Alaphilippe aise nagusitu da esprintean eta bigarren etapa bereganatu du
Julian Alaphilippek (Quick Step- Alpha Vinyl) irabazi du Euskal Herriko Itzuliko bigarren etapa, Leitza eta Viana artean egin dena, eta 207,6 kilometroko ibilbidea izan duena. Primoz Roglicek (Jmbo Visma) jarraitzen du sailkapen nagusiko lehen postuan.
Etapa hasi eta ia jarraian sortu da eguneko ihesaldia. Lau euskal txirrindulari ibili dira lasterketaren buruan: Okamika (Burgos-BH), Amezqueta (Caja Rural – Seguros RGA), Azurmendi (Euskaltel Euskadi) eta Ibon Ruiz (Kern Pharma). Azurmendirentzat etapa berezia izan da, Leitzan hasi delako, eta bera bertakoa baita. Bost minutu baino gehiagoko abantaila izan dute, eta tropelarekiko bi minutuko errentarekin iritsi dira azken 15 kilometroetara.
Etapa amaitzeko 12 kilometro falta zirenean erasoa jo du Ibon Ruizek eta abantaila hartu du ihesaldian kide izan dituen beste hiru txirrindulariekiko. Amezqueta, Azurmendi eta Okamika ez dira gai izan Ruizen erritmoa jarraitzeko. Tropelak erritmoa bizitu du azken zortzi kilometroetan, eta lasterketa buruarekiko desabantaila murrizten hasi da. Etapa amaitzeko bi kilometro falta zirenean harrapatu ditu tropelak Amezqueta, Azurmendi eta Okamika; 500 metro falta zirenean, aldiz, amaitu da Ibon Ruizen saiakera.
Esprintean erabaki da garaipena, eta Alaphilippe aise nagusitu da. Fabien Doubey (TotalEnergies) izan da bigarren, eta Quinten Hermans (Intermarche - Wanty - Gobert Materiaux) hirugarren.
Sailkapen nagusian, Primoz Roglic da liderra. Esloveniarrak bost segundo ateratzen dizkio Remco Evenepoeli (Quick Step- Alpha Vinyl) eta 16 segundo Remi Cavagnari (Quick Step- Alpha Vinyl).
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.