Arraun Lagunakek asteburu bikaina biribildu du, Euskotren Banderan nagusituta
Arraun Lagunakek irabazi du Euskotren Bandera, igande honetan, abuztuaren 6an, eta asteburu bikaina biribildu du Lekeition (Bizkaia) egun bat lehenago ere garaile izan baitzen Hondarribiko Txingudi Banderan. Gainera, Arraunek Euskotren Ligako titulua eskuratzeko aurrerapausoa eman du, 6 puntu ateratzen baitizkio bigarren den Oriori.
Lehen txandan lehiatu dira Tiran (1. kaletik), Hondarribia (2. kaletik), Hibaika (3. kaletik) eta Cabo (4. kaletik). Estreinako luzean Hondarribia izan da azkarrena, baina ziabogan Hibaikari segundo bakarra aterata. Bigarren luzean, aldiz, Hondarribiak aurkariekiko errenta handitu du, eta txandako garaipenak ez dio ihes egin. 12:21.26ko marka egin dute hondarribitarrek. Hibaika izan da lehen txandako bigarrena 15 segundora, Cabo hirugarren 32ra eta Tiran laugarrena 53ra.
Ondoren, bigarren txandan egin dute arraun honako talde hauexek: Orio (1. kaletik), Tolosaldea (2. kaletik), Donostiarra (3. kaletik) eta Arraun Lagunak (4. kaletik). Joaneko luzean lehia estua izan dute Arraun Lagunakek eta Oriok, baina Euskotren Ligako liderrak 3 segundo atera dizkie oriotarrei ziabogan. Tolosaldeak Arraun Lagunakek baino 8 segundo beranduago egin du maniobra, eta Donostiarra garaipena lortzeko lehiatik at geratu da hasiera-hasieratik.
Luze erabakigarrian, bigarrenean, Arraun Lagunakek erritmo bizia ezarri du. Oriok ezin izan dio jarraitu, eta, ondorioz, Donostiako taldeak bereganatu du garaipena 11:45.90eko markarekin. Orio bigarren izan da 10 segundora eta Tolosaldea hirugarren 14ra. Donostiarrak (12:20.52) Oriorekiko 34 segundora amaitu du, eta laugarren izan da estropadan, Hondarribiari segundo bat baino gutxiago aterata.
Hondarribia bera izan da bosgarren, Hibaika (12:36.48) seigarren, Cabo (12:54.92) zazpigarren eta Tiran (13:14.38) zortzigarren.
Hortaz, Euskotren Liga amaitzeko lau jardunaldi falta dira, eta Arraun Lagunak da sailkapen nagusiko liderra 66 punturekin. Orio da bigarren 60 punturekin eta Donostiarra hirugarren 51rekin, Tolosaldea (50) puntu bakarrera duela. Behealdean, aldiz, Hibaika da seigarren 26 punturekin, Cabo (20 puntu) zazpigarren eta Tiran (11 puntu) zortzigarren.
Euskotren Banderako sailkapena:
Zure interesekoa izan daiteke
Etxabe, larunbatean gertatutakoari buruz: “Erabakirik zuzenena hartu zen, han ez zegoen girorik arraunean egiteko"
"Pertsonalki, oso harro nago hartutako erabakiarekin", adierazi du Arraun Lagunaken entrenatzaileak, iragan larunbatean, Donostian, bertan behera utzitako estropadari buruz. "Zigorra etortzen bada ere, harro hartuko dut, oso lasai egin dut lo". San Juanen jarrerari buruz: "Beti dago... Ez dut esango ardi beltz bat... Baina azalpenak eman beharko dituzte".
Xubane Uribarrena: “Talde honek zerbait baldin badauka, hori burua da”
Arraun Lagunakeko arraunlariak Getxoko estropadan bizitakoa azaldu du. Bere taldeak lan ona egin duela uste du eta arraunlarien kontzentrazioa goraipatu du. Atzo Donostian izan zen polemikaz ere hitz egin nahi izan du eta oso argi utzi du bere iritzia.
Itziar Eguren, hunkituta: “Enarek ez diote behin ere hegan egiteari uzten"
Arraun Lagunakek irabazi du Bueuko II. Bandeira, eta Euskotren Ligako lidergoa sendotu du. Denboraldiko zazpigarren garaipen honekin, 'Lugañene' ontziak estropada-eremuko errekor berria ezarri du kronometroa 10:25ean geldituta. Itziar Eguren presidenteak, oso hunkituta, zera adierazi du: “Enarek ez diote behin ere hegan egiteari uzten”.
Itziar Eguren: “Gauzak ondo eginda, ez dago sabairik"
Arraun Lagunakeko presidenteak "batuta" ikusten du bere taldea eta nesken lana goraipatu du. Dena irabazten ari dira eta, ondo lan eginda, ez dagoela "sabairik" nabarmendu du.
Xubane Uribarrena: “Normalean, asko kostatzen zaigu Orion irabaztea"
Xubane Uribarrena Arraun Lagunakeko arraunlariak Orio Kanpina Banderan lortutako garaipenaz hitz egin du. Beti kostatzen zaien estropada dela adierazi du, baina lan ona eginez garaitu dutela.
Arraun Lagunaken estropada Orio Kanpina Banderan, minikameratik ikusita
Donostiako ontziak Euskotren Ligako bosgarren jardunaldian irabazitako estropada, ontzi barruko minikameratik ikusita.
Nagore Osoro: “Gauza asko entzuten dira, eta garaipenarekin lasaiago egingo dugu lo"
Arran Lagunakeko patroia pozik agertu da Castroko CaixaBank Bandera irabazi ondoren. Itsaso zakarrarekin, estropada ona egin dutela adierazi du, eta ez dutela "errekan bakarrik" arraun egiten erakutsi dutela.
Arraun Lagunaken azken metroak Petronor Banderan, ontzi barrutik ikusita
Arraun Lagunak taldeak hirugarren garaipena lortu du jarraian Euskotren Ligako lehenengo jardunaldietan. Hauek dira Petronor Banderaren azken metroak, Donostiako ontzi barruko minikameratik ikusita.
Amaia Eguren: “Nire estrenoa izan da Euskotren Ligan eta kriston 'subidoiakin' nago"
Arraun Lagunakek sendo jarraitzen du Euskotren Ligako lidergoan denboraldiko aurreneko hiru estropadak irabazita.
Arraun Lagunaken azken metroak Bilboko Banderan
Arraun Lagunak nagusi izan da Bilboko Banderan ere, 2026ko Euskotren Ligako bigarren bandera bereganatuz. 6 segundoko aldea atera dio helmugan Tolosaldeari, eta 10 segundokoa Hibaikari. Ikusi hemen nolakoak izan diren Lugañenekoen azken metroak.