Erregina Kopa

2024/02/09 - 14:25

Athletic-Bartzelona eta Atletico Madril-Reala dira Kopako finalerdietako kanporaketak

Zuri-gorriek Barça izango dute aurkari Erregina Kopako finalerdietan; joaneko neurketa etxean jokatuko dute, eta itzulikoa kanpoan. Bestalde, txuri-urdinak talde koltxoneroaren aurka arituko dira; joaneko lehia Madrilen izango da, eta itzulikoa Donostian.

2024/02/09 - 11:10

Realaren golak, Levanteren aurkako partidan, Erregina Koparen final-laurdenetan

Levanteren aurka galtzen hasi bada ere, Realak buelta eman dio partidari, Franssik eta Vanegasek bigarren zatian sartutako golei esker, eta Erregina Koparen finalaurrekoan izango dira txuri-urdinak.

2024/02/08 - 22:17

Realak Levante kanporatu du (1-2), bigarren zatian bikain jokatuz, eta Erregina Kopako finalerdietan da

Levantek sartu du partidako aurreneko gola, lehen zatian, baina talde txuri-urdinak joko ikusgarria egin du bigarren zatian, eta markagailua irauli du. Sanni Franssik eta Manuela Vanegasek sartu dituzte Realari garaipena eman dioten golak; Natalia Arroyoren taldea ostiraleko zozketan izango da.

2024/02/08 - 10:21

Athleticek UD Tenerife kanporatu du, penaltietan, eta Erregina Kopako finalerdietan da

Irene Oguizak sartu du, bederatzigarren jaurtiketan, gol erabakigarria. Partidan zehar, Athleticek eta UD Tenerifek bana egin dute, eta Elexpuruk sartu du gola, hamargarren minutuan. Adriana Nanclaresek neurketa bikaina burutu du, gako izan diren hainbat geldiketa eginez.

2024/02/07 - 16:04

Natalia Arroyo: ''Bolada onean iritsi zaigu partida hau, ilusioz ekingo diogu''

Natalia Arroyo Realeko entrenatzaileak ostegun honetan Levanteren kontra jokatuko duten Erregina Kopako partida aurreko adierazpenak egin ditu. Neurketa une onean iritsi zaiela adierazi du. Jatorrizko adierazpenak, gaztelaniaz.

2024/02/06 - 21:36

David Aznar: ''Lezama gotorleku bilakatzea behar dugu''

Athleticek asteazken honetan jokatuko du Lezaman (18:30) Costa Adeje Teneriferen aurka, Erregina Koparen final-laurdenetan, eta David Aznar entrenatzaileak zaleen babesa eskatu du, hurrengo fasera igarotzeko.

2024/01/26 - 19:25

Erregina Kopa: Athletic-Tenerife, otsailak 7, asteazkenez, eta Levante-Reala, 8an, ostegunez, biak 19:00etan

Final laurdenetako kanporaketak partida bakarrera jokatuko dituzte.

2024/01/18 - 14:05

Athletic-Tenerife eta Levante-Reala, Erregina Kopako final laurdenetan

Horiek dira ostegun eguerdian Las Rozasen egindako zozketatik ateratako norgehiagokak. Final laurdenak otsailaren 7ko astean jokatuko dituzte, astean zehar, asteartean edo ostegunean.

2024/01/14 - 21:33

Athleticek Erreginaren Kopa eskuratzeko bidean urrats bat gehiago eman du, Madril 1-0 garaituta

Lehoiek erabakitasunez egin dute jauzi berdegunera, helburu argia zutela, garaipena, eta 3. minutuan argi erakutsi dute, Nahikarik gola eginda. Aurrelariak Bilboko taldearen kontraeraso bat burutu du, baloia sare barrura bidalita etxeko taldea aurretik jartzeko (1-0).

2024/01/14 - 20:09

Athleticek Erreginaren Kopa eskuratzeko bidean urrats bat gehiago eman du, Madril 1-0 garaituta

Bilboko taldeak Madril CFF garaitu du San Mamesen, Erreginaren Kopako final-zortzirenetan. Horrela, lehoiek final-laurdenetarako txartela lortu dute.

2024/01/14 - 15:31

Realak 1-4 irabazi du Huelvan, eta Erreginaren Kopako final-laurdenetarako sailkatu da

Nerea Eizagirrek eta Sanni Franssik jarri dute aurretik, lehen zatian, Donostiako taldea, Andaluziako taldearen berdinketaren ostean, eta Manuela Vanegasek eta Synne Jensenek osatu dute, bigarren zatian, Natalia Arroyoren jokalariek lortu duten garaipen sendoa.

2024/01/14 - 14:17

Kopako final-zortzirenetako Alaves - Atletico Madril (1-2) partidako gol guztiak

Alavesek agur esan dio Erreginaren Kopari, final-zortzirenetan Atletico Madrilen aurka 1 eta 2 galduta.

2023/11/15 - 18:26

Athletic-Madril CFF, Sporting Huelva-Reala eta Alaves-Atletico Madril, Erregina Kopako final zortzirenetan

Horiek dira asteazken arratsaldean Madrilen egindako zozketatik ateratako norgehiagokak. Kanporaketa partida bakarrera jokatuko dute, urtarrilaren 13 eta 14ko asteburuan.

2023/11/15 - 10:18

Euskal Herriko hamaika talde sartuko dira gaur Erregina Koparen eta Errege Koparen zozketetan

17:00etan, Erregina Kopako final zortzirenak zozkatuko dituzte, tartean hiru euskal talde direla; 13:00etan, Errege Kopako bigarren kanporaketa zozkatuko dute, Euskal Herriko zortzi talde bertan daudela. Erregina Kopa urtarrilaren 13an bueltatuko da, eta Errege Kopa abenduaren 5ean.

2023/11/10 - 11:12

Granada vs Athletic (1-4) Kopako partidako golak, laburpena eta jokaldi onenak

Athleticek Erregina Kopako final-zortzirenetarako txartela lortu du, final-hamaseirenetan Granada 1-4 mendean hartuta. Bideo honetan dituzu ikusgai norgehiagokako gol guztiak.

2023/11/10 - 10:49

David Aznar: ''Partidan nagusi izan garela uste dut, eta garaile bidezkoak gara''

Athleticek 1-4 menderatu du Granada, eta Erregina Kopako final zortzirenetarako sailkatu da. "Partidan nagusi izan garela uste dut, eta garaile bidezkoak gara", adierazi du Athleticeko entrenatzaileak, norgehiagoka bukatu eta gero.

2023/11/09 - 23:23

Athleticek 1-4 irabazi du Granadan, eta Erregina Kopako final zortzirenetarako sailkatu da

Nahikarik, lehen zatian, 0-1ekoa egin du, eta bigarren zatian, etxeko taldeak berdinketa jarri ostean, Pinedok, Amezagak eta Elexpuruk sartu dituzte Bilboko taldearen gainerako golak.

2023/11/09 - 11:26

Alaves Erregina Koparen final zortzirenetarako sailkatu da; Eibar eta Osasuna txapelketatik at geratu dira

Talde arabarrak Cacereño mendean hartzea lortu zuen, penaltietan. Eibarrek 0-1 galdu zuen Levante Las Planasen kontra, eta Osasunak ere ezin izan zuen Betis garaitu, 1-2 galduta. Athleticek gaur jokatuko du hirugarren kanporaketako neurketa, Granadaren aurka.

2023/10/24 - 12:17

Erreginaren Kopako hirugarren kanporaketen datak eta ordutegiak

Kanporaketak partida bakarrera jokatuko dituzte, azaroaren 7tik 9ra. Athleticek, Alavesek, Osasunak eta Eibarrek hartuko dute parte.

2023/10/18 - 15:53

Cacereño-Alaves, Granada-Athletic, Eibar-Levante las Planas eta Osasuna-Betis, Erreginaren Kopan

Kanporaketak partida bakarrera jokatuko dituzte azaroaren 7tik 9ra. Realak ez du txanda honetan parte hartuko, joan zen denboraldian Liga txapelketa 8. postuan amaitu eta hurrengo kanporaketara arte salbuetsita dagoelako.