30.000 korrikalarik baino gehiagok hartuko dute parte Behobia-Donostia lasterketan
Behobia-Donostia lasterketak 30.000 parte-hartzaile batuko ditu igande honetan, probaren 54. edizioan. Zehazki esateko, 30.912 korrikalari aterako dira Behobiako irteeratik Donostiako helmugara iristeko asmoz. Nahiz eta lasterketak 2015ean jo zuen goia (urte hartan parte-hartzaileak 34.000 izan baitziren), azken bost urteetan korrikalarien kopurua ez da 30.000tik jaitsi.
Kirol-proba antolatzen duen Fortuna Kirol Elkarteak aurtengo lasterketa aurkeztu du astearte honetan, eta, bertako ordezkariek azpimarratu dutenez, gizonezkoen eta emakumezkoen arteko parekotasunera heltzea dute helburu etorkizunean. Hain zuzen ere, Arantza Rojok azaldu duenaren arabera, 2025 urterako espero dute parte-hartzaileen % 50 emakumezkoak izatea, gora baitoa euren izen-ematea.
Kirol arloari propio dagokionez, eta aurreikuspenak aintzat hartuz gero, 2012an garaile izan zen Jaume Leiva katalana da faborito nagusia gizonezkoen artean. Haren aurkari nagusienetakoa joan zen urtean hirugarren sailkatu zen Iraitz Arrospide izango da. Emakumezkoen kategoriari helduz, Aroa Merino iazko irabazleak Diana Martin izango du aurrez aurre garaipena lortu nahian.
Antolatzaileek baieztatu dutenez, Kathrine Switzer irteeran egongo da. Switzer Bostongo maratoia amaitu zuen lehen emakumea izan zen 1967. urtean, hau da, emakumezkoen presentzia lasterketa popularretan baimenduta ez zegoen garaian.
Horrez gain, 20 urte baino gehiagoz luzera-jauziko munduko markarik onenaren jabe izan zen Bob Beamon jauzilari estatubatuarrak lasterketak antolatzen dituen jarduera paraleloetan parte hartuko du. Baita Niurka Montalvok ere, zeina diziplina berean munduko txapelduna izan zen 1999an.
Bata zein bestea Donostian daude aste honetan zehar, Gipuzkoako hiriburuan asteartetik larunbatera egingo den Nazioarteko Atletismo Film Festibala dela-eta.
Zure interesekoa izan daiteke
2026ko Gasteizko Maratoi Erdiaren 4.000 dortsalak agortu egin dira
Gasteizko 47. Maratoi Erdian 4.163 lagunek izena eman dute, atleta profesionalak eta federatuen artean; abenduaren 14an bilduko dira Gasteizko kaleetan.
Maite Arraiza eta Thomas Holliday nagusitu dira Donostiako maratoian
Maite Arraiza donostiarra helmugaratu da lehen postuan, 2 ordu eta 45 minutuko denbora eginda, eta Louise Flynn eta Alejandra Sanchez sartu dira jarraian. Gizonezkoetan, Thomas Holliday nagusitu da 2 ordu eta 22 minutuko denborarekin. Aki Nummelak eta Simon Riok lagundu diote podiumean.
Donostiako 46. maratoia aurkeztu dute, historiako jendetsuena
Donostiako udaletxean egin dute aurkezpena. Igande honetan jokatuko dira maratoia eta 10 kilometroko proba ere. Aurten 7.000 korrikalarik parte hartuko dute maratoian, eta, 4.500 korrikalarik, hamar kilometrokoan.
Katherine Tisalemak eta Raul Celadak irabazi dute 2025eko Behobia-Donostia lasterketa
Ia 28.000 atleta atera dira proban, igandean, eta giro ikusgarria izan da. Tisalemak eta Celadak aurreneko aldiz lortu dute garaipena Behobia-Donostian.
Behobia-Donostia 2025: Maratoi erdiaren irudirik ikusgarrienak
Ia 28.000 korrikalarik hartu dute parte Behobia-Donostiaren 60. edizioan. Hona hemen maratoi erdi entzutetsuaren irudi ederrenen bilduma.
Alex Roca: ''Denok merezi dugu ikusgarritasuna''
Garuneko paralisia eta % 76ko desgaitasun fisikoa duen atleta hau da munduan maratoi bat egin duen lehena. Behobia-Donostia egin du gaur, "Corre Amb Mi" elkartearekin batera.
Iraitz Arrospide, hirugarren postua lortuta: ''Oso harro nago egin dudan lasterketaz''
"Ziurrenik, Behobia politena, niretzat; sekulako maila zegoen", esan du Iraitz Arrospidek, 60. Behobia-Donostian helmugaratu den lehen euskal atleta izan ostean.
Katherine Tisalema: ''Lasterketa guztia ikusleek lagunduta joan naiz, eta oso polita izan da''
Katherine Tisalemak erakustaldia egin du, Behobia-Donostia ikusgarrian ezustekoa eman eta meritu handiz irabazteko, 1 ordu, 9 minutu eta 34 segundoko marka eginda.
Raul Celada: ''Probako errekorra hautsi nahiko nuke, erronka ona izan liteke''
Raul Celada Leongo atletak ezusteko handia eman du Behobia-Donostia probaren 60. edizioan, helmugara bakar-bakarrik iritsita, 1 ordu, 1 minutu eta 28 segundoko denbora eginda.
Celada eta Tisalema garaile 2025eko Behobia-Donostia lasterketan
Raul Celada nagusitu da gizonezkoen proban, 1 ordu, 1 minutu eta 28 segundoko denbora eginda; emakumezkoenean, aldiz, Katherine Ruth Tisalema izan da azkarrena, 1 ordu, 9 minutu eta 54 segundoko markarekin.