Dainesek eskuratu du garaipena Giroko 11. etapan, esprintean Gaviria mendean hartuta
Alberto Dainesek (Team DSM) irabazi du Italiako Giroko 11. etapa, asteazken honetan Romagna eta Reggio Emilia artean egin dena, 203 kilometroko ibilbidearekin. Juan Pedro Lopezek (UAE Emirates) lidergoari eutsi dio.
Daineseren estrategia bikaina izan da esprintean, eta atzetik etorrita helmugako marra gainean gainditu du bigarren izan den Gaviria. Hirugarren postua Simone Consonnirentzat (Cofidis) izan da.
Luca Rastelli (Bardiani-CFS-Faizané) eta Filippo Tagliani (Drone Hopper-Androni Giocattoli) txirrindulariek tropeletik ihes egin dute etapa hasieran; hala ere, tropelak harrapatu egin ditu 111. kilometroan. Richard Carapazek (Ineos Grenadiers) hiru segundoko gain-saria lortu du, 129 kilometroan kokatuta egon den tarteko eprinta irabazita. Carapaz sailkapen nagusiko bigarren postuan da orain, liderrarekiko 12 segundora.
Helmugarako 40 kilometro falta zirenean Dries de Bondtek (Alpecin Fenix) erasoa jo du, eta lasterketa buruan ibili da ia azkenera arte, baina tropelak harrapatu egin du amaierarako 1,5 kilometro falta zirenean. Irabazlea esprintean erabaki da, eta Dainese izan da onena.
Sailkapen nagusiko lehen postuan jarraitzen du Juan Pedro Lopezek; espainiarrak, 12 segundo ateratzen dizkie Richard Carapazi eta Joao Almeidari (UAE Emirates).
11. etapako sailkapena:
1 - DAINESE Alberto (DSM) 4:19:04
2 - GAVIRIA Fernando (UAE) d. b.
3 - CONSONNI Simone (Cofidis) d. b.
4 - DÉMARE Arnaud (Groupama) d. b.
5 - EWAN Caleb (Lotto Soudal) d. b.
6 - CAVENDISH Mark (Quick-Step) d. b.
7 - THEUNS Edward (Trek-Segafredo) d. b.
8 - MODOLO Sacha (Bardiani) d. b.
9 - BAUHAUS Phil (Bahrain Victorious) d. b.
10 - NAESEN Lawrence (AG2R) d. b.
Sailkapen nagusia:
1 - LOPEZ Juan Pedro (Trek-Segafredo) 46:43:12
2 - CARAPAZ Richard (INEOS) + 12"
3 - ALMEIDA João (UAE) d. b.
4 - BARDET Romain (DSM) + 14"
5 - HINDLEY Jai (BORA) + 20"
6 - MARTIN Guillaume (Cofidis) + 28"
7 - LANDA Mikel (Bahrain-Victorious) + 29"
8 - POZZOVIVO Domenico (Intermarché) + 54"
9 - BUCHMANN Emanuel (BORA) + 1'09"
10 - BILBAO Pello (Bahrain-Victorious) + 1'22"
Zure interesekoa izan daiteke
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
2026ko Italiako Giroa Bulgariatik irtengo da
Miroslav Borshosh Bulgariako Turismo ministroak agerraldi ofizial batean iragarri duenez, 2026ko Giroko lehen hiru etapak Bulgarian izango dira.
Elisa Longo Borghini italiarrak irabazi du Giroa, eta Liane Lippertek azken etapa
Italiarrak 4. egin du azken etapan, Marlen Reusser 3.aren eta Anna van der Breggen 2.aren atzetik. Lipperten denbora beran helmugaratu da Van der Breggen, eta 8 segundora sartu dira gainerakoak.
Sarah Gigante australiarrak irabazi du Giroko 7. etapa, eta Elisa Longo jarri da lider
4:44:14ko denborarekin helmugaratu da Gigante, Longo Borghini heldu da ondoren, 45 segundora, eta Isabella Holmgren kanadarra izan da hirugarren, 1:14ra.
Lippert nagusitu da Giroko seigarren etapan, eta Reusserrek maglia arrosari eutsi dio
Lippertek hamaikagarren garaipena lortu du profesional mailan, Fenix-Deceuninck taldeko Pauliena Rooijakkers (2 segundora) eta Lidl-Trekeko Shirin van Anrooij (46 segundora) gaindituta.
Lorena Wiebesek eskuratu du Monseliceko esprinta, eta Reusserrek maglia arrosari eutsi dio, Italiako Giroan
SD Worx-Protime taldeko esprinter herbeheretarrak, hala, hamabost garaipen daramatza 2025eko denboraldian; horietako bi, Giroan. Anna van der Breggen taldekidea, gainera, sailkapen nagusiko hirugarren postura igo da.
Lorena Wiebesek irabazi du Trenton, esprintean, eta Anna Hendersonek lider jarraitzen du, Italiako Giroan
SD Worx-Protime taldeko txirrindulari herbeheretarrak bereganatu du lasterketako hirugarren etapa, eta Lidl-Trek taldeko ziklista britainiarrak sailkapen nagusiko lehen postuan segitzen du. Usoa Ostolaza mendiko sailkapeneko lider jarri da.
Anne Hendersonek irabazi du Aprican, eta maglia arrosa jantzi du, Italiako Giroan
Lidl-Trekek taldeko txirrindulari britainiarrak Dilyxine Miermont CERATIZITeko ziklista frantziarra menderatu du, eta garaipena eskuratu; gainera, sailkapen nagusiko aurreneko postuan jarri da, Movistar taldeko Marlen Reusser igandeko irabazlearen ordez.
Marlen Reusserrek indarrean hasi du Italiako Giroa
Movistar taldeko suitzarra gailendu da Giroari hasiera eman dion erlojupekoan, eta liderraren maillota jantzi du. Lotte Kopecky belgikarra eta Elisa Longo izan dira bigarren eta hirugarren, hurrenez hurren.
Ostolaza, Santesteban eta Amondarain, Laboral Kutxa-Euskadi Fundazioak Italiako Giroan izango duen taldean
Alice Arzuffi, Arianna Fidanza eta Laura Tomasi italiarrek eta Yuliia Biriukova ukrainarrak osatuko dute euskal taldeak lasterketara eramango duen zazpikotea; proba igandean hasiko da, uztailaren 6an.