Jonathan Castroviejok erretiroa hartuko du denboraldi amaieran
Jonathan Castroviejok (Getxo, 38 urte) txirrindularitza utziko du 2025 denboraldi amaieran. Horixe jakinarazi du Bizkaiko ziklistak astelehen honetan, maiatzaren 26an, Italiako Giroko azken atseden egunean.
"Aspaldi pentsatutako erabakia da, eta momentu egokia dela uste dut", adierazi du Castroviejok. Getxokoak 17 urte eman ditu maila gorenean; 6 aldiz izan da erlojupeko Espainiako txapelduna eta 2016ko Munduko Txapelketan brontzezko domina bereganatu zuen.
"Hainbat urtean dena eman ostean, nire bizitzako etapa garrantzitsu hau ixteko unea iritsi da, baita erronka berriei ekitekoa ere. Elitean eman ditudan urte hauek guztiak ez lirateke posible izango nire emaztearen, seme-alaben eta gurasoen babesik gabe. Nire pedalkada, lesio zein lorpen guztien ardatz izan dira" gaineratu du bere sare sozialetan argitaratutako oharrean.
Amaitzeko, honako hau esan du: "Txirrindularitzak dena eman dit: irakaspenak, lagunak, erronkak eta nirekin betirako eramango ditudan gauzak. Esker onez beteta utziko dut txirrindularitza".
2008an Orbea taldean ekin zion bere ibilbide profesionalari, gero 2 denboraldi eman zituen Euskaltel-Euskadin, 6 Movistarren, 1 Skyn eta 7 INEOS Grenadiers bere egungo taldean.
Taldelanerako ziklista onenetariko bat izan da Castroviejo aditu zein txirrindularitza munduko hainbat pertsonarentzat. Haren palmaresean profesional mailako 11 garaipen ditu.
Zure interesekoa izan daiteke
Laboral Kutxa-Euskadik igande honetan hasiko du denboraldiaurrea, Altean
2026ko denboraldiko plantilla osatzen duten hamabost txirrindulariak alacanteko udalerrian bilduko dira abenduaren 14 eta 21 artean.
2026ko gizonezkoen eta emakumezkoen Italiako Giroko ibilbideak aurkeztu dituzte
Gizonezkoen lasterketak 40,2 kilometroko erlojupeko bat eta goi-mendiko bost etapa izango ditu; emakumezkoenak, berriz, bederatzi etapa izanen ditu, aurreko bi ekitaldietan baino bat gehiago.
Euskadi Fundazioak hamalau txirrindulari izanen ditu 2026 denboraldian
Euskadi Fundazioko formakuntza taldeak, Euskaltel-Euskadiren filiala dena, zazpi txirrindulariren gehitzea iragarri du astelehen honetan
Jasotako aukerengatik eskertuta, Red Bull-Boraren eskutik goi mailara jauzi egiteko prest da Haimar Etxeberria
Bere managerrak gonbidatuta, Haimar Etxeberria astebeteko egonaldia egiten ari da Kanaria Handian. Pogacar, Sivakov edota Philipsen bezalakoekin entrenatzen ari da egunotan. Hemendik aurrera, izen handi horiek ohiko aurkari izango ditu.
Caja Rural-Seguros RGAk Fernando Gaviria fitxatu du 2026ko denboraldirako
Horrela, Nafarroako taldeak bere ibilbidean zehar Frantziako Tourreko bi etapa garaipen eta Italiako Giroko bost dituen txirrindulari bat fitxatu du. Gaviria, 31 urtekoa bera, Movistar taldetik ailegatu da Caja Rural-Seguros RGAra.
Ken Pharmak sei txirrindularik taldea utziko dutela iragarri du
Pau Miquel, Jose Felix Parra, Unai Aznar, Miguel Angel Fernandez, Kiko Galvan eta Haimar Etxeberria dira; azken hori Red Bull-BORAn arituko da.
NSN enpresak Israel Premier Techen lekua hartuko du txirrindularitza profesionalean
Never Say Never Andres Iniesta futbolari ohiak eta Stoneweg enpresak fundatu dute. Stoneweg inbertsio plataforma hispaniar-suitzarra da, eta dagoeneko akziodun berria da.
Joao Almeida 2025eko Euskal Herriko Itzuliaren irabazleak UAErekin berritu du, 2028ra arte
Horrela, Espainako Vueltan bigarren postuan amaitu zuen Almeidak Tadej Pogacarren taldean jarraituko du hurrengo hiru denboraldietan, gutxienez.
2026ko Itzulia Bergaran amaituko da, Gorla, Asentzio eta Azkarate mendateak bi aldiz igo ondoren
Txirrindulariek, beraz, apirilean azken etapa gogorra gainditu beharko dute, ohikoa baino gogorragoa. Antzuolatik abiatu eta Bergarako hirigunean bukatuko da, 2004tik etapa amaierarik ez zuen herrian.
Kern Pharmak Jose Maria Martin fitxatu du, 2027ra arte
Andaluziarrak, hamaika garaipen lortu ditu afizionatuetan, 2025eko denboraldian: "2026an, txirrindulari eta pertsona moduan aurrepauso handia ematea espero dut; taldeari lagundu, hobetzen jarraitu, eta noraino ailegatzen ahal naizen ezagutu".