Brea eta Mechaal, kroseko Espainiako txapeldunak
Joselyn Daniely Brea eta Adel Mechaal dira 2023ko kroseko Espainiako Txapeldunak. Ortuellan jokatu da Espainiako Txapelketa igande honetan, urtarrilaren 29an.
Emakumezkoen mailako lasterketan Majida Maayouf izan da irabazlea. Euskal Federazioaren elastikoarekin parte hartu duen arren, Maayoufek Marokoko herritartasuna du, eta, ondorioz, bigarren amaitu duen Brea da Espainiako txapelduna.
Maayouf hasieran jarri da tropelaren buruan, eta bigarren kilometroan aurrera egin du erritmoa bizituta. Inork ezin izan dio haren martxari jarraitu, eta lehena izan da helmuga gurutzatzen, 35 minutu eta 11 segundoko markarekin. Espainiako txapeldunaren titulua, ordea, atzetik sartu direnen artean erabaki da. Azkenean, Joselyn Daniely Brea izan da txapelduna 35 minutu eta 44 segundoko markarekin. Bigarren postua Cristina Ruizentzat izan da, Brearekiko 3 segundora. Podiuma osatu du Irene Sanchez-Escribanok, helmuga hirugarren postuan gurutzatuta, Ruizekiko 6 segundora.
Gizonezkoen mailako lasterketan Thierry Ndikumwenayo izan da onena (30'23"), baina emakumezkoen lasterketan gertatu bezala, Burundikoak ez du Espainiako herritartasuna oraindik, eta Espainiako Txapelketa Adel Mechaalek irabazi du, 30 minutu eta 29 segundoko markarekin.
Mechaalek Ndikumwenayo hartu du erreferentziatzat, eta ia azkenarino eutsi dio. Espainiako Txapelketako bigarren postua Sergio Paniaguarentzat izan da Mechaalekiko 25 segundora. Paniagua baino 4 segundo beranduago helmugaratu den Blanes izan da hirugarren.
Zure interesekoa izan daiteke
Behobia-Donostia lasterketak zozketa baliatuko du, izena emateko modu orokor moduan
Antolatzaileek 30.000 kirolari inguru egoteko asmoa dute 2026ko lehian.
Berihu Aregawi eta Winfred Yavi gailendu dira Elgoibarko Nazioarteko Krosean
Berihu Aregawi etiopiarrak hirugarren urtez jarraian irabazi du Juan Muguerza Nazioarteko Krosa, Elgoibarren. Emakumezkoen proban, berriz, Winfred Yavi kenyarra izan da onena, eta erakustaldia emanda nagusitu da.
Igandean jokatuko da Juan Mugerza Nazioarteko Krosa, Mintxetako zelaietan
Igande honetan, urtarrilak 18, egingo da Elgoibarko Nazioarteko Krosa. Juan Mugerza Krosaren 82. edizioa Mintxetako zelaietan egingo da, eta bertan izango dira lehen mailako hainbat atleta. Zuzenean jarraitzeko aukera egongo da, igandean, 12:00etatik aurrera, ETB1en.
Martin Iriondo: "Martin Fiz bezalako atleta bati marka hobetzea oso polita da"
Martin Iriondo oriotarrak pista estaliko 5.000 metroko Espainiako errekorra hobetu du hogei urtez azpiko kategorian. Bostongo txapelketan ezarri zuen errekor berria, Martin Fizen marka baino 8 segundu gutxiago: 14:05:96.
Younes Kniya eta Dorcus Chepkwemoi nagusitu dira Amurrioko Nazioarteko Krosean
Amurrioko Nazioarteko Krosaren zazpigarren edizioa lehiatu da gaur. Gizonezkoetan, Younes Kniya nagusitu da (28:27); emakumezkoetan, berriz, Dorcus Chepkwemoi izan da garailea (32:41).
2026ko Gasteizko Maratoi Erdiaren 4.000 dortsalak agortu egin dira
Gasteizko 47. Maratoi Erdian 4.163 lagunek izena eman dute, atleta profesionalak eta federatuen artean; abenduaren 14an bilduko dira Gasteizko kaleetan.
Maite Arraiza eta Thomas Holliday nagusitu dira Donostiako maratoian
Maite Arraiza donostiarra helmugaratu da lehen postuan, 2 ordu eta 45 minutuko denbora eginda, eta Louise Flynn eta Alejandra Sanchez sartu dira jarraian. Gizonezkoetan, Thomas Holliday nagusitu da 2 ordu eta 22 minutuko denborarekin. Aki Nummelak eta Simon Riok lagundu diote podiumean.
Donostiako 46. maratoia aurkeztu dute, historiako jendetsuena
Donostiako udaletxean egin dute aurkezpena. Igande honetan jokatuko dira maratoia eta 10 kilometroko proba ere. Aurten 7.000 korrikalarik parte hartuko dute maratoian, eta, 4.500 korrikalarik, hamar kilometrokoan.
Katherine Tisalemak eta Raul Celadak irabazi dute 2025eko Behobia-Donostia lasterketa
Ia 28.000 atleta atera dira proban, igandean, eta giro ikusgarria izan da. Tisalemak eta Celadak aurreneko aldiz lortu dute garaipena Behobia-Donostian.
Behobia-Donostia 2025: Maratoi erdiaren irudirik ikusgarrienak
Ia 28.000 korrikalarik hartu dute parte Behobia-Donostiaren 60. edizioan. Hona hemen maratoi erdi entzutetsuaren irudi ederrenen bilduma.