Arraun Lagunakek asteburu bikaina biribildu du, Euskotren Banderan nagusituta
Arraun Lagunakek irabazi du Euskotren Bandera, igande honetan, abuztuaren 6an, eta asteburu bikaina biribildu du Lekeition (Bizkaia) egun bat lehenago ere garaile izan baitzen Hondarribiko Txingudi Banderan. Gainera, Arraunek Euskotren Ligako titulua eskuratzeko aurrerapausoa eman du, 6 puntu ateratzen baitizkio bigarren den Oriori.
Lehen txandan lehiatu dira Tiran (1. kaletik), Hondarribia (2. kaletik), Hibaika (3. kaletik) eta Cabo (4. kaletik). Estreinako luzean Hondarribia izan da azkarrena, baina ziabogan Hibaikari segundo bakarra aterata. Bigarren luzean, aldiz, Hondarribiak aurkariekiko errenta handitu du, eta txandako garaipenak ez dio ihes egin. 12:21.26ko marka egin dute hondarribitarrek. Hibaika izan da lehen txandako bigarrena 15 segundora, Cabo hirugarren 32ra eta Tiran laugarrena 53ra.
Ondoren, bigarren txandan egin dute arraun honako talde hauexek: Orio (1. kaletik), Tolosaldea (2. kaletik), Donostiarra (3. kaletik) eta Arraun Lagunak (4. kaletik). Joaneko luzean lehia estua izan dute Arraun Lagunakek eta Oriok, baina Euskotren Ligako liderrak 3 segundo atera dizkie oriotarrei ziabogan. Tolosaldeak Arraun Lagunakek baino 8 segundo beranduago egin du maniobra, eta Donostiarra garaipena lortzeko lehiatik at geratu da hasiera-hasieratik.
Luze erabakigarrian, bigarrenean, Arraun Lagunakek erritmo bizia ezarri du. Oriok ezin izan dio jarraitu, eta, ondorioz, Donostiako taldeak bereganatu du garaipena 11:45.90eko markarekin. Orio bigarren izan da 10 segundora eta Tolosaldea hirugarren 14ra. Donostiarrak (12:20.52) Oriorekiko 34 segundora amaitu du, eta laugarren izan da estropadan, Hondarribiari segundo bat baino gutxiago aterata.
Hondarribia bera izan da bosgarren, Hibaika (12:36.48) seigarren, Cabo (12:54.92) zazpigarren eta Tiran (13:14.38) zortzigarren.
Hortaz, Euskotren Liga amaitzeko lau jardunaldi falta dira, eta Arraun Lagunak da sailkapen nagusiko liderra 66 punturekin. Orio da bigarren 60 punturekin eta Donostiarra hirugarren 51rekin, Tolosaldea (50) puntu bakarrera duela. Behealdean, aldiz, Hibaika da seigarren 26 punturekin, Cabo (20 puntu) zazpigarren eta Tiran (11 puntu) zortzigarren.
Euskotren Banderako sailkapena:
Zure interesekoa izan daiteke
Xubane Uribarrena: “Atera dugun emaitza txukunetik gorakoa da”
Kontxako Banderaren lehen jardunaldian, emakumezkoen estropadan, ez da ezustekorik izan: Arraun Lagunak izan da onena, eta bideratuta utzi du bandera preziatua bereganatzeko lehia. Tolosaldea (+9), berriz, bigarren izan da, eta datorren igandeko jardunaldi erabakigarrian Euskotren Ligako txapeldunari garaipena garesti saltzen saiatuko da.
Itziar Eguren: “Kirikoren marka berdintzen saiatuko gara; gera dadila beste Kontxa bat Donostian”
Arraun Lagunakek bosgarrenez irabazi du Liga, laugarrena jarraian. 15 bandera lortuta, garaitezinak dira. Itziar Eguren Arraun Lagunaken presidenteak azaldu du orain Kontxaren bila joango direla.
Donostiak Euskotren Ligako titulua ospatu du Arraun Lagunakekin
Gipuzkoako hiriburuko kluba ezin hobeto aritu da 2026ko Euskotren Ligan: jokatu diren bandera guztiak irabazi ditu, 15, eta txapelketan izandako 16 jardunaldietan gailendu da. Udalbatzak Donostiako Udal Liburutegi Nagusian egin dio harrera igande arratsaldean.
Nagore Osoro: “Etxekoek badakite benetan zenbat kostatzen den"
Nagore Osoro Arraun Lagunakeko patroiak bere inguruko jendeari eskaini dio garaipena.
Amaia Eguren: “Estropada guztiak irabaztea historikoa da”
Donostia Arraun Lagunakeko kidea oso kontentu dago lortu duten errekorrarekin.
Horrela jaso du Arraun Lagunakek Euskotren Ligako garaikurra!
Lugañene ontziko arraunlariek Euskotren Ligan jokatutako bandera eta estropada guztiak irabazi dituzte.
Mar Larrea: “Goazen Kontxaren bila!"
Arraun Lagunakek historia egin du Euskotren Liga irabazita, jokatutako estropada guztietan gailenduta. Donostiarrak oso nagusi izan dira eta pozarren agertu dira Zarauzko bigarren jardunaldiaren amaieran. Liga amaituta, Kontxa da orain helburu nagusia.
Nagore Osoro: “Gaur behintzat emozio pixka bat egon da"
Arraun Lagunakek denborarik onena egin du Zarauzko Ikurrinako lehenengo jardunaldian, San Juanekin lehia estua izan ostean.
Talde giroa eta prestaketa, Arraun Lagunaken bost liga garaipenen gakoak
Ane Sanchez, Aiora Belartieta, Lorea Etxabe, Mar Larrea eta Xubane Uribarrena lekuko izan dira Aurraun Lagunakek irabazitako bost ligetan. Garaipen guzti horien gakoa “talde giro ona” dela adierazi dute, baita prestaketa mental eta fisikoa ere, besteak beste.
Arraun Lagunaken azken metroak Getariako estropadan
Ikusi berriro nolakoak izan diren Arraun Lagunaken azken metroak Euskotren Ligako Getariako estropadan, ontzi barruko kameratik ikusita.