Pelayo Sanchezek Alaphilippe eta Plapp beste iheslariak menderatu ditu; Tadej Pogacarrek lider jarraitzen du
Movistar taldeko Pelayo Sanchez txirrindulari asturiarrak irabazi du, ostegunean, 2024ko Italiako Giroaren seigarren etapa; izan ere, asteazkenean ere jazo zenez, eguneko ihesaldiak arrakasta izan du eta garaipena iheslariek jokatu dute, eta Sanchezek Julian Alaphilippe (Soudal Quick-Step) eta Luke Plapp (Jayco AlUla) hartu ditu mendean, helmugako pankartapean. Sailkapen nagusian, ez da nabarmentzeko moduko aldaketarik izan, eta UAE Emirates taldeko Tadej Pogacarrek, beste jardunaldi batez, lider jarraitzen du, maglia arrosa soinean duela.
Une ikusgarriak utzi ditu etapak. Alde batetik, lehia polita izan da, ihesaldian izandako gizonen eta multzo nagusiaren artean; bestetik, aurreikusita zegoenez, "sterrato" izeneko hiru zatiek, lurraren gainean egin behar izan dituzten hamabi kilometroek, gogoratzeko moduko irudiak eman dituzte.
Lasterketa buruan, etapak erdia egina zuela, zazpi txirrindulari gelditu dira: Sanchezekin, Alaphilipperekin eta Plappekin batera, Matteo Trentin (Tudor), Kaden Groves (Alpecin), Vendrame (Decathlon) eta Fiorelli (Bardiani). Tarte erabakigarrian, Pelayo Sanchezek, Alaphilippek eta Plappek erakutsi dute indartsuenak zirela, eta lehia bizia izan dute tropelarekin, nor baino nor gehiago; UAE eta INEOS izan dira tropelaren buruan, baina ezin izan dituzte harrapatu. Helmugan, asturiar gaztea, WorldTourren debutaria bera, gainerakoak baino hobeto aritu da.
Ostiralean, giltzarria izan daitekeen etapa izango da: 40,6 kilometroko erlojupekoa, Folignoren eta Perugiaren artean. Baliteke alde nabarmenak izatea, azken maglia arrosaren lehian izango diren txirrindularien artean.
Etapako sailkapena
1 - SANCHEZ Pelayo (Movistar) 4:01:08
2 - ALAPHILIPPE Julian (Soudal) d. b.
3 - PLAPP Luke (Jayco) + 0:01
4 - PICCOLO Andrea (EF Education) + 0:24
5 - NARVAEZ Jhonatan (INEOS) + 0:29
6 - MEZGEC Luka (Jayco) d. b.
7 - HERMANS Quinten (Alpecin) d. b.
8 - SCHULTZ Nick (Israel) d. b.
9 - MARTINEZ Daniel Felipe (BORA) d. b.
10 - LUTSENKO Alexey (Astana) d. b.
Sailkapen nagusia
1 - POGACAR Tadej (UAE) 23:20:52
2 - THOMAS Geraint (INEOS) + 0:46
3 - MARTINEZ Daniel Felipe (BORA) + 0:47
4 - UIJTDEBROEKS Cian (Visma) + 0:55
5 - RUBIO Einer (Movistar) + 0:56
6 - FORTUNATO Lorenzo (Astana) + 1:07
7 - LOPEZ Juan Pedro (Lidl-Trek) + 1:11
8 - HIRT Jan Soudal (Quick-Step) + 1:13
9 - LUTSENKO Alexey (Astana) + 1:26
10 - CHAVES Esteban (EF Education) d. b.
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.