UCI World Tour

2025/06/18 - 19:00

Almeidak irabazi du Suitzako Tourreko laugarren etapa, eta Gregoirek sailkapen nagusiko lider jarraitzen du

UAE taldeko txirrindulari portugaldarra, aurtengo Euskal Herriko Itzuliaren irabazlea bera, amaierarako ia berrogeita hamar falta zirela gelditu da lasterketa buruan, eta maillot horiaren lehian dabiltzan gaineko ziklistekiko lortu duen aldeari eutsi dio.

2025/06/17 - 22:51

Mikel Landa: ''Nahiko ondo nago; burua Espainiako Vueltan daukat jarrita''

Ana Ramos Euskal Telebistako "Kirolak" saioko aurkezleak Soudal Quick-Stepeko txirrindularia elkarrizketatu du. Mikel Landak esan digu "osatzen" hasi dela, eta helburu duela "urtea, denboraldia, bizikletaren gainean bukatzea".

2025/06/17 - 19:35

Quinn Simmonsek irabazi du Heidenen, eta Gregoirek maillot horiari eutsi dio, Suitzako Tourrean

Lidl-Trek taldeko txirrindulari estatubatuarra eguneko ihesaldian izan da, beste bost txirrindularirekin, eta helmugarako hogei kilometro gelditzen zirela jo du erasoa; Simmonsek tropelarekiko zuen abantaila aldeztu du, eta faboritoen multzoa 18 segundora helmugaratu da.

2025/06/17 - 12:06

Dauphine Kriteriumak izen berria izango du: Tour Auvergne-Rhône-Alpes deituko da 2026tik aurrera

Frantziako lasterketak, lehenago Dauphine Libere izenarekin ezaguna zenak, izena berria izango du datorren urtean.

2025/06/16 - 23:00

Usoa Ostolaza, Pirinioetako Tourra irabazita: ''Iruditzen zait oraindik badudala hobetzeko aukera''

Txirrindulari zarauztarrak bigarren aldiz jarraian irabazi du, asteburuan, Pirinioetako Tourra; EITBk elkarrizketatuta, Ostolazak Laboral Kutxa-Euskadi Fundazioa taldearen lana goraipatu du, eta nabarmendu du nola Italiako Giroan eta Frantziako Tourrean parte hartuko duen.

2025/06/16 - 19:21

Albanesek irabazi du Suitzako Tourreko bigarren etapa, Schwarzseen, eta Gregoirek lider jarraitzen du

EF Educationeko txirrindulari italiarra izan da azkarrena eguneko azken metroetan, Quinn Simmons Lidl-Trekeko estatubatuarraren erasoa baliatuta; Pello Bilbao zazpigarren postuan helmugaratu da, eta sailkapen nagusian ez da aldaketa nabarmenik izan.

2025/06/15 - 21:06

Tadej Pogacarrek irabazi du sailkapen nagusia, eta Lenny Martinezek azken etapa

Esloveniarra hirugarren helmugaratu da, eta Vingegaard bigarren, irabazlearengandik 34 segundora.

2025/06/15 - 20:56

Honela amaitu da 2025eko Dauphine Kriteriuma

Lenny Martinezek irabazi du Dauphine Kriteriumeko zortzigarren eta azken etapa. Tadej Pogacar hirugarren sartu da, 34 segundora, eta berak eraman du sailkapen nagusiko garaipena.

2025/06/14 - 20:05

Elisa Balsamok irabazi du 3. etapa, eta Marlen Reusser suitzarrak lidergoari eutsi dio

Lidl-Trek taldeko italiarra izan da indartsuena esprintean, eta Mischa Bredewold herbeheretarra eta Noemi Rüegg gainditu ditu. Sailkapen nagusiari dagokionez, Marlen Reusserrek lidergoari eutsi dio.

2025/06/14 - 19:37

Pogacarrek ia ziurtatuta utzi du Dauphine irabaztea, bere hirugarren etapa eskuratuta

Helmugarako 12 kilometroren faltan, Pogacarrek erasora jo du, eta Jonas Vingegaard (Visma) danimarkarra, bere aurkari nagusia, oraingoan ere ez da gai izan haren mailan egoteko.

2025/06/13 - 20:14

Amber Kraak herbeheretarrak irabazi du bigarren etapa; Marlen Reusser suitzarrak jarraitzen du lider

Amber Kraak FJD-Suez Frantziako taldeko txirrindulari herbeheretarrak irabazi du Suitzako Tourreko bigarren etapa, Gstaad eta Oberkirch hirien artekoa, baina Movistar taldeko Marlen Reusser suitzarrak jarraitzen du lider sailkapen nagusian.

2025/06/13 - 19:40

Pogacarrek erasoa jo du Dauphine Kriteriumeko seigarren etapan lidergoa berreskuratzeko

Tadej Pogacarrek irabazi du Dauphine Kriteriumeko seigarren etapa, Valserhone eta Combloux artekoa. Jonas Vingegaard haren gurpilari jarraitzen saiatu da, baina atzean geratu eta minutu batera helmugaratu da.

2025/06/13 - 19:31

Pogacarrek Dauphineko lidergoa berreskuratu du Comblouxen

Lehen etapa irabazi ostean, bigarrena poltsikoratu du gaur, helmugarako 7,5 kilometrora erasoa jota mahaian kolpe bat emanda.

2025/06/12 - 19:33

Jake Stewart izan da azkarrena Maconeko esprintean, Dauphine Kriteriumean, eta Evenepoelek lider jarraitzen du

Trantsizio etapa izan da, lasterketako jardunaldi gogorrenak ostiralean hasiko baitira, eta Israel-Premier Tech taldeko ziklistak lortu du garaipena. Remco Evenepoel azken kilometroan erori egin da, baina etapa amaitu egin du, itxuraz arazorik gabe.

2025/06/12 - 19:21

2025eko Dauphine Kriteriumeko 5. etapako azken kilometroa, esprinta eta Evenepoelen erorikoa

2025eko Dauphine Kriteriuma azken txanpan sartu da. Atzean utzi du 5. etapa, eta bideo honetan ikus dezakezu azken kilometroa, oso-osorik. Irabazlea esprintean erabaki da. Remco Evenepoel liderrak erorikoa izan du azken 1.000 metroetan.

2025/06/12 - 19:07

Reusserrek Vollering gainditu du azken esprintean eta Suitzako Tourreko lehen liderra da

Marlen Reusser suitzarrak (Movistar) eta Demi Vollering herbeheretarrak (FDJ-SUEZ) bakarrik egin dituzte Suitzako Tourreko lehen etapako azken 60 kilometroak. Volleringek hartu du aurrea azken esprintean, baina Reusserrek aurreratu egin du. Irabazi egin du etapa.

2025/06/11 - 19:28

Remco Evenepoel bikain gailendu da Dauphine Kriteriumeko erlojupekoan, eta maillot horia eskuratu du

Soudal Quick-Step taldeko txirrindulari flandriarra ezin hobeto aritu da asteazkenean jokatutako 17,4 kilometroko banakako erlojupekoan; Evenepoel, lider berria bera, Vingegaard baino 20 segundo azkarrago ibili da, eta Pogacar baino 48 segundo arinago.

2025/06/10 - 19:12

Ivan Romeok irabazi du Charantonnayn, Dauphine Kriteriumeko hirugarren etapan, eta lider jarri da

Movistar taldeko txirrindulari espainiarra bakarka gailendu da, helmugarako bost kilometro gelditzen zirela erasoa jota; aurretik, eguneko ihesaldian izan da, eta maila bikaina izan du ihesaldi horrek, tartean Lipowitz eta Van der Poel izan direla. Romeok 1:08 atera dio tropelari.

2025/06/10 - 19:09

Dauphine Kriteriumeko 3. etapako azken kilometroa, oso-osorik

2025eko Dauphine Kriteriumak atzean utzi du jada hirugarren etapa. Etapa nahasia izan da, eta ihesalditik atera da irabazlea. Bideo honetan ikus dezakezu azken kilometroa, osorik.

2025/06/09 - 21:01

2025eko emakumezkoen Suitzako Tourreko etapa guztien profilak eta ibilbideak

Lasterketa ostegunean hasiko da, ekainaren 12an, eta igandean amaitu, hilaren 15ean. Lau etapa izango dira; ETB4k zuzenean emango ditu lehenengo hirurak, ostegunean eta ostiralean 15:00etan, eta larunbatean 14:00etan, eta igandeko etapa ETB1en eta eitb.eus-en izango da ikusgai, 12:00etatik aurrera.