2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Italiako Giroak emakumezkoen eta gizonezkoen 2026ko ekitaldietako ibilbideak aurkeztu ditu astelehen honetan. Gizonezkoen lasterketak 40,2 kilometroko banakako erlojupeko bat eta goi-mendiko bost etapa izanen ditu; emakumezkoenak, berriz, bederatzi etapa izanen ditu azkeneko bi ekitaldietan baino bat gehiago.
Erloju kontrako bakarra, gizonezkoen frogan
Horrela, 2026ko gizonezkoen Italiako Giroak, bere ibilbidean, 40,2 kilometroko erlojupeko bakarra eta goi-mendiko bost etapa izanen ditu. Lasterketa Bulgarian hasiko da maiatzaren 8an eta Erroman amaituko da, maiatzaren 31n. 109. gizonezkoen Italiako Giroa Milanetik pasatuko da, azkeneko lau urteetan bertatik ez pasa ondoren.
Guztira, ibilbidea osatzen duten 21 etapetan, txirrindulariek zortzi jardunaldi lau, zazpi erdi-mendikoak, goi-mendiko bost eta banakako erloju kontrako bat. Erlojupekoa lehiako hamargarren egunean izango da, Toscanan, eta etapa nagusia, berriz, azken aurrekoan izatea aurreikusita dago, Gemona del Friuli-Piancavallon, 199 kilometrokoa.
Proba Bulgarian hasiko da, bertan hiru etapa lehiatuko dira, eta mendiko lehenengo etapa zazpigarrena izanen da, bertan Blockhaus igoko dute txirrindulariek. Bakarkako erloju kontrakoa, bigarren asteko lehenengo etapan emanen da, eta hirugarren astea erabakigarria da; honetan, 19. etapan txirrindulariek Passo Giau, 2.233 metrokoa, 2026ko Italiako Giroko Coppi Gaina, eta beste hainbat mendate gogor igoko dituzte.
Jada esan bezala, txapeldunak 109. Italiako Giroko azkeneko maglia arrosa maiatzaren 31n jasoko du, Roman.
Bederatzi etapa, emakumezkoen lasterketan
Emakumezkoen lasterketari dagokionez, 2026ko Italiako Giroa bederatzi etapaz osatuko da, aurreko bi edizioetan baino bat gehiago. Txirrindulariak maiatzaren 30ean hasiko dira lehiatzen, Cesenaticon, eta ekainaren 7an amaituko dute, Saluzzon.
Emakumezkoen Italiako Giroaren 37. edizioaren ibilbidean, 12,7 kilometroko bakarkako erloju kontrako froga nabarmentzen da laugarren jardunaldian, eta Sestrieren etapa amaiera, zortzigarrenean; zortzigarren jardunaldi horretan, txirrindulariek Colle delle Finestre gainditu beharko dute, hurrengo Giroko Cima Alfonsina Strada dena.
Zure interesekoa izan daiteke
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.