Suitzak bereganatu du urrea txandakako erlojupeko mistoan, Italiaren eta Australiaren aurretik
Australiako Wollongong hirian jokatzen ari diren Errepideko Munduko Txirrindularitza Txapelketan txandakako erlojupeko mistoetako proba lehiatu da asteazken honetan, eta bertan Suitzako selekzioa nagusitu da, Stefan Kung eta Marlen Reusser txirrindulariak buru zituela. Izan ere, aipatu txirrindulariek zilarrezko eta brontzezko dominak eskuratu zituzten igandean, gizonezkoen eta emakumezkoen banakako erlojupekoetan, hurrenez hurren.
Faboritoen artean zegoen Herbehereetako selekzioak, binaka egin behar izan du lasterketa, eta ez hiruko multzoka. Izan ere, gizonezkoetan, Bauke Mollemak matxura bat izan du ibilbidea hasi eta gutxira, eta, emakumezkoetan, Annemiek van Vleuten erori egin da bere jarduna hasi eta metro batzuetara, bizikletako aurreko gurpilak "eztanda" egin ostean, txirrindulariak berak adierazi duenez . Ezbehar horrek zalantzan jartzen du Movistarreko txirrindulariaren egoera fisikoa larunbateko errepideko probari begira.
Gizonezkoen sektorean lortutako abantailari esker gailendu zaio Suitza Italiari, tarte horretan 10 segundo aurretik amaitu baitute. Italiako emakumezkoek gora egin dute bigarren zatian, baina suitzarrek, Reusser izan ez arren azken zatian, eutsi egin diote, eta 33 minutu 47 segundoko denborarekin bete dute 28,2 kilometroko ibilbidea, italiarrek baino 3 segundo azkarrago.
Brontzea Australiarentzat izan zen. Etxeko taldeak herbeheretarren zorigaitza eta Danimarkak eta Frantziak bigarren zatian egindako lan eskasa baliatu du, Alemania 8 segundogatik gainditzeko (Australia: 34:25; Alemania: 34:33), proba osoan zehar izan duten lehia parekatuan.
Lourdes Oyarbide, Idoia Eraso, Sandra Alonso, Oier Lazkano, Raúl García Pierna eta Iván Romeok osatutako Espainiako selekzioa, bere aldetik, hamargarren izan da, garaileengandik 2:43.99ra, Poloniaren atzetik eta Austriaren aurretik (guztira 16 selekzio izan dira lehian).
Suitzako selekzioak honako txirrindulari hauekin jardun du: Stefan Kung, Stefan Bissegger, Mauro Schmid, Marlen Reusser, Elise Chabbey eta Nicole Koller.
Zilarra eskuratu duen Italiako ordezkariak Filippo Ganna, Edoardo Affini, Matteo Sobrero, Elisa Longo Borghini, Elena Cecchini eta Vittoria Guazzini izan dira.
Azkenik, brontzezko domina irabazi duen Australia Michael Matthews, Lucas Plapp, Luke Durbridge, Geogia Baker, Alexandra Manly eta Sarah Royrekin aritu da.
SAILKAPEN NAGUSIA:
1 - Suitza 33:47
2 - Italia 33:50 (+0:03)
3 - Australia 34:25 (+0:38)
4 - Alemania 34:33 (+0:46)
5 - Herbehereak 34:39 (+0:52)
6 - Danimarka 34:45 (+0:58)
7 - Frantzia 34:45 (+0:58)
8 - Belgika 35:36 (+1:49)
9 - Polonia 35:38 (+1:51)
10 - Espainia 36:31 (+2:44)
11 - Austria 37:17 (+3:30)
12 - Ukraina 38:38 (+4:51)
13 - WCC Team 38:46 (+4:59)
14 - Tahiti 40:50 (+7:03)
15 - Kaledonia 42:08 (+8:21)
16 - Samoa 51:45 (+17:58)
Zure interesekoa izan daiteke
Jonas Vingegaardek Paris-Niza lasterketan eginen du 2026ko debuta, osasuneko gorabeheren ondoren sasoiz dagoela
Lasterketa kirolakeitb.eus eta ETB1en bitartez zuzenean emanen da, eta martxoaren 8tik 15era lehiatuko da.
Isaac Del Torok irabazi du Arabiar Emirerri Batuetako Tourra
Txirrindulari mexikarrak larunbatean lortutako lidergoa mantendu du denboraldiko lehen garaipena lortzeko. Bestalde, Ivan Romeok irabazi du Andaluziako Itzulia, eta Juan Ayusok, Algarveko Itzulia.
Garaipena eta lidergoa Del Tororentzat UAE Tourreko seigarren etapan
Andaluziako Itzuliko 4. etapa ere korritu da, Tom Crabbe belgikarrak garaitu duena, eta Algarveko Itzuliko 4. etapa, berriz, Magnierrek irabazi du, eta Ayusok jarraitzen du lider.
Jonathan Milan nagusitu da berriro, eta Tiberik lider jarraitzen du UAE Tourreko bosgarren etaparen ostean
Laugarren etapa irabazi eta hurrengo egunean, Milanek besoak altxatu ditu berriro. Bestalde, Milan Fretin belgikarrak eskuratu du Andaluziako Itzuliko hirugarren etapa, eta Filippo Ganna nagusitu da erlojuaren kontrakoan Algarveko Itzuliko hirugarren etapan.
Jonathan Milan nagusitu da UAE Tourreko 4. etapan, eta Tiberik maillot gorriari eutsi dio
Amaiera agonikoan, tropelak eguneko ihesaldia helmugatik 200 metrora behera bota du, eta txirrindulari italiarrak bere potentzia izugarria inposatu du.
Tiberik Jebel Mobrah mendatean garaipena lortu du, eta lidergoa kendu dio Evenepoeli
Italiarra indartsuena izan da faboritoen artean, bakarrik helmugaratu baita World Tour lasterketa batean bere lehen garaipen erdietsiz. Gainera, maillot gorria jantzi du. Del Toro bigarren izan da; Evenepoelek, aldiz, denbora asko galdu du.
Euskaltel-Euskadi, Caja Rural-Seguros RGA eta Kern Pharma 2026ko Andaluziako Itzulian egonen dira asteazken honetatik aurrera
Lasterketaren 72. ekitaldia hurrengo igandean amaituko da, hilaren 22an, bost etapa jokatu ostean. Hiru euskal taldeez gain, antolatzaileek iragarri dute Jon Barrenetxea (Movistar) eta Alex Aranburu eta Jon Izagirre (Cofidis) txirrindulariek parte hartuko dutela.
Evenepoel nagusi izan da erlojupekoan, UAE Tourreko liderra da, eta Del Toro sailkapenean urrundu du
Ez da ezustekorako tarterik egon, eta Evenepoelek ziztuan egin du gizon azkarrentzako ibilbidean. Erlojupeko munduko txapeldun hirukoitza eta txapeldun olinpikoa ezin hobeto egokitu da ibilbide horretara.
Tim Wellens, jaun eta jabe olibondo artean
Flandiarrak, bere bosgarren parte-hartzean, Urrezko Oliba irabazi du Paraiso Interior klasikoan, Jaenen (Andaluzia). Bere ihesaldiak alferrikakoa egin ditu atzetik zetozen aurkarien saiakerak, tartean faboritoetako batena, Tom Pidcockena, bigarren sailkatu da eta.
Van Gilsen eroriko izugarria, Jaengo klasikoaren helmugako zuzengunean
Red Bull Bora taldeko txirrindulari belgikarrak erorikoa izan du helmugatik 50 metro eskasera. Jan Christen UAEko suitzarra lasterketatik kanporatu dute bere maniobragatik.