Irabazi Itzuliko etapa bakoitzean maillot eta kulot bana, Instagrameko gure profilean

EITBk, ohi bezala, maillot bat eta kulot bat zozkatuko ditu 2025eko Euskal Herriko etapa bakoitzean, lasterketako egun bakoitzean egingo dugun galderari erantzun zuzena ematen diotenen artean. Lehiaketa EITB Kirolakek Instagramen duen profilean egingo dugu, alegia, @kirolak_eitb izenekoan; hala, lehiaketako parte-hartzaileek profil horretan erantzun beharko diote etapa bakoitzean egingo dugun galderari.

Galderek hiruna aukera izango dituzte, eta parte-hartzaileek bat aukeratu beharko dute, euren ustez zuzena. Irabazleak EITBren maillot bat eta kulot bat eskuratuko ditu, Etxeondo etxekoak.

Gozatu txirrindularitza onenaz! Zorte ona izan!