Itzulia hasteko prest da, nazioarteko tropeleko izar handiekin
Mikel Landa, Nairo Quintana, Vincenzo Nibali, Rigoberto Uran, Romain Bardet eta Richie Porte dira, besteak beste, aurtengo Itzulian garaipena lortzeko lehiatuko diren txirrindulariak. Lasterketa astelehenean hasi eta larunbatean amaituko da.
Urtero legez, UCI World Tourreko lasterketak goi-mailako partaidetza du, eta ibilbide bihurria; tartean erlojuaren kontrako etapa erabakigarria eta Arraterako ohiko igoera. Aurten, gainera, igoera horrek erabakiko du lasterketa, azken jardunaldian jokatuko baita.
Iazko ediziora arte, azken eguneko erlojupekoak erabakitzen zuen irabazlea. Aurten ere erlojupekoak zeresan handia izango du sailkapen nagusian. 19,4 kilometro izango ditu, Lodosan hasi eta amaituta, eta bertan ematen diren diferentziak kontuan edukitzekoak izango dira.
Aurreikuspenen arabera, Primoz Roglicek, Richie Portek eta Ion Izagirrek aukera ederra izango dute erlojupeko horretan.
Ibilbidea eta taldeak
Ibilbidean 22 mendate daude, lehen mailako lau, eta txirrindulariek guztira 805 kilometro egingo dituzte guztira.
Tropela 22 taldek osatuko dute, 18 UCI World Tourrekoak, eta horiez gain Caja Rural, Burgos BH, Euskadi-Murias eta Cofidis.
Denbora-sariak
Aurtengo berriztapenen artean denbora-sariena dago, lehen aldiz emango baitira eta lasterketan eragina izango dute. Helmugaratzen diren lehen hiru txirrindulariek 10, 6 eta 4 segundoko denbora-sariak izango dituzte, erlojupekoaren egunean izan ezik, eta tarteko esprintetan, 3, 2 eta 1 segundokoa.
Ibilbidea:
1. etapa Zarautz-Zarautz (162,1 km.)
2. etapa Zarautz-Bermeo (152,7 km.)
3. etapa Bermeo-Gaubea (184,8)
4. etapa Lodosa-Lodosa (Banakako erlojupekoa, 19,4 km.)
5. etapa Gasteiz-Eibar (164,7 km.)
6. etapa Eibar-Arrate (122,2 km.)
Taldeak eta izen nagusiak:
Movistar: Landa, Quintana, Betancur, De la Parte
AG2R La Mondiale: Bardet, Latour, Vuillermoz
Astana: Bilbao, Fraile, Cataldo
Bahrain: Nibali, Ion Izagirre, Gorka Izagirre
BMC: Porte, Van Garderen, Gerrans,
Bora-Hansgrohe: Konig, Buchmann, McCarthy
Burgos-BH: Simón, Salas
Caja Rural: Pardilla, Amezketa,Lastra
Cofidis: Jesús Herrada, José Herrada, Dani Navarro
Euskadi-Murias: Prades, Barthe, Sanz
Groupama-FDJ: Molard
Lotto-Soudal: Monfort, Vanendert
Mitchelton-Scott: Adam Yates, Nieve, Verona
Quick-Step: Alaphilippe, Enric Mas
Dimension Data: Antón, Cummings, Slagter
EF Education First: Urán, Dani Moreno
Katusha Alpecin: Zakarin, Kiserlovski, Spilak
Lotto NL-Jumbo: Roglic, Martens
Sky: Kwiatkowski, Castroviejo, De la Cruz, Kiryienka
Sunweb: Matthews, Ten Dam
Trek-Segafredo: Mollema, Irizar, Stetina
UAE Emirates: Rui Costa, Atapuma, Polanc.
Zure interesekoa izan daiteke
Euskal txirrindulariak, protagonistak etxean
Itzuliak Paul Seixasen garaipen eztabaidaezina utzi du, eta baita azpimarratzeko moduko beste irudi eta protagonista asko ere; euskal txirrindularien jarduna, esate baterako. Alex Aranburuk, Igor Arrietak, Ion Izagirrek eta Pello Bilbaok ez dute aurtengo edizioa ahaztuko.
Ion Izagirrek omenaldia jaso du Itzuliko azken etaparen amaieran
Ormaiztegiko txirrindulariak erretiroa hartuko du denboraldi honen amaieran, 17 urteko ibilbide profesionalaren ostean.
Ion Izagirre: “Itzuliak asko eman dit, eta zortekoa naiz nire azken Itzulian laugarren bukatzeagatik"
Ion Izagirre (Cofidis) Itzuliko podiumean sartzen saiatu da, baina azkenean pozik hartu duen laugarren postuarekin geratu da. Azken aldiz lehiatu du lasterketa, eta asko eman diola onartu du.
Paul Seixas: “Oso pozik nago, oso aste berezia izan da niretzat"
Paul Seixas Decathlon taldeko 19 urteko txirrindulari frantziarrak nagusitasunez irabazi du 2026ko Itzulia, aurkari guztiak lehen egunetik azkeneraino menderatuta eta hiru garaipen eskuratuta.
Andrew Augustek irabazi duen Itzuliko 6. etaparen laburpena
Andrew August (Ineos) txirrindulari estatubatuarrak garaipen handia lortu du Bergaran, 2026ko Itzuliko seigarren eta azken etapan. Euria protagonista izan den lasterketan, Paul Seixasek ez du inolako oztoporik izan sailkapen nagusian gailentzeko eta, berarekin batera, Florian Lipowitz eta Tobias Halland Johannessen izan dira podimuean. Ion Izagirrek laugarren postuan bukatu du.
Paul Seixasek nagusitasun handiz irabazi du Itzulia, eta Andrew Augustek bereganatu du azken etapa
Itzuliko azken etapa ikusgarria izan da, eguraldiak lagundu ez badu ere. Andrew August (Ineos) txirrindulari estatubatuarrak garaipen handia lortu du Bergaran. Paul Seixasekin batera, Florian Lipowitz eta Tobias Halland Johannessen izan dira podiumean. Ion Izagirrek laugarren postuan bukatu du azkenekoz lehiatu duen Itzulia.
2026ko Itzuliko 6. eta azken etapa: Goizper Antzuola-Bergara (135,4 km)
Jarraitu zuzenean Goizper-Antzuolan hasi eta Bergaran amaituko den 2026ko Itzuliaren seigarren eta azken etaparen emanaldia, 14:30ean hasita.
Javier Romo etapa lehiatzeko aukerarik gabe utzi duen erorikoa
Mantxako txirrindularia lurrera joan da Izuako igoeraren amaieran, Seixas eta Lipowitzekin bat egin eta gutxira.
Izagirre: “Saiatu naiz Paul jarraitzen, baina ez zela nire erritmoa ikusi dut"
Ion Izagirre (Cofidis) Eibarren hasi eta bukatu den Itzuliko 5. etapa lehiatzeko borrokatu da. Lipowitzi eta Seixasi jarraitzen saiatu dela baina ez dela haien erritmoari eusteko gai izan esan du. Podiuma urrun duen arren, lortzen saiatuko dela adierazi du.
Paul Seixas: “Etapa gogorra izan da, eta pozik nago taldearentzat lortutako garaipenagatik"
Paul Seixas (Decathlon CMA CGM Team) txirrindulari frantziarrak Itzuliko hirugarren garaipena lortu du Eibarren. 19 urteko txirrindulariak eta Florian Lipowitzek Izuan gora hautsi dute lasterketa, eta frantziarra gailendu da Eibarko helmugan.