Nolakoa da 2021eko Behobia-Donostia lasterketako ibilbidea?
25.000 pertsonatik gora bilduko ditu aurtengo Behobia-Donostia lasterketak. Ibilbideak, ohikoa denez, 20 kilometroko luzera izango du. Aurten irteera mailakatua izango da, korrikalariak 19 taldetan banatuz eta bakoitzari ordu bat emanez ibilbidea hasteko. Lehen taldea 09:55ean irtengo da.
Hauek dira 20 kilometro horien xehetasunak:
1. kilometroa: Irteerako zuzengunea Bidasoa ibaiaren ondotik. Guztiz laua, azken metroak izan ezik.
2. kilometroa: Irungo erdialdera helduko gara aldapa leun batetik.
3. kilometroa: Erdialdetik urruntzean, aldapa gogortu egiten da Irungo Bentetarako bidean. Bertan, igoera eta jaitsiera txikiak daude.
4. kilometroa: Arretxe gaina 3,4. kilometroan igaro ostean, aldapa behera goaz, Irun atzean utzita.
5. kilometroa: Aldapa behera jarraitzen dugu. Une aproposa da arnasa lasaitzeko, Gaintxurizketako igoerari heldu aurretik.
6. kilometroa: Gaintxurizketako igoeraren hasiera. Aldapa laburra, baina gogorra errepide nagusira sartzeko.
7. kilometroa: Gaintxurizketako igoeraren zati nagusia (2 kilometroko aldapa %3 ko bataz besteko maldekin).
8. kilometroa: Gaintxurizketa gainera heltzeko azken metroak. Ondoren. 3 kilometroko jaitsiera luzea hasiko da Errenteriarantz.
9. kilometroa: Jaitsieraren zati nagusia (% 3ko bataz besteko aldapa).
10. kilometroa: Aldapa beherak jarraitu egiten du, eta Lintziringo merkatalgunetik igaroko gara, lasterketaren erdialdean.
11. kilometroa: Errenteria kanpoaldeko auzoetara iritsiko gara, oraindik maldan behera goazela. Orduan, ibilbideko gunerik lauenean sartuko gara (2 kilometro).
12. kilometroa: Tarte guztiz laua Errenteriako zumardirako bidean.
13. kilometroa: Errenteria erdialdetik igaro ondoren, Kaputxinoen igoerari ekiteko txanda izango da. Kontuan hartzeko moduko igoera da, laburra den arren (450 metro, % 5eko bataz besteko maldekin).
14. kilometroa: Kaputxinoetako azken metroak (gogorrenak), eta Pasaiarako jaitsiera.
15. kilometroa: Buenavistako igoera eta jaitsiera txikia (Donostiarako sarrera).
16. kilometroa: Altza eta Herrerako auzoetatik zehar Mirakruz gainerantz hurbilduko gara. Igoera prestatzeko kilometroa da.
17. kilometroa: Mirakruzeko igoera (1,5 kilometro, % 3 bataz besteko aldapekin). Kilometro honen bukaeran Donostiarako jaitsiera luzea hasiko da Ategorrieta Hiribidetik.
18. kilometroa: Gros auzorako jaitsiera zuzen eta luzea.
19. kilometroa: Zurriola hondartzarako zuzengunea Nafarroa Hiribidetik, goranzko joera duen tartean.
20. kilometroa: Erabat laua den azken zuzengunea. Zurriola Hiribidea, Kursaal jauregia, Kursaal zubia eta Boulevardeko Zumardia eta helmuga.
(Iturria: Behobia-San Sebastian)
Zure interesekoa izan daiteke
Ander Garaiarrek 20 urtez azpikoen munduko errekorra hautsi du 4x100 errelebo mistoan
Esprinter gipuzkoarrak proba honetan erregistratutako markarik onena lortu du, Madrilgo eta Nafarroako atletez osatutako laukotearekin batera, asteburu honetan Katalunian egindako lehiaketa batean.
Dominic Lobalu eta Asayech Ayichew nagusitu dira Bilboko 10K lasterketan
Larunbat arratsaldean Bilbon jokatu den 10k lasterketan, Dominic Lobalu, Abderrahmane Aferdi eta Ayana Geneti nagusitu dira gizonezkoetan; emakumezkoetan, berriz, Asayech Ayichew, Nigsti Molla Hagos eta Francine Niyomukunzi.
Eneko Carrascal, Markel Fernandez eta Martin Segurola, Espainiako txapeldunak, Valentzian
Jauzi hirukoitzean, 3.000 metroetan eta 400 metroetan gailendu dira, hurrenez hurren.
Ibai Larrea eta Oihana Zubillaga nagusitu dira Arrasate-Udalatx mendi-lasterketan
Gaur goizean, Arrasate-Udalatx mendi-lasterketaren hamargarren edizioa jokatu da, eta, gizonezkoetan, Ibai Larrea antzuolarrak irabazi du, hirugarrenez jarraian; Luis Puigvert kataluniarra izan da bigarren, eta Oier Zubeldia amezketarra, berriz, hirugarren. Emakumezkoetan, Oihana Zubillaga anoetarra izan da azkarrena, eta haren atzetik sailkatu dira Carrodilla Cabestre eta Ainhoa Sanz.
Behobia-Donostia lasterketak zozketa baliatuko du, izena emateko modu orokor moduan
Antolatzaileek 30.000 kirolari inguru egoteko asmoa dute 2026ko lehian.
Berihu Aregawi eta Winfred Yavi gailendu dira Elgoibarko Nazioarteko Krosean
Berihu Aregawi etiopiarrak hirugarren urtez jarraian irabazi du Juan Muguerza Nazioarteko Krosa, Elgoibarren. Emakumezkoen proban, berriz, Winfred Yavi kenyarra izan da onena, eta erakustaldia emanda nagusitu da.
Igandean jokatuko da Juan Mugerza Nazioarteko Krosa, Mintxetako zelaietan
Igande honetan, urtarrilak 18, egingo da Elgoibarko Nazioarteko Krosa. Juan Mugerza Krosaren 82. edizioa Mintxetako zelaietan egingo da, eta bertan izango dira lehen mailako hainbat atleta. Zuzenean jarraitzeko aukera egongo da, igandean, 12:00etatik aurrera, ETB1en.
Martin Iriondo: "Martin Fiz bezalako atleta bati marka hobetzea oso polita da"
Martin Iriondo oriotarrak pista estaliko 5.000 metroko Espainiako errekorra hobetu du hogei urtez azpiko kategorian. Bostongo txapelketan ezarri zuen errekor berria, Martin Fizen marka baino 8 segundu gutxiago: 14:05:96.
Younes Kniya eta Dorcus Chepkwemoi nagusitu dira Amurrioko Nazioarteko Krosean
Amurrioko Nazioarteko Krosaren zazpigarren edizioa lehiatu da gaur. Gizonezkoetan, Younes Kniya nagusitu da (28:27); emakumezkoetan, berriz, Dorcus Chepkwemoi izan da garailea (32:41).
2026ko Gasteizko Maratoi Erdiaren 4.000 dortsalak agortu egin dira
Gasteizko 47. Maratoi Erdian 4.163 lagunek izena eman dute, atleta profesionalak eta federatuen artean; abenduaren 14an bilduko dira Gasteizko kaleetan.