibarko Juan Muguerza Krosa, igandean, eitb.eus-en eta ETB1en

Elgoibarko Nazioarteko Krosaren 80. edizioa aurkeztu dute. Igandean izango da, urtarrilaren 7an, eta guztira 900 atleta arituko dira kategoria guztietan. 12:00etatik aurrera zuzenean ikusi ahalko da eitb.eus-en eta ETB1en.

2023/12/31 - 18:14

Al Gham eta Boulaid, Beasaingo 2023ko San Silbestreko irabazleak

Beasaingo San Silbestreak mende erdia bete du 2023ko abenduaren 31 honetan. Gizonezkoen mailan, Abdelkader Al Gham nagusitu da; emakumezkoenean, aldiz, Kaoutar Boulaid izan da onena. Hainbat korrikalarik hartu dute parte proban, eta giro bikaina izan da.

2023/12/29 - 22:08

Asier Martinezek min hartuta amaitu du Nafarroa Arenako 60 metroko hesidun probako finalerdia

Asier Martinez atleta nafarrak Nafarroa Arenan korrika egiteko aukera izan du. Bigarren izan da 60 metroko hesidun probako finalerdian, baina min hartuta amaitu duenez, ez du finalean parte hartu.

2023/12/29 - 16:20

Basque Teamek urteko kirolari onenak saritu ditu

Basque Teamek euskal kirolaren elitea bildu du Getxon, eta 2023ko lorpen nabarmenenak saritu dituzte bertan. Bingen Zupiria Eusko Jaurlaritzako Kultura eta Hizkuntza Politikako sailburuak Eguzkilore Zuria eman dio aurten erretiroa hartu duen Ander Elosegi piraguistari.

2023/12/28 - 18:20

Asier Martinez: ''Aurreko ziklo txar horrekin apurtzea da Nafarroa Arenan egotearen helburua''

Nafarroa Arenan atletismoko maila goreneko ekitaldia jokatuko da bihar, Navarra Indoor Athletics. Nazioarteko hainbat izar bilduko dira bertan, baina iruindarrentzat erakargarririk handiena Asier Martinezen itzulera bertatik bertara ikustea izango da, 10 hilbabetez lehiatu gabe egon ondoren.

2023/12/28 - 16:39

Beasaingo San Silvestrea, 50 urte bizirik

Igandean, abenduak 31, San Silvestre lasterketa egingo da Euskal Herriko hainbat herritan. Ospetsuenetako bat, Gipuzkoako zaharrena, Beasaingoa da. Aurten, 50 urte beteko ditu.

2023/12/17 - 18:21

Edinah Jebitok eta Abdessamad Oukhelfen izan dira garaile Venta de Bañosen

Kenyarra bigarren izan den Asayech Ayichew eta hirugarren izan den Katie Izzo atletei abantaila handia aterata nagusitu da. Gizonezkoen proba parekatuagoa izan da, eta azken kilometroetara arte ez da erabaki. Bigarren Fernando Carro izan da eta hirugarren Fabien Palcau.

2023/12/03 - 14:29

Majida Maayoufek maratoiko Espainiako errekorra ezarri du Valentzian

Agurainen (Araba) bizi den atletak maratoiko Espainiako errekorra ezarri du. Valentziako Maratoian 2 ordu, 21 minutu eta 28 segundoko marka eginda lortu du errekorra. Aurreko marka 4 minutu eta 47 segundoan hobetu du. Duela gutxi lortu du espainiar herritartasuna.

2023/12/03 - 13:29

Sisay Lemmak eta Worknesh Degefak irabazi dute Valentziako maratoia

Sisay Lemma nagusitu da gizonezkoen proban, 2 ordu, 01 minutu eta 48 segundoko denborarekin. Emakumezkoetan, berriz, Worknesh Degefa izan da azkarrena, 2 ordu, 15 minutu eta 51 segundoko markarekin.

2023/11/26 - 15:17

Benson Tunyok eta Emma Cherutok irabazi dute Donostiako Maratoia

Tunyo 2 ordu, 12 minutu eta 14 segundoko denbora eginda gailendu da gizonezkoen proban. Emakumezkoetan, Cherutok 2 ordu, 31 minutu eta 24 segundoko denborarekin irabazi du.

2023/11/26 - 14:02

Irati Mitxelena, atletismoaren eta ikerkuntzaren artean

Irati Mitxelena atleta eta ikerlaria da. Neurozientzia eta kirola nola uztartzen dituen eta zer-nolako antzekotasunak dituzten kontatu digu Helmuga saioan.