Behobia-Donostiaren izen-emate orokorra abian da
Behobia-Donostia lasterketaren 59. edizioaren izen-emate orokorra jarri da martxan astearte honetan, maiatzaren 7an, 12:00etan, Fortuna Kirol Elkarteak jakitera eman duenez.
Lasterketaren aurtengo berritasun nagusia parte hartzaile kopuruaren murrizketa da; izan ere, 27.000 korrikalari izango da, 30.000 izan beharrean, tren zerbitzuaren murrizketagatik. Horrez gain, ibilbidea apur bat aldatuko dute, Irungo Bentetako lan batzuk direla eta.
Tren bidezko garraioak "funtsezko zeregina" du lasterketaren antolakuntzan, parte hartzaileen erdiak trena erabiltzen baitu irteerara joateko, Euskotren zein Renfe bidez. Aurten, Donostiatik Irunera egiten ari diren abiadura handiko trenaren Loiola eta Kaputxinos tuneletako lanek nabarmen murriztuko du Renferen zerbitzua, eta horrek zuzenean eragingo dio lasterketari, egoerak ez duelako bermatzen garraio erosoa eta segurua izatea.
Egoera horrekin lotuta, lasterketaren hasiera 15 minutu aurreratuko dute, tren zerbitzua handitu ahal izateko. Horrenbestez, 09:15ean abiatuko dira gurpildun aulki eta handbike atletak, 09:20an patinatzaileak eta 09:40an lehen korrikalariak.
Bestalde, eta abiadura handiko trenaren lanen ondorioz, Irungo Bentetako Elizatxo hiribidean ohiko ibilbidean dagoen zubia eraitsi dutenez, lasterketa 220 metro inguru desbideratuko da Letxunborro hiribidetik.
Orain, ibilbideak 20 kilometro eta 220 metro izango ditu. Desbideraketa gutxienez bi urtez egin beharko da, etorkizunean zubia berriz eraikitzea aurreikusi baita, oinezkoentzat bakarrik, eta espero da lasterketa berriz handik pasa ahal izatea.
Zure interesekoa izan daiteke
Berihu Aregawi eta Winfred Yavi gailendu dira Elgoibarko Nazioarteko Krosean
Berihu Aregawi etiopiarrak hirugarren urtez jarraian irabazi du Juan Muguerza Nazioarteko Krosa, Elgoibarren. Emakumezkoen proban, berriz, Winfred Yavi kenyarra izan da onena, eta erakustaldia emanda nagusitu da.
Igandean jokatuko da Juan Mugerza Nazioarteko Krosa, Mintxetako zelaietan
Igande honetan, urtarrilak 18, egingo da Elgoibarko Nazioarteko Krosa. Juan Mugerza Krosaren 82. edizioa Mintxetako zelaietan egingo da, eta bertan izango dira lehen mailako hainbat atleta. Zuzenean jarraitzeko aukera egongo da, igandean, 12:00etatik aurrera, ETB1en.
Martin Iriondo: "Martin Fiz bezalako atleta bati marka hobetzea oso polita da"
Martin Iriondo oriotarrak pista estaliko 5.000 metroko Espainiako errekorra hobetu du hogei urtez azpiko kategorian. Bostongo txapelketan ezarri zuen errekor berria, Martin Fizen marka baino 8 segundu gutxiago: 14:05:96.
Younes Kniya eta Dorcus Chepkwemoi nagusitu dira Amurrioko Nazioarteko Krosean
Amurrioko Nazioarteko Krosaren zazpigarren edizioa lehiatu da gaur. Gizonezkoetan, Younes Kniya nagusitu da (28:27); emakumezkoetan, berriz, Dorcus Chepkwemoi izan da garailea (32:41).
2026ko Gasteizko Maratoi Erdiaren 4.000 dortsalak agortu egin dira
Gasteizko 47. Maratoi Erdian 4.163 lagunek izena eman dute, atleta profesionalak eta federatuen artean; abenduaren 14an bilduko dira Gasteizko kaleetan.
Maite Arraiza eta Thomas Holliday nagusitu dira Donostiako maratoian
Maite Arraiza donostiarra helmugaratu da lehen postuan, 2 ordu eta 45 minutuko denbora eginda, eta Louise Flynn eta Alejandra Sanchez sartu dira jarraian. Gizonezkoetan, Thomas Holliday nagusitu da 2 ordu eta 22 minutuko denborarekin. Aki Nummelak eta Simon Riok lagundu diote podiumean.
Donostiako 46. maratoia aurkeztu dute, historiako jendetsuena
Donostiako udaletxean egin dute aurkezpena. Igande honetan jokatuko dira maratoia eta 10 kilometroko proba ere. Aurten 7.000 korrikalarik parte hartuko dute maratoian, eta, 4.500 korrikalarik, hamar kilometrokoan.
Katherine Tisalemak eta Raul Celadak irabazi dute 2025eko Behobia-Donostia lasterketa
Ia 28.000 atleta atera dira proban, igandean, eta giro ikusgarria izan da. Tisalemak eta Celadak aurreneko aldiz lortu dute garaipena Behobia-Donostian.
Behobia-Donostia 2025: Maratoi erdiaren irudirik ikusgarrienak
Ia 28.000 korrikalarik hartu dute parte Behobia-Donostiaren 60. edizioan. Hona hemen maratoi erdi entzutetsuaren irudi ederrenen bilduma.
Alex Roca: ''Denok merezi dugu ikusgarritasuna''
Garuneko paralisia eta % 76ko desgaitasun fisikoa duen atleta hau da munduan maratoi bat egin duen lehena. Behobia-Donostia egin du gaur, "Corre Amb Mi" elkartearekin batera.