Laros herbeheretarra eta Chepkemeoi keniarrak faborito dira Donostiako Nazioarteko krosean
Niels Laros herberehetarra, gizonezkoetan, eta Sharon eta Diana Chepkemoi keniarrak, emakumezkoetan, dira autengo Donostiako Nazioarteko Kroseko faborito nagusiak.
Lasterketa, zuzenean emango dute ETB1ek eta eitb-eus-ek, 12:15etik hasita.
Gizonezkoetan, Ronald Kewnoi iazko irabazlea eta Pariseko Jokoetan 5.000 metroetan zilarrezko dominaren irabazlea ez da irteeran izango, eta Niels Laros da garaipena lortzeko hautagai nagusia.
Lehen Lasarteko Krossa izenaz ezaguna, lasterketa hipodromoan amaituko da, urtero legez, eta goi mailako parte-hartzea izango du.
Gizonezkoen lasterketan, Laros da faborito nagusia. Pariseko jokoetan seigarren egin zuen 1.500eko proban, eta 2023an munduko txapelduna ere izan zen distantzia berean eta 5.000 metrokoan ere, baina 20 urtez azpikoen kategorian. Distantzia ertainean Europa mailan dagoen atleta onenetarikoa da herbeheretarra.
Stefan Nilessen, Larosen herrikidea, distantziako 10 onenen artean da, Martin Kiprotich eta Hosea Kiplanget afrikarrekin batera, eta horiek ere garaipena lortzeko faboritoen artean daude.
Emakumezkoen lasterketa
Emakumezkoen lehian ere iazko irabazlea, Edinah Jebitok keniarra, ez da irteeran izango eta haren bi herrikide dira, aurreikuspenen arabera, aurten irabazle izateko aukera gehien dituztenak: Sharon Chepkemoi eta Diana Chepkemoi.
Probako palmaresari dagokionez, Donostiako Nazioarteko Krosak garaile entzutetsuak izan ditu: Emil Zatopek, Fita Bayisa eta Halle Gebresselasie handia, besteak beste. Aurtengo edizioari begira, mailako parte-hartzea bildu dute antolatzaileek lasterketa zilarrezko mailan jarraitzeko asmoarekin. Espainia mailan beste hiru lasterketa daude maila horretan: Amurrio, Zaragoza eta Caceres.
Zure interesekoa izan daiteke
2026ko Gasteizko Maratoi Erdiaren 4.000 dortsalak agortu egin dira
Gasteizko 47. Maratoi Erdian 4.163 lagunek izena eman dute, atleta profesionalak eta federatuen artean; abenduaren 14an bilduko dira Gasteizko kaleetan.
Maite Arraiza eta Thomas Holliday nagusitu dira Donostiako maratoian
Maite Arraiza donostiarra helmugaratu da lehen postuan, 2 ordu eta 45 minutuko denbora eginda, eta Louise Flynn eta Alejandra Sanchez sartu dira jarraian. Gizonezkoetan, Thomas Holliday nagusitu da 2 ordu eta 22 minutuko denborarekin. Aki Nummelak eta Simon Riok lagundu diote podiumean.
Donostiako 46. maratoia aurkeztu dute, historiako jendetsuena
Donostiako udaletxean egin dute aurkezpena. Igande honetan jokatuko dira maratoia eta 10 kilometroko proba ere. Aurten 7.000 korrikalarik parte hartuko dute maratoian, eta, 4.500 korrikalarik, hamar kilometrokoan.
Katherine Tisalemak eta Raul Celadak irabazi dute 2025eko Behobia-Donostia lasterketa
Ia 28.000 atleta atera dira proban, igandean, eta giro ikusgarria izan da. Tisalemak eta Celadak aurreneko aldiz lortu dute garaipena Behobia-Donostian.
Behobia-Donostia 2025: Maratoi erdiaren irudirik ikusgarrienak
Ia 28.000 korrikalarik hartu dute parte Behobia-Donostiaren 60. edizioan. Hona hemen maratoi erdi entzutetsuaren irudi ederrenen bilduma.
Alex Roca: ''Denok merezi dugu ikusgarritasuna''
Garuneko paralisia eta % 76ko desgaitasun fisikoa duen atleta hau da munduan maratoi bat egin duen lehena. Behobia-Donostia egin du gaur, "Corre Amb Mi" elkartearekin batera.
Iraitz Arrospide, hirugarren postua lortuta: ''Oso harro nago egin dudan lasterketaz''
"Ziurrenik, Behobia politena, niretzat; sekulako maila zegoen", esan du Iraitz Arrospidek, 60. Behobia-Donostian helmugaratu den lehen euskal atleta izan ostean.
Katherine Tisalema: ''Lasterketa guztia ikusleek lagunduta joan naiz, eta oso polita izan da''
Katherine Tisalemak erakustaldia egin du, Behobia-Donostia ikusgarrian ezustekoa eman eta meritu handiz irabazteko, 1 ordu, 9 minutu eta 34 segundoko marka eginda.
Raul Celada: ''Probako errekorra hautsi nahiko nuke, erronka ona izan liteke''
Raul Celada Leongo atletak ezusteko handia eman du Behobia-Donostia probaren 60. edizioan, helmugara bakar-bakarrik iritsita, 1 ordu, 1 minutu eta 28 segundoko denbora eginda.
Celada eta Tisalema garaile 2025eko Behobia-Donostia lasterketan
Raul Celada nagusitu da gizonezkoen proban, 1 ordu, 1 minutu eta 28 segundoko denbora eginda; emakumezkoenean, aldiz, Katherine Ruth Tisalema izan da azkarrena, 1 ordu, 9 minutu eta 54 segundoko markarekin.