Mikel Landa izango da Soudal Quick-Step taldearen liderra Itzulian
Kevin Hulsmans Soudal Quick-Step taldeko kirol zuzendariak adierazi duenez, "etxean korritzeak aparteko motibazioa" emango dio txirrindulari arabarrari.
Mikel Landa izango da Soudal Quick-Step taldeko liderra astelehenean, apirilaren 6an, Bilbon hasi eta larunbatean, apirilaren 11n, Bergaran amaituko den Itzulian.
Arabako txirrindulariak podiumeko bigarren tokian bukatu zituen 2018ko eta 2023ko edizioak. Aurtengoan, faboritoen artean egotea eta sailkapen nagusia lehiatzea izango du helburu.
"Etxean korritzeak aparteko motibazioa emango dio Mikel Landari", esan die Kevin Hulsmans Soudal Quick-Step taldeko kirol zuzendariak Itzuliaren antolatzaileei egindako adierazpenetan.
Landak sei taldekide izango ditu ondoan: Ayco Bastiaens, Steff Cras, Illan Van Wilder eta Mauri Vansevenant belgikarrak; Ethan Hayter Erresuma Batuko erlojupeko txapelduna; eta Martin Svrcek eslovakiarra.
Zure interesekoa izan daiteke
Itzulia, hastear! Zenbat pisatzen du bizikleta batek? Zenbat balio du guztira?
2026ko Euskal Herriko Itzulia astelehenean hasiko da, Bilbon. Xabier Usabiagak, bideo honetan, azaldu digu zenbat pisatzen duen eta zenbat balio duen lasterketan izango diren txirrindulariek erabiliko dituzten bizikletek.
2026ko Euskal Herriko Itzulia: txirrindularien behin-behineko zerrenda
Joao Almeida iazko irabazlea ez da Itzuliaren 65. ekitaldian izango. Aurten, Isaac del Toro, Juan Ayuso, Primoz Roglic, Mikel Landa, Pello Bilbao edo Ion Izagirre dira, besteak beste, txapela bereganatzeko faborito nagusiak.
Roglic, Ayuso, Del Toro, Aranburu, Landa, Pello Bilbao eta Izagirre 2026ko Euskal Herriko Itzulian izango dira
Lasterketak 65. ekitaldia izango du jokoan, apirilaren 6tik 11ra bitartean; ostegunean aurkeztu dute, ofizialki. Sei etapa izango dira ibilbidean, eta, guztira, txirrindulariek 29 mendate puntuagarri igo beharko dituzte.
Itzuliak denbora-sari moduan segundo gehiago izango ditu jokoan lineako etapetan
Red Bull Kilometroak sei, lau eta bi segundo eskainiko dizkie jardunaldi bakoitzean bere pankartaren azpitik gurutzatzen duten lehen hiru txirrindulariei. Beste esprint bereziak hiru, bi eta segundo bat emango ditu, eta helmugak hamar, sei eta lau.
2026ko Euskal Herriko Itzuliko 6. etaparen profila eta ibilbidea: Goizper-Antzuola—Bergara (135,4 km)
“Azken etapa ez da tramite hutsa izango”, ohartarazi dute Itzuliaren antolatzaileek, lehiako seigarren eta azken egunak zer ekarri ahal duen aztertuta. Asentzio, Elosua eta Azkarate bina aldiz igoko dituzte, eta, guztira, hiru igoera 2. mailakoak izango dira: “Sailkapen nagusia estu-estu egotekotan”, adierazi du Itzuliak, “etengabeko markaketak izango dira; urrundik azkeneko erasoa jotzeko aukera balia lezake baten batek, halaber”.
2026ko Euskal Herriko Itzuliko 5. etaparen profila eta ibilbidea: Eibar-Eibar (176,2 km)
Eibarrekoa, ziurrenik, aurtengo Euskal Herriko Itzuliko etapa nagusia da. Luzeena da, eta, ibilbidean, zortzi mendate ditu; horietako hiru, hain zuzen Azurki, Krabeliñaitz eta Izua, 1. mailakoak dira. “Aurreikuspena da faborito nagusien arteko erasoak izatea; kontuan izateko moduko aldeak markatzeko aukera dago, eta azken emaitza, hein handi batean, zehaztuta gera liteke”, diote lasterketaren antolatzaileek.
2026ko Euskal Herriko Itzuliko 4. etaparen profila eta ibilbidea: Galdakao-Galdakao (167,2 km)
Txirrindulariek zazpi igoera puntuagarri igo beharko dituzte, 65. Itzuliko laugarren jardunaldian; mendateetako bat, azkena hain zuzen ere, Legina, helmugarako hamar kilometro baino gutxiago geldituko direnean utziko dute atzean, eta gogorra da, batez beste % 8ko malda duela kontuan izanik.
2026ko Euskal Herriko Itzuliko 3. etaparen profila eta ibilbidea: Basauri-Basauri (152,8 km)
65. Euskal Herriko Itzuliko hirugarren egunean, txirrindulariek hiru mendate puntuagarri igo beharko dituzte, 2. mailako bi eta 3. mailako bat; antolatzaileen ustez, jardunaldi horretan, “baliteke urrunetik egindako erasoak izatea, sailkapen nagusia estu-estu izanez gero”.
Agirre, Alustiza, Bizkarra, Juaristi, Lastra, Martin eta Mintegi, Euskaltel Euskadiko txirrindulariak Itzulian
Lasterketa apirilaren 6an hasiko da, Bilbon, eta 6 etapa izango ditu. Azken jardunaldia, apirilaren 11n, larunbatez, Antzuola eta Bergara artean jokatuko da.