Joaquim Rodriguez, lider berria Ibardinen irabazita

Joaquim Rodriguez (Katusha) da Euskal Herriko Itzuliko lider berria laugarren etapan nagusituta. "Purito" izan da onena Ibardineko malda gogorretan eta bigarren, bederatzi segundora, Euskaltel-Euskadiko Samuel Sanchez helmugaratu da. Hirugarren Sergio Luis Henaok bukatu du (Sky).

Azken mendatera zortzi lagun heldu dira ihesaldian eta Katushak egindako lana azpimarratzekoa da. Azkenean saria izan du taldeak "Purito"ren garaipenarekin.

Helmugara heltzeko hiru kilometroren faltan Albasini, ihesaldian "bizirik" geratzen zen azkena, harrapatu du tropelak eta eraso ugari eman dira orduan. Monfort, Frank Schleck edota Poel saiatu dira baina benetakoa Sergio Luis Henaorena izan da. Haren atzetik Samuel Sanchez eta Joaquim Rodriguez atera dira eta katalana izan da azken metroetan indartsuena.

Joaquim Rodriguez da sailkapen nagusiko lidergoan. Bederatzi segundora Samu dago eta 21era RadioShackeko Chris Horner. Ostiralean bosgarren etapa korrituko da (183 kilometro Bera eta Oñati artean). Jardunaldi luzea, ihesaldietarako aproposa; helmugarako 20 kilometroren faltan, 2. mailako Asentzio gainan, erasoak egon daitezke.

Igor Anton da sailkapeneko aurreneko euskal txirrindularia, 61. postuan 9:10era.

4ª etapa:

1. RODRIGUEZ, Joaqumn KAT 3:55:56

2. SANCHEZ, Samuel EUS 9

3. HENAO, Sergio Luis SKY 12

4. KISERLOVSKI, Robert AST  12

5. NORDHAUG, Lars Petter SKY 16

6. SCARPONI, Michele LAM  16

7. VAN DEN BROECK, Jurgen LTB  17

8. POELS, Wouter VCD  17

9. PILAK, Simon KAT  17

10. HESJEDAL, Ryder GRM  17

Sailkapen nagusia:

1. RODRIGUEZ, Joaquim KAT 16:02:02

2. SANCHEZ, Samuel EUS 9

3. HORNER, Christopher RNT  21

4. KISERLOVSKI, Robert AST  24

5. HENAO, Sergio Luis SKY  24

6. NORDHAUG, Lars Petter SKY  28

7. SCARPONI, Michele LAM  28

8. HESJEDAL, Ryder GRM  29

9. POELS, Wouter VCD  29

10. VAN DEN BROECK, Jurgen LTB  29