Etapa garaipen bat, Euskaltel-Euskadiren ametsa Vueltara itzultzean
Euskaltel-Euskadi taldea Espainiako Itzulira bueltatuko da larunbat honetan, eta bere ametsa etapa batean garaipena eskuratzea izango da.
Jorge Azanza talde laranjako kirol zuzendariaren esanetan, larunbatean Burgosen "bloke sendoa" aterako du: Mikel Bizkarra, Joan Bou, Mikel Iturria (2019an Urdazubiko etapa irabazi zuena), Luis Angel Mate, Antonio Soto, Xabier Mikel Azparren eta Juan Jose Lobato izango dira Euskaltelen zortzikoa osatuko duten txirrindulariak.
"Bizkarra eta Iturria bi igotzaile peto dira, eta ihesaldietan egoteko aukera izango dute. Gotzon, Bou eta Soto gazteak dira, aurreneko lasterketa handia dute, eta nabarmenduko dira", azaldu du Azanzak.
Lobato eta Mate, berriz, esperientzia handiko txirrindulariak dira, Euskalteleko zuzendariaren arabera. "Gure errepideko buruak izango dira. Izan ere, Matek hamar Vuelta pilatuko ditu, eta bere eskarmentuaren berri emango du; Lobatok, berriz, tropelaren begirunea du. Biak beste taldekideei lasaitasuna emateko aproposak dira, eta gazteenak zuzenduko dituzte lasterketan", azaldu du Azanzak.
Azkenik, Xabier Mikel Azparren gaztea izan du mintzagai. "Urrats nabarmenak eman ditu aurten; ziur asko, Vueltak asko emango dio eta berak ere bere aletxoa utzi ahalko du", esan du.
Talde laranja Profesional Kontinental kategoriako taldea da, UCIren bigarren mailakoa, eta, Caja Rural eta Burgos BH taldeekin batera, talde gonbidatu gisa arituko da hiru asteko lasterketa honetan.
Zure interesekoa izan daiteke
Luis Zubero Kas taldeko txirrindulari historikoa hil da, 77 urte zituela
Zubero, Zeberiokoa bera, euskal taldean aritu zen 1968tik 1974ra. Hiru itzuli handiei dagokienez, lau aldiz izan zen Frantziako Tourrean, hirutan Italiako Giroan eta behin Espainiako Vueltan.
Israel-Premier Techek izena aldatuko du 2026an, "egungo israeldar nortasunetik aldentzeko" helburuarekin
Txirrindulari talde profesionalak aldaketa estrategiko bat iragarri du, eta bere egiturari eta irudiari eragingo die, errepideetako tentsioak eta protestek markatutako urte baten ostean.
Vueltako azken etapa bertan behera utzi dute Madrilen, Gazako genozidioa salatzeko protestak direla eta
Milaka manifestarik errepidea hartu dute Madril erdigunean, eta Poliziak haien kontra egin du. Istiluak izan dira, eta antolatzaileek etapa bertan behera uztea erabaki dute.
Vingegaard nagusitu da Bola del Mundon, eta Vuelta erabakita utzi du
Vingegaardek helmugatik 1,2 km-ra jo du erasoa, eta ia lau orduko denbora eginda irabazi du etapa. Sepp Kuss taldekidea helmugaratu da jarraian, 11 segundora, eta Jai Hindley australiarra, ondoren, 13ra.
Jasper Philipsenek irabazi du Guijueloko esprinta, eta hiru garaipen daramatza 2025eko Vueltan
Alpecin-Deceuninckeko txirrindulari belgikarra argi gailendu da Salamancako herrian, eta Mads Pedersen (Lidl-Trek) helmugaratu da bigarren. Sailkapen nagusian, ez da aldaketarik izan, baina Vingegaardek lau segundoko gainsaria eskuratu du.
Ganna nagusitu da Valladolideko erlojupeko laburtuan, eta Almeidak 10 segundo kendu dizkio Vingegaardi
Gannak 13 minutuan egin du ibilbidea, orduko 56,2 kilometroko abiaduran, eta Jay Vine (UAE) australiarra eta Joao Almeida (UAE) portugaldarra sailkatu dira horren atzetik, segundo bakarrera eta 7 segundora hurrenez hurren.
Espainiako Vueltako Valladolideko erlojupekoak 12.2 kilometro izango ditu, ez 27.2, protestengatik
Lasterketako hamazortzigarren etapako ibilbideari (ostegunean jokatuko dute hori) 15 kilometro kendu dizkiote, "babes handiagoa eman ahal izateko", Palestinaren aldeko eta Israelen eta Israel-Premier Tech taldearen aurkako protestak tarteko.
Pellizzarik garaipena lortu du El Morrederoko gailur kiskalian
Bestalde, Vingegaardek maillot gorriari eutsi dio. Danimarkarrak Almeidarekiko 50 segundoko aldea du, eta Pidcockekiko 2:28koa.
Bernalek Landa gainditu du hamaseigarren etapako helmuga neutralizatuan
Kolonbiarrak ezohiko esprint batean irabazi dio arabarrari. Poio eta Mos/Castro de Herville arteko ibilbidea neutralizatu dute helmugatik 8 kilometrora, amaieratik gertu Israelen aurka egiten ari ziren protestengatik.
Mads Pedersen nagusitu da Monforte de Lemosen
Danimarkako txirrindulariak (Lidl-Trek) lasterketako 15. etapa irabazi du, 4 ordu, 2 minutu eta 13 segundoko denbora eginda. Ondoren, Orluis Aular venezuelarra eta Marco Frigo italiarra helmugaratu dira. Sailkapen nagusian, bestalde, Vingegaardek lidegoari eutsi dio.