Alaphilippe, lehen etapako irabazlea eta lehen liderra
Julian Alaphilippek (Quick Step Floors) irabazi du Euskal Herriko Itzuliaren lehen etapa eta bera da lasterketako lehen liderra. Mikel Landak (Movistar) eta Ion Izagirrek (Bahrain Merida) denbora galdu dute Zarautzen hasi eta amaitu den, 162 kilometroko ibilbidea izan duen lehen etapan.
Eguneko ihesaldia hasierako kilometroetn sortu da, eta Ibai Salas (Burgos BH), Jonathan Lastra (Caja Rural-Seguros RGA), Aitor Gonzalez (Euskadi Basque Country-Murias) eta Amanuel Ghebreigzabhier (Team Dimension Data) txirrindulariek osatu dute. Ihesaldiko kideek 4 minutuko abantila izan dute tropelarekiko, baina Movistar lanean ibili da tropelaren buruan eta kontrolpean izan ditu, abantaila handiegia hartzen utzi gabe.
Helmugarako 70 kilometro falta zirenean, Dario Cataldo (Astana) eta Thomas De Gent (Team Dimension Data) gehitu zaizkie lasterketaren buruan joan diren lau txirrindulariei. De Gentek eta Cataldok abiadura eman diote ihesladiari eta Ibai Salas ihesalditik at geratu da, helmugarako 58 kilometro falta zirenean.
Tropelaren buruan ibili den Movistar taldeak ihesaldia behera bota du helmugarako 28 kilometro falta izan direnean. Bat eginda joan da tropela Elkanoko azken igoerara arte. Hortxe jo du erasoa Primoz Roglicek (Lotto NL-Jumbo) eta lasterketa hautsi du. Julian Alaphilippek (Quick Step Floors) eta Nairo Quintanak (Movistar) jarraitu diote, baina igoerako azken txanpan atzean geratu da kolonbiarra eta lasterketaren buruan geratu dira Roglic eta Alaphilippe. Mikel Landa (Movistar) eta Ion Izagirre (Bahrain Merida) ez dira gai izan Roglicen erasoari erantzuteko eta atzeko multzoan geratu dira.
Azken kilometroetara ihes eginda iritsi dira Roglic eta Alaphilippe eta esprintean jokatu dute garaipena. Julian Alaphilippe nagusitu da azken metroetan eta liderraren elastikoa jantzi du. Roglic bigarren izan da, eta 23 segundora sartu da tropeltxoa Nairo Quintana, Mikel Landa eta Romain Bardet bertan izan direlarik. Bahrain Meridako Ion Izagirrek eta Vincenzo Nibalik denbora galdu dute, irabazlearengandik 50 segundora helmugaratu baitira, faboritoen tropeltxotik 29 segundora.
Sailkapen nagusian, Alaphilippe da liderra eta 4 segundoko abantaila ateratzen dio bigarren den Primoz Roglici, bonifikazioen kontua dela eta. Mikel Landa liderrarengandik 33 segundora dago, 14. postuan. Ion Izagirre, 1'01"era.
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.