WorldTourreko 16 talde eta Euskaltel-Euskadi, Caja Rural-Seguros RGA eta Kern Pharma, 2026ko Euskal Herriko Itzulian
Lasterketaren 65. ekitaldian zein talde arituko diren iragarri dute antolatzaileek; hala, aurtengo Itzulian UCI WorldTeam mailako talde guztiak izan dira, Jayco-AlUla eta NSN Cycling Team izan ezik.
UCI WorldTeam mailako 16 talde, alegia, maila horretako guztiak Jayco-AlUla eta NSN Cycling Team izan ezik, eta antolatzaileek gonbidatutako UCI ProTeam mailako beste sei, tartean Euskaltel-Euskadi, Caja Rural-Seguros RGA eta Kern Pharma, 2026ko Euskal Herriko Itzulian izango dira, ostegunean antolatzaileek iragarri dutenez.
Testuinguru horretan, iturri horren beraren arabera, Jayco-AlUlak eta NSN Cycling Teamek jakinarazi dute es dutela parte hartuko: “Bi taldeek ziurtatuta zuten plaza, WorldTourreko kideak izateagatik, baina, UCI Txirrindularitzaren Nazioarteko Batasunaren arau baten ondorioz, WorldTour taldeek zenbait baldintzaren pean egutegiko probetarako gonbidapenari uko egiteko aukera dutenez, kategoria goreneko proba honetan izena ez ematea erabaki dute”, azaldu du Itzuliak. Arau hori, hain zuzen ere, “UCIk egutegiari eta talde profesionalen partaidetza-betebeharrei buruz dauzkan xedapenen barruan dago”.
Ondorioz, WorldTourreko 16 talde hauek izango dira 2026ko Euskal Herriko Itzulian, apirilaren 6tik 11ra bitartean:
UAE Team Emirates
Movistar Team
Soudal Quick-Step
Red Bull-BORA-hansgrohe
Lidl-Trek
Decathlon CMA CGM Team
Lotto-Intermarche
Uno-X Mobility
Bahrain-Victorious
EF Education-EasyPost
Groupama-FDJ
XDS Astana Team
Ineos Grenadiers
Alpecin-Premier Tech
Team Picnic PostNL
Visma-Lease a Bike
Bilboko irteeran izango diren UCI ProTeam mailako taldeak hauek dira:
Euskaltel-Euskadi
Caja Rural-Seguros RGA
Equipo Kern Pharma
Burgos Burpellet BH
Cofidis
Tudor Pro Cycling Team
Zure interesekoa izan daiteke
2026ko Itzuliaren ibilbide ofiziala aurkeztu dute
Lasterketa apirilaren 6tik 11ra bitartean lehiatuko da, eta Bilbon hasiko da, erlojupeko batekin.
Itzulia Bilbon hasiko da
2026ko Itzulia Bilbon hasiko da, apirilaren 6an. Txirrindulariek 14 kilometroko erlojupekoa egin beharko dute Bizkaiko hiriburuan.
Bilbon abiatuko da 2026ko Itzulia, erlojupeko etapa batekin
Apirilaren 6tik 11ra izango da aurtengo edizioa, Bizkaiko hiriburuan 14 kilometroko erlojupeko batekin hasita.
2026ko Itzuliko etapa bat Basaurin hasi eta amaituko da
Basauriko Udalak eta OCETAk hitzarmena sinatu dute, udalerria hurrengo edizioko etapa bateko egoitza izan dadin.
Galdakao 2026ko Itzuliko etapa baten irteera eta helmuga izango da
Galdakaoko Udalak eta OCETAk udalerria hurrengo edizioaren ibilbidean sartzen duen akordioa sinatu dute.
Euskal Herriko Itzuliko palmaresa eta ohorezko postuak
Lasterketako irabazle guztien zerrenda, 1924tik 2024ra. Alberto Contador eta Jose Antonio Gonzalez Linares dira Itzuli gehien irabazi dituzten txirrindulariak (4). Euskal ordezkariei dagokienez, Julian Gorospek bi garaipen ditu.
Ezin hobea izan da Joao Almeidaren lehen partaidetza Itzulian
Joao Almeida (UAE) txirrindulari portugaldarrak lehen aldiz lehiatu du Euskal Herriko Itzulia, eta txapela jantzita amaitu du podiumean. Hauek izan dira bere unerik onenak gure lasterketan.
Almeida: ''Egia esan, primeran egin dugu''
Joao Almeida (UAE Emirates) portugaldarrak irabazi du larunbat honetan 2025eko Itzulia Basque Country lasterketa, Eibarren hasi eta amaitu den seigarren eta azken etapa irabazita (adierazpenak gaztelaniaz).
Almeida: ''Oso pozik, ez naiz ondo sentitu, baina dena emanda irabaztea lortu dut'''
Joao Almeidak irabazi du 2025eko Itzuliko 4. etapa eta bera da lasterketako lider berria. Garaipena bereganatu ostean EITB Mediarekin hitz egin du Portugalgo txirrindulariak. (adierazpenak gaztelaniaz)